Tuesday 24 April 2012

看電影去

星期六有點晚才起床,
鬼仔這個星期請了一個星期假,
可以陪我多一點.
(其實我覺得有點傻, 因為之後剩下的假就不多了,
應該分開幾次請嘛!!)

我們先去了家裡對面街的韓國餐廳,
之前都想試的啦, 但人太多, always busy,
我上網查了原來這間餐廳很有名,而且在這裡已有很久歷史.
所以人總是很多~~

這次去了吃lunch, 人還是很多的, 但不用等位,
食物很不錯啊, 但得仔第一次吃韓國菜, 看到桌上很多一碟二碟覺得很奇怪.
我們試了烤牛肉及墨魚, 還有韓國湯年糕 <--鬼仔很愛, 我分了一些給他之後佢吃完了又再問我要多一點, haha
吃飽飽就逛街去了,
但什麼都沒有買, 後來還去看電影,
這個影院很小, 是有點舊式的,
連門口的時間牌我都覺得很有趣。
我們看了Hunger games!!!
在香港時我還未看, 想不到這裡還在放映.
很有意思及引人思考的一齣電影呢,
我大概會找書來看, 反正鬼仔上班時我沒事可幹. :p

不過今天去觀察一下附近環境, 以後一個人時可以散步去囉!!!


戲院的門口...

湯年糕..

CHINA TOWN

雖然鬼仔說芝加哥之所謂叫Windy city不是因為這裡太Windy,
但這裡真的是風很大, 每次出街都吃了不少西北風,
而且只有幾度, 在室內要開暖氣,
來到芝加哥一個星期, 搞到我d皮膚勁乾燥!!!
就算用左好多lotion同不停楂潤唇膏都仲係爆左擦!! >.<
鬼仔每晚都要幫我於背上甩皮的部份塗lotion~~

被我煩了幾天的鬼仔 (不停投訴),
昨天終於車我去了China town.
可以吃點心去~~
這裡的點心不如香港一樣好吃,
但可以一解我恨食點心的心癮 (不是思鄉, 而是口痕)。
鬼仔說他未吃過點心,
還投訴在香港時我沒有帶他去嚐嚐 (!!)
我想他其實是有吃過但不記得也不知道自己吃過什麼 (他記性很差)。

這次的他首嚐點心, 他說好吃啊,
連一般外國人不會吃的內臟 -- 牛柏葉, 他都吃了。
還說最喜歡吃叉燒包呢~~~

吃了點心後, 我們去了Field museum~
今期的主題展覽是Mummy及Genghis Khan (即是成吉思汁),
Mummy的埸館很小, 展品也不多,
我記得中一歷史課時跟學校去了博物館看有關古埃及文化的展覽,
那裡還大得多呢~~
而且古埃及文明是當時那學期的主打, 所以都看了很多了。
我反而覺得這個展覽不夠吸引, 而且有點悶(!!)
還要看一個Mummy的3D電影, 不過這套還okay, 而且很短。哈哈~~

再看了成吉思汗, 這個埸館比mummy大一點, 展物都比較多,
而且還有viedo讓大家了解他的生平,這個很適合外國人看,
還有一些關於蒙古人生活的簡介。
鬼仔覺得用兵方面很聰明, 我說這就是中國人說的計謀呢。
成吉思汗嘛, 我中學時中史課都有讀過, 當然還有"元朝"!
他覺得那些古代兵器及蒙古包很有趣, 哈哈!!

看完了3D影片及參觀完博物館後,
我們又回到China town去, 因為車汨在附近,
而且今天的主要活動之一是 -- 買湯包!!!
最後我還不只買到了湯包,
更買到了紅棗, 蜜棗, 杞子, 冰糖, 菊花, 蝦子麵等等.... (連維記菊花茶都有)
嘩!!! 好開心丫~~ 我可以煮糖水和中沙湯啦, 不用做人乾啦!!! yeah!!!

回家前還去了target, 買了新床單, 地毯, 睡拖等等...
鬼仔合道我喜歡在家中放些鮮花, 所以還買了花瓶。
好貼心呀!!! :)

我的新睡拖, 鬼仔沒有在家中著鞋的習慣, 但我實在受不了~~地毯都是新的呢, 舊的可以洗了。

我的戰利品, yeah!!!! 終於唔洗做人乾啦!!!

China town的門口....竟是禮義廉恥, 另一個門口的忘了寫什麼lu~

Field museum的門口..

嘩~~老友, 乜你仲係到呀??? SUE是這裡長期主打, 兩年前我都看過了~~

點心, 一共點了6個!! :)

Thursday 12 April 2012

人在異鄉 -- 第一個星期

好耐冇update呢個blog....因為好一陣子冇去旅行, 之前又返工同讀書, 唔得閒+冇咩好update.
3月30號返完最後一日工之後......依家我人在芝加哥, o黎兩個月探下我14個月冇見o既男朋友啦!! : )
剛剛終於克服完我o既jet-lag!! 我平時去旅行都唔會有jet-lag, 但係今次真係不得了......
因為我要係韓國轉機, 由5點幾到11點幾(!!) 我淨係可以訓2個幾鐘. 之後由韓國去美國個程機仲慘..我完住冇得訓, 因為有太多bb啦!!
有好一兩對白人夫婦都帶住d100%亞洲人樣o既bb, 可能係領養ga啦. 所以唔係同對父母唔熟掛....總之佢地就喊得最勁, 而最得人驚係, 一有一個bb喊就成程d bb都會跟住喊...大家都好無奈 =___=
今次呢程機我隔雜有個嬸嬸, 我本來以為佢係韓國人, 但佢又唔識韓文喎 (因為空姐用韓文同佢講野),
到空姐派入境紙俾我地填時我見佢拎住電子字典係到查, 好苦惱咁.... 見佢拎住日本護照!
於是我就問佢洗唔洗幫手(英文). 佢又唔明喎. 不過佢突然用一句國語: 什麼?? 
噢噢噢~~原來佢識講國語, 佢仲聽到我都識講國語超開心tim. 於是我就幫佢填啦! (有日本名ga wor) 但我唔識漢字係乜!
到食飯時, 我又幫佢叫野食啦, 咁就傾左一陣. 我問佢你係邊到學d國語講得咁好o既. 佢竟然答話佢係內地人 (oh!!! 我以為係日本人)
我又問佢咁你識日語嗎?? 佢話一句都唔識 (!!) 我諗可能佢係嫁過去日本o既~~
今次佢去探佢個仔. 直到入境美國, 我都係照顧住佢, 等埋佢一齊排隊ga!
我覺得呢個媽媽真係好勁, 一句外語都唔識但為左個仔, 千山萬水由日本去韓國再去美國見佢. 好感動!! T^T
鬼仔星期一至五返工 (有時可以work from home). 我就一個人係屋企......
由於暫時我仲係人生路不熟而且鬼仔得一條鎖匙, 我驚蕩失路佢冇門口入.
最大獲係, 我出左街就冇得用wifi....上唔到網啦...我呢d"網絡依存症"o既人呢係會死o既(!!) hahaha.....
等我過幾日摸熟d路先出去散下步啦~~
雖然呢到已經係春天, 仲幾好陽光, 但仲係好凍, 早晚都係得3-7'C. 下午就有10'C-14'C。
我本來想出去影下花園D風信子, 但都係凍到唔想特登換衫出去影. :P
鬼仔每日5點起身, 我就都醒埋, 一齊食早餐, 7點送佢出門口返工。
之後一條友係屋企做咩好呢?? 就係......上網 (!!) 同兩個妹仲有d朋友Whatsapp, msn傾下計...
睇下電視 (我超鐘意Animal planet同cooking channel), 睇下書, 再聽下香港o既電台。
最最最花時間就係做家務(!!) 我平時係屋企都有做開ga啦, 但呢到地方大d仲好大塵, 而且我發現鬼仔屋企好多蜘蛛網!!
原來外國人係覺得有蜘蛛網係好o野 (!!) 我剛剛吸塵吸晒咁滯啦~~ woohoo...!!
暫時呢D生活都OKAY, 因為好閒...... 不過我驚遲D會悶, 所以都要諗下搵D野搞.. :P
琴日係屋企一打開窗簾就見到隻松鼠係對面馬路跑過o黎, 好可愛呀!!!! 我想影佢ga 但佢走得好快唔知去左邊.
之後我緊係好新奇咁話俾鬼仔知啦,點知佢話後花園仲多wor!! yeah!! 等冇咁凍o個時去睇下先~~


呢個吸塵機就係我o既打掃o既好幫手啦, 依家佢間屋乾淨左好多!!

唉~我好憎呢個開放式廚房, 因為次次都搞到成屋好大陣味丫!!!

我鐘意係廚房玩電腦多過係sofa同書房玩......

我唔明點解一個早餐都咁多野洗...

我地晚上o既活動, 就係捉棋啦! 但我次次都輸俾佢.... T__T

Tuesday 3 April 2012

Pixar 25 years of animation -- 睇後尾枕展

琴日要睇兩套電影節電影,
倒屎咁早就要出去,
因為一套係早上10:30,
而另一套就係晚上9:50,
嘩, 中間成日流流長時間做乜好呢???
於是就去左沙田o既香港文化博物館睇PIXAR動畫25年展覽,
有胡迪啦, 有巴斯, 有毛毛, 有阿bu, 有超人特工隊等等,
諗起都開心, 點知,
滿心歡喜同期待,
換來係一肚氣!!!
係日本時同鬼鬼睇過宮崎峻o既動畫展,
有禮有守秩序o既日本人,
令我地可以好好欣賞同享受每一件展品,
因為人地好有次序地一個跟一個咁行, 逐幅作品靜靜地去睇,
等前一個睇完一幅佢地行開左, 下一個先會行上前睇,
而且館內不可以攝影o既, 真係冇人多手囉!!
可惜, 呢到係香港,
琴日入到去之後我以為自己去左花市(!!!)
每一幅展品都係擠滿一大堆人,
有家長為左俾小朋友唔洗淨係睇到pat pat,
會舉開個仔/女, 唔理會否踢到人,
亦有不少男士會好冇風度咁唔理你係老嫩一野撞開你,
再好有風度俾個女朋友行上前睇!!!
大佬, 你又係俾$20, 我又係俾$20,
點解你要阻止人睇野??
你知唔知我都係等左好耐先可以行到去幅畫面前ga???
我頭先望左好耐後尾枕啦!!!
你可以話你唔睇呢件可以睇第2d先,
但, 成個場都係好似你咁o既福街同埋龍友+智能手機黨.
個個停係幅畫面前死影爛影,
仲要係每一幅都要影喎!!
後面可憐o既職員苦勸唔可以影相都冇人聽.
更有家長係呢個時間教小朋友"如何攝影"(!!)
自己都其身不正, 日後如何教仔???
我都唔明點解睇還睇, 你要逐幅咁影呢??
你真的會逐幅睇返嗎???
我明你要upload上面書話俾人知你睇左啦,
但又洗唔洗逐幅都要人like呢???
話明唔可以影, 點解唔可以守下睇展覽應有o既禮貌?
出到外國映衰香港人就係呢d福街啦!!!
中間有一個展示動畫製作如何以速度來做出效果o既野,
係一個上面放左好多動畫角色, 由慢至快轉轉轉o既,
真係幾精彩ga, 如果可以好好睇到o既話.
可惜係, 唔可以囉!!
d人又係一大堆咁圍住係到,
影來影去又要影相又要拍片,
搞幾轉都唔肯走,
後面愈企愈多人,
個個都係到推推撞撞,
真係死左都唔知咩事!
令我更不解o既係,
好啦, 俾你影囉大佬,
但你洗唔洗同一段野要影3-4次呢?
你影完之後又要輪到你女友影喎, 返去兩個share唔得ga咩?
乜同一段影幾次影會影到唔同o既咩??
難道會多隻"阿凡達"ga咩???
痴拿膠線的......
更痴拿膠線o既係,
你影還影, 點解要加入旁白煩住人地睇野??
如: 嘩~~佢郁啦你睇....d企鵝一隻隻識跳ga!
小那星, 人地有眼都睇到啦, 洗乜Q你講呀??
最感同身受係走出展館後有個小朋友話: 睇pat pat展覽!!
姐姐都係"睇後尾枕展覽"咋陰公!!
睇完呢一part後已經冇晒心情,
可能要等遲d再去,
唔係等到時d冇品人死晒喎,
而係等冇咁多人貪新鮮去睇呀.....
BTW, 呢個展覽係由3/28 至7/11 ga,
如你唔係趕住upload上面書, 可以遲d睇,
唔係就會好似我地咁恨錯難返!
睇完都眼火爆,
要去搵雪糕食下火,
之後轉戰圖書館打發時間啦~~~