變成黑人之道

前一日出完海,
呢一日10點幾起身,
我發現原來d錢已用得七七八八, 
於是食完早餐後出去,
我就一邊行一邊見到提款機都試試,
因為mastercard都可以提款嘛,
但我個張原來未申請呢個功能囉, 頂!
試左幾次之後都係冇用~ 
唯有剩底o既日子慳d洗!~

鬼仔叫我唔洗擔心,
佢話會出晒錢喎~
嘩~~真好, 但我覺得非常唔好意思囉,
咁大個女除左我爸爸之外未洗過男人錢!

琴晚做左個泰式MASSAGE之後,
兩個都好好訓…遲左d起身,
食左個早諉後, 四圍行行行,
然後仲去左網吧…

去到個沙灘, 隔離有得坐又有得食野飲野,
食完lunch後, 我地決定要去呢個沙灘到玩下…
返去酒店拎返d毛巾, 又講價買左個沙灘草蓆,
仲拎左相機tim~~

去到, 我地晒左一陣太陽,
但呢個沙灘可能因為太多人去,
d水望落去好清, 但係有陣怪怪的味道….
omg~~但因為太熱, 我地照游,
游游下又不時上返去飲野…
鬼仔因為係白人, 好易曬傷,
佢曬左一陣就變到紅卜卜,
得返我自己去曬太陽…
唔知曬左幾耐後, 我訓著左....
鬼仔好心急走過來叫我要轉身….
於是我轉身又曬多一陣啦~我再次訓著左~
曬完又返上去飲多杯野,
又落去游游當沖身…
最後佢同我講, 我頭先曬左好耐都唔郁, 佢見唔對路就過來, 驚我曬得太耐喎!

之後我先發現自己已經由本來似菲律賓人o既膚色,

變成左剛果人o既膚色!!!

行返酒店前, 我地就去做多次foot massage,
鬼仔真係上晒癒, 仲差d訓著左…

泰式massage -- 香港人之光

終於完滿結束呢個half day tour,
其實都玩了差不多7幾個鐘…
攰到死死下…
先返酒店好好洗個白白先,
洗到一d沙都冇wor, 勁!
我小心地撕開膠布,
yo~~~果然係好似俾指甲篤左.
好彩咋…
有傷口都係唔好食蛋同海鮮,
我唔想係個面個到有疤痕~
但鬼仔話未聽過有疤痕唔可以食呢D(!)
到我地終於去左個好靚仲可以望海o既餐廳時,
我見到有海鮮餐, 嘩~~好正喎, 所以都係食左~好味!哈哈哈~~

由於唔算太晚, 所以人客不多~

睇到嗎?? 個飯係心形ga, 好有heart呢....

兩個人食唔到咁多, 叫左個小小的海鮮拼盤, 條魚, 有點腥~其他都好好味!

食飽飽我地就去左做thai massage舒緩一下,
好舒服呀….我訓著左地泰嬸又拉又扯…
期間得阿鬼仔被人o拍左一下背大叫外,
我都係訓左咁…
其實再隔離都有個瑞士男人做緊, 哈哈!
最後最後, 阿嬸叫醒我, 要我坐底伸直對腳,
佢就用力係後面推, 要我再伸直對手掂腳尖~~
oh~~呢個咋嘛?? easy job! 呵呵呵~
我好勁地雙手抱到對腳板底都得.
鬼仔同個鬼佬都睇到傻, 不停叫好~
我直頭覺得自己做左奧運體操冠軍呢!!
連阿嬸都讚我well done!
話唔係好多人做到丫.

一齊出海去

是日, 我地一早起身, 係酒店食埋早餐後決定出去搵d節目玩玩,
呢到一街都係d潛水, one day tour, 浮潛o既團,
好快我地睇中左一間,
決定join呢個half day tour,
又要2000幾THB, 但好過無所事事於島上冇野做.

11點半要返來呢間野集合,
我地返酒店執好行裝,
順便test下我個相機袋,
我兩個妹之前去墾丁都係用佢先可以落水影相,
我地先放個廁紙落去,
之後跟住佢d封口位封住, 再放佢落水,
仲要係不停用力撳佢,
拎返上來, 如果個廁紙仲係乾o既話就代表–成功啦!!
真係得左…可以放個細相機入去.

就係呢個相機袋啦, 我今次去旅行帶左3個相機, 呢個最細, 剛好可以放入袋

鬼仔明知會來泰國玩水, 佢都唔帶毛巾,
於是我地去左買毛巾, 人買佢買, 買條甩毛o既…
但d人成日見佢係鬼佬就賣到好貴,
好彩講到價,
佢仲買埋太陽眼鏡!
個眼鏡竟然同毛巾差唔多錢, 咩事??

11點半去返集合, 仲可以偷雞上網,
之後等埋幾個外國人就一齊行去出發,
點知, 原來仲有幾間呢d 搞tour o既舖一齊出發,
沿路不停有人加入, 於是一行十幾人出去…
去到, 仲未上得船o既, 因為我地要試下蛙鞋,
我唔知自己係咩size, 唯有俾幾對我試試下…

到可以上船, 佢地會幫我地分好,
我地同左一班亞洲人一架船(!!)
有來自北京的一家三口, 仲有兩男兩女的不知明人士,
出海後我發現個4個男女都係中國人,
因為佢地原來唔係講緊韓文而係講緊自己家鄉話,
仲識同北京家庭講國語(!)

而出海後約15分鐘我地先係一個細細的海灘上接左兩個外國男女上船,
之後先開發派發浮潛裝備~~

去到第一個浮潛地方,
可以見到約一至兩尺長o既細細鯊魚, 當然佢第日係會變成一啖食左你o既怪物.
但我其實個時有d驚, 因為未試過係海中心游水, 所以搞左一陣先敢落水.
仲要係著住救生衣(!!) 蛙鞋嗎? 冇著, 太麻煩了.

戴好裝備後一野伸個頭落水,
ohohohohoh~~~世界真美妙~
個海其實已經好清好清, 但你潛埋落去時係會見到好多好多靚靚珊瑚及好多好多好多好多魚魚魚魚魚圍住你.
係你個頭同身體旁四圍游游游游游~~
真係靚到唔知點形容(詞窮!)
NO~~唔係詞窮,
應該係所謂的 — 非筆墨可形容 (我真醒)!~

妖~~我發現鬼仔用呢個相機袋影o既相都會影埋個黑色邊邊....
我影o既係video, 但file太大, 放不到上o黎...

去完浮潛後我地去了睇下個景點,
就係 ....................... 一個好大好大o既海蝕洞(!!)
好壯觀呀~~~隔離遠少少仲有一個海蝕柱..
之後又去下一個地方, 個到都係可以浮潛,
而且D魚o既顏色同品種比剛才更多,
真係睇到我傻, 跟住佢地愈游愈出,
之後又係好淆底地游返埋船邊啦, 點知會唔會有大白鯊ga!??

然後, 就去左一個叫monkey bay o既海灘,
俾我地游下水同食下飯咁…
但呢個海灘都有好多人去,
水質尚算okay但唔可以叫靚…
問船家呢到係咪真係有monkey, 佢笑笑口話依家冇啦,
佢地躲係山後面...
但北京小妹妹堅稱自己落船個時見到, 哈哈哈~佢好可愛ga!
好想再去浮潛呢…
停留約半小時後又上船再去下一個灣…又可以浮潛了, 正!!!
呢到都係好多好多魚魚魚魚魚~~總之你去到就會覺得自己根本係一條美人魚啦(!!)

又到左再下一個bay叫 — bamboo bay~~wohhoo~
你就會明白世界有如此美麗o既海灘,
d清清o既海水係清到就算你個人行到好出, 淨係突個頭出來,
都仲可以見到你對腳,
沙好似麵粉咁軟綿綿~
仲要係游下水都可以見到魚仔在你身邊一齊游游游~oh my god!!真係好爽~~

見唔見到有條細細o既白色魚仔呢???

如果唔係個相機袋因為冷熱搞到有霞氣, 會更清~

忘我地游了9個字左右, 又上返船,
就係呢個時候,
我個頭一野撞左去個邊邊,
痛到幾乎係feel唔到痛(!)
好彩有個太陽眼鏡, 唔係可能撞到眼呢..
之後一坐底, 鬼仔睇下我有冇整親,
佢話我流緊血, 仲用手指一野篤埋我個傷口話要止住佢…
痛到我想跳海(!!!) 
船家見到我爆缸就搵紗布同藥水繃帶貼住,
我問鬼仔個傷口有幾大,係咪好醜樣ga,
佢話唔係, 好似指住篤左一下咁大o者, 好彩~
但事後我諗如果撞到眼又或者係個口都唔知點算,
甩牙又點算??? 好驚好驚!! 點解次次出海我都有血光之災???

然後又好快地去了睇下一個景點, 由於海水太深係唔可以浮潛,
淨係可以俾你落水游下同埋睇岩石等等….
之後就停係海中心一齊睇日落了~好鬼浪漫!!

滿足的一天又過去了~呵呵呵!!

由布吉到phi phi去

由pangtong去碼頭都要差唔多一個鐘,
司機放低我地後我地就排隊拎飛,
鬼仔話佢去拎飛叫我等,
但見佢企左係到又唔知應該點做,
前面又冇啦啦俾一堆強國人打尖佢都唔出聲,
我太嬲啦, 我自己去排隊拎飛, 哼~
終於俾我拎到飛!! 好野上船啦, 冇俾人搵笨!!

撘去phi phi都要一個半鐘,
仲搞左好耐先開到船,
全程我又訓覺…
我真係好勁, 去邊都訓到!

落船又有人幫你拎晒行李去岸上,
但原來要收錢的, 承惠$20 THB~
仲有酒店的人拎住牌仔來接我地tim!
等埋其他一齊去PP. Castel o既人就一齊出發了,
由碼頭行去都唔太遠,
呢到有d似南丫島,
冇車又冇咩建築物, 我鐘意,
夠晒鄉下, 咁先似渡假ga嘛!!

到左酒店, 前面o既亞洲似乎唔多識英文,
好似唔多明個職員up乜, 搞左好耐先check到in,
去到我地間房, 呢到好靚呀, 係獨立屋~
估唔到連呢到都有桃花樹同貼滿揮春~
放低晒行李沖個靚涼就出去食飯,
(注意島上大部份酒店/渡假屋的熱水都係不會用上純水的,
所以用熱水時就會有d怪怪o既海水味同好似痴立立咁)

我地成朝淨係食左個早餐同椰青.
食飽飽之後就四圍行視察下呢到o既地形同環境咁啦,
仲去左沙灘, 差唔多日落…愈來愈多蚊,
就返去做foot massage, 又做? 因為鬼仔愛上左,
真係堅舒服ga!

布吉的一個早晨

是日我地要1點chech out,
今日我地10點已出門口,
但四圍o既店舖都未開,
琴晚d夜市好到好夜ga~~

我地酒店冇早餐食, 所以出去行行睇下食咩,
鬼仔每次都要行好多間先諗到食咩,
又熱又餓, 我行到腳仔軟,
於是求其入左一間,
鬼o既一早就要curry, 似乎唔錯,
而我o既漢堡就……麻麻!!!
間野仲好多烏蠅~基本上phuket有好多蚊同烏蠅, 咬到我一腳都係(!!)
食完我黑面o既早餐, 拿拿聲走人..

行街去, 睇下d小攤檔,
但咩都冇買, 因為都幾貴,
呢到做遊客生意所以好貴,
有機會一定要講價,
鬼仔琴晚買個喼都有講!

行行下終於被我發現到有椰青, 呵呵呵~
好味好多汁, 正正正!! 真係消暑良方~
仲去左呢到o既沙灘行行, d水都幾清,
但好多人喎~我地又要出發啦差唔多,
所以都冇落水!

原來鬼仔未試過成隻椰子咁飲椰青,
仲話咁樣好好味, 好鮮甜~
不過佢飲完之後又話個肚唔舒服要搵廁所去解決(!!)

再去左間酒吧飲野打發時間.
check out之後仲可以用佢地o既電腦tim,
一路等一路上網,
但個司機遲左幾個字囉,
搞到我地好擔心佢唔來,
於是叫酒店d人幫我地打去問問,
佢地話個司機來緊啦喎…
最後, 佢終於出現了, 好彩!!

我地冇俾人呃啦!!yeah!