聖誕節快樂嗎???

各位的聖誕節過得點呀??
今日boxing day呀,
大家拆左禮物未???

 

23號 -- 已同大班朋友一齊開PARTY,
好多食物呢, 大半都係友人親自下廚,
我就早D到幫幫手啦,

 

個千層肉醬麵同呢個就係我整o既~~

 

我地o既dress code係紅色,
由於有d人唔記得左,
所以今次張大合照冇前年倒數咁搞笑,
因為個年影完之後大家都覺得勁似 -- 東華籌款!!

 

當然唔少得交換禮物啦!!
之後就係玩集體遊戲,
個game超好玩又刺激, 搞到我返到屋企發夢都仲係玩緊個game (!!!)

唔好睇少集體遊戲呀,
開house party如果冇game玩就會各自各傾計ga啦,
咁就好悶同冇意思。

平安夜,
要返工, 不過放早,
lunch時同同事們搞party仲有抽獎~~

今年不論係同事定朋友玩抽獎的禮物都好正常,
收到好開心~~仲好實用!!

 

我朋友公司d人就癲好多啦,
佢地有人買左CD ROM同埋公仔麵等等~
收到都唔知喊定笑好!
依家有USB已經好少用cd rom ga啦,
公仔麵都話可以食左佢!

聖誕節???

由於我收到聖誕最強的禮物 -- 病菌!!
所以都係屋企攤屍, 睇下書, 昏迷, 仲有執下野(!!)

 

 

呢隻猩猩都係今年收到的聖誕禮物,
可以攬又可以平放係sofa睇書用

Santa claus is coming to town.......

唔經唔覺仲有一個幾星期就到聖誕節,
同朋友籌備緊一年一度的Christmas house party,
同朋友們各自整一樣食物去,
今日我就係屋企試整一次, 哈哈!!

雖然我爸爸媽咪都話今年屋企得返咁少人冇人欣賞棵樹,
之但係上星期, 我都決定拎棵聖誕樹出o黎擺,
同埋掛返個冬青木圈圈係大門(!!)
有d聖誕氣氛嘛~~~

Well~~我個棵聖誕樹係掛左好多野上去,因為年年都同D妹買少少新野,
愈來愈多, 好鬼浮誇......................

嘿嘿~~本來真係冇人睇,
不過我媽咪話前兩日有人送貨o黎屋企時,
兩個師傅讚我個門口同棵聖誕樹靚!

雪人: 呢幾日咁熱, 熱到我都溶啦~

 

 

我上星期已經寄出晒俾外國朋友的聖誕卡,
英國的朋友已經收到晒, 效率真快,
其他德國, 美國呀個d好似仲未有聲氣~~
琴日反而屋企收到張澳洲返o黎o既。

聖誕節大家準備好未???

我仲未買禮物去交換呀,
仲要買兩份, 真係頭都大埋......

大家去party時會買d咩多呢??
最怕收到又係咩呢???

我好怕收到d唔實用又晒位的野~~

有一年, 我地一班鐘意搞鬼的朋友,
話$100內買d膠野去抽獎,
癲起上o黎我唔排除買兩包米去抽獎ga....
(但邊個幫我拎呢???)
最後我好有人性咁買左成$100 Hello Kitty保鮮紙去,
人地抽到唔鐘意都總會有用丫嘛!! 哈哈~~

今年我地講明要正常野, 唔搞gag, 所以都幾頭痕!!

眨下眼

十一月真係多事之秋, 眨下眼就十二月啦!!

 

首先, 我兩個妹出發去左澳洲嬉戲人生,
我, 一個係屋企獨攬大屋之餘,
更可以食晒佢地的零食。
而我爸媽, 就最開心依家只需要服侍我一個。
當然佢地又不時叫我上面書開佢地Upload的相俾佢地睇,
但佢地一邊睇又要一邊話:「下? 搞錯呀？ 張張都見唔到個樣，點睇我啲女呀？」
我:「 乜你唔知依家啲人去旅行唔興自己上鏡㗎咩？」

然後呢, 十月起每星期都去醫院探病,
最後十一月中, 我舅父都過身了,
傷心了好一陣子, (依家冇事, 上星期出殯了~~)


後來又到我姨媽做手術.....
好彩, 冇事。

今年好多人入醫院。
工作, 忙碌,
連上法文班都無晒動力。
好彩, 上天送我最好的生日禮物 -- 我manager出trip三星期,哈哈!

朋友又係北京返o黎,
聚會多, 久違了的老蘭。

再後來, 是我的生日,
生日飯都食左好幾餐。

 

 

以上, 除左忙之外,
我打唔到blog,
因為, 我兩個妹去征用左我的netbook去澳洲,
而屋企個電腦又神神地, 開機下下都要成半個鐘,
之後想做咩又要load好耐~~

用電話上網只有遊BLOG,
用來打blog同留言好麻煩,
所以, 潛左水囉。

今日我都用左好耐先upload完相,
睇怕真係要買陪新laptop用..... >.<
最神奇係, 每次一搵朋友來整電腦,
個死人電腦就出奇地正常(!!!)

玩乜鬼???

今日我又再嘗試開機, 佢竟然冇啦啦同我倒數十秒,
之後又LOAD左幾千個FILES,
然後洗完面, 我見到久違了的wallpaper。

即刻下返呢篇野, 仲有逛下blog啦~~

過去左的萬聖節

 

 

剛剛過去的萬聖節大家點過呢??
有冇去主題公園撞鬼??
去老蘭扮鬼??
定係派糖俾小朋友呢???

我今年就因為工作太忙,
朋友們都好忙,
大家都冇去LKF扮鬼啦 (老啦)!!

但屋企就整左好多Halloween cookies,
於是就拎返公司派下, 哈哈!!

 

大家又睇唔睇得出係乜o黎ga呢???

 

 

自作。業

早前同友人去深水埗買物,
今次唔係為工作同projec啦,
用o黎自己做手作仔的,
好似讀完書唔洗交project之後都冇再做過手作,
莫講話鉗, 連衣車都冇掂過,
淨係前排係美國幫過鬼仔補衫咁大把(!!)

不過, 有時好想自己整d飾物戴下,
平丫嘛, 又可以o岩自己心水,
所以就叫朋友幫手教下我整啦,
我之前未整過飾物ga。

友人因為之前搞自己婚禮,
之後就以製作結婚飾物同搞婚禮野為副業(!!)
有人教更加要試下自己整啦~~

第一次, 就試下整隻戒指仔玩下~~

估唔到效果唔錯喎!!!
寶刀未老~~ 哈哈!!

左邊的是友人的~~好靚呀!!

 

 

有請兔模做我代言人~~~哈哈哈!!

 

 

究竟邊到有得賣呢款郵票簿???

係開始打呢個星期的無聊事之前,
我好想問有無人知道究竟邊到有得賣呢款郵票簿???

我就唔明點解到到書局同文具店都話冇得賣好耐!
有d就淨係得大陸出個d好似相簿咁款白底有一張張膠片個隻,
仲要個封面老套到喊...........我唔鐘意!! >.<

"乞兒島"都見到有, 但係得細細本個隻,
封面又係樣衰到核爆......

我只不過想要返呢d傳統舊式郵票簿之嘛,
點解都咁難???

依家因為冇位放d郵票,
冇得分類放, 有位就塞,
搞到擠逼戶咁!!

究竟邊到有得賣呢款郵票簿???
----------------------------------------------------------------------------
今個星期除左去拜山, 探病之外,
仲有就係放工見下朋友仔,
工作最近好忙,
忙到連放工後連網都唔想上,
因為成日對住個電腦.......

秋天到啦, 又係BBQ的好時機......
今次又係去打擾友人夫妻,
仲勁食海鮮, 好正,
有海鮮的BBQ才是王道呢!!

仲去左大角咀打邊爐,
D食物好大份, 肥牛第一次係叫一碟就夠囉,
成座山咁高!
食到有人要打包,
好彩我地男仔同女仔都刷得,
唔算食淨好多~~
望下隔離檯, 人地連白蘿蔔都要打包,
真抵食!!

再來, 琴晚去了食素 + 糖水,

順便買左過新Phone case,
但依家有個好大的問題,
個電話套太實, 我又好怕夾硬來會整花個電話,
我拆唔返出o黎,
係咪咁就一世啦!!????

早幾日先發現原來阿b仔都有份玩喎今次~~ 呵呵!

探訪Hemingway故居

好多朋友聽到我去左美國玩都只係羨慕我有得休息咁耐,
但講到文化方面, 好多人都不屑 -- 美國冇咩歷史同文化,
Well~~~我以前都有咁o既諗法, 因為北美的歷史太短, 只有二至三百年。
始終, 大家都會覺得去歐洲玩, 係比美國型棍好多。

其實, 美國佬都唔係一無可取o既,
相信好多人都知道二十世紀著名小說家Ernest Hemingway係美國人,
其實佢係芝加哥出生ga喎。

今次去美國芝加哥住左幾個月,
都去左睇睇~~

臨走之前一日, 鬼仔就帶左我去佢故屋啦,
佢出生於Oak Park, 係Chicago的西部,
個一帶有好多Prairie Style o既屋企,
除左去Hemingway故居,
我地都去左著名建築師 -- Frank Lloyd Wright舊居,
但由於我當日只係用手機影相,
而部手機係我一返到香港就唔見左, 所以冇相。

**依家Hemingway 故居的相片都係由鬼仔send返俾我的,
(佢有用自己手機影)
我返到香港成個幾月後先收到d相, 佢效率真高。**

細個有嘗試睇過《老人與海》,
但對當時唔識野o既我o黎講係好悶o既,
所以對於Hemingway都冇咩特別感覺,
只係知道佢拎過好多文學獎同做過記者等等......
最後係Idaho州自殺~~~
(當然佢o既感情生活又係好豐富啦 <-- 呢d咪係八婆囉, 正經野又唔睇, 八掛野就記得)

因為Grace Hall Hemingway喜歡玫瑰花,
所以玄關同屋內都有不少玫瑰花裝潢。

這是大廳~~

因為Grace Hall Hemingway曾是音樂家, 故家中少不了鋼琴

書房
Hemingway爸爸係一個醫生, 所以屋企有好多標本,
但佢間房好黑, 冇影到~~~

 

主人房~

見唔見到左上第一張相呢?? 個位BB就係Emest Hemingway啦!
小時候生得似個女仔呢~~

很可能是Hemingway訓過的BB床

但, 導遊話部份物品都係彷製返出o黎的,
因為收藏係博物館內(!!)

養小動物的責任 + 入手

上星期又去左朋友家中,
佢因為做義工的關係領養多一隻bunny回家,
係男仔, 兩歲大~~

(Hi~~你鐘意我對Smoky eyes嗎???)

佢天生右後腳向外生,
朋友見佢咁耐都冇人要,
就決定要領養佢啦......

雖然佢隻腳仔有事,
但都無礙佢活動同係家裡奔走!!

之不過有樣野我就好想係到講,
因為朋友話呢隻兔個前主人係話自己有敏感喎,
所以養左兩年就唔要佢~~

點解要兩年先知自己有敏感呢??
我就覺得係d人初初養見細細隻bb仔好得意所以養,
到大個左啦冇咁可愛加上佢隻腳向外生唔好睇,
加上又成日要洗籠, 梳理, 執屎等等覺得煩囉!

朋友話做義工個到好多兔仔被遺棄的原因都不外乎係因為冇時間照顧佢,
之前都有朋友話有d人遺棄寵物係因為要結婚, 生仔, 老婆/老公唔鐘意(!!)
更有人係同男/女朋友分左手所以唔要隻小動物,
其實聽完真係覺得佢地好仆街!!!

養一隻小動身其實係照顧一條生命,
佢唔係玩具, 佢有血有肉, 同樣需要人愛的,
唔係你一時好鐘意就拎返去養,
養一排覺得成日要幫佢執屎沖涼就話煩,
之後就搵藉口唔養佢。

知唔知咁樣係對一隻小動物好殘忍????

唔該, 養小動物之前真係好好諗一諗,
做好資料搜集, 準備好, 了解你想養的動物要點照顧先好養,
做個責任的主人!!

仲有最好唔好買囉,
乜絕純種又真係好重要咩??
其實去領養都係一個不錯的選擇。

(嗚....做乜指住我o黎話bor?? 最多下次唔敢抓你啦~~)
---------------------------------------------------------------------------------------------------------------------------

同埸加映 -- 最近不事生產, 買野就有。

我妹買了新的打蛋機~~是故又做左Brownie 俾我拎去探朋友~~

仲有呢個, 其實對呢個海錦寶寶卡通冇咩感覺, 但難得佢入面間隔合我心意,
見佢咁搶眼又抵就買佢啦~~下年終於有一本o岩心水的schedule用了~
唯一美中不足係 -- 佢都係由2012年9月開始, 我就慣左1月1日先開新的~~

呢隻係今年第一份收到的生日禮物, 由英國朋友係寄來, 早左成個月慶祝我! 係我至愛的MUSE!!!
雖然個人覺得呢隻唔係佢地BEST ALBUM但我都仲係好鐘意,
依家個腦成日都Loop住"ma ma ma ma mad mad mad......"







**食完藥, 好暈, 好眼訓.....但樓上又興建皇宮, 點算??