是咁的, 我琴日睇左一個討論區的post係關於曱甴,
睇完之後成日個腦諗坐曱甴,
就係咁, 琴晚我夢見有曱甴,
仲俾佢爬左個口呀痴線!!!
好驚好驚一嚇到我今朝七點八個字就醒左,
發現個口有野.....媽咪呀!!!! 我即刻衝去照鏡,
好彩發現只係有條頭髮痴住左係咀!!
嚇得我!!!
可能呢d就係日有所思夜有所夢!!
又例如我初初入呢家公司,
唔習慣我個經理成日叫住我,
我連發夢都夢見佢不停叫住我, 頂!!!
(即係我唔止現實有OT, 連發夢都OT左俾佢)
最驚曱甴ga啦, 咪鬼搞我呀!!
另一次日有所思, 夜有所夢係, 我舅父!
大家記得我上年十一月提過舅父因病過身嗎??
我唔係講鬼故,
之不過想分享一下,
因為我本身都唔信呢家野,
所以覺得個排只係諗多左!
話說有次探完佢之後醫生話舅父就快唔得,
我地要有心理準備,
我個時同媽咪講, 舅父如果真係唔得都唔好係我返工時同我講,
因為我會忍唔住喊....
就係咁, 佢走個晚係星期五,
我都係返到屋企媽咪先話佢就O黎唔得,
但已經OT, 返到去成十點,
出得去佢已經唔得,
舅母又叫我地唔好出去....
所以就送唔到佢最後一程!!
我一直都好介懷,
第二晚, 我見到佢...
已經唔記得係咪夢定係點!
我個晚訓訓下個身好熱好熱,
出晒汗好似發燒咁...訓唔好,
之後醒左, 但又唔SURE係咪醒左...
我當係夢啦!!
我見到舅父企左係媽咪床尾(!!!)
(因為兩個妹唔係香港,
媽咪過埋我地房訓, 獨佔大床)
佢個樣係未病個時咁,
我就好冷靜咁問: 舅父, 你係到做咩呀??
舅父話: 我o黎睇下, 你訓啦!!
佢一講完我就無事, 訓到死豬咁到第二朝!!
呢一次係我舅父走後唯一一次(夢)見佢!! 我好掛住佢...
如果真係有報夢, 我希望係真的, 因為我表哥(佢個仔)話早排見到佢話好快去投胎喎!!
另外, 就係我大舅母, 佢成日話夢見大舅父 (佢前年過身)....但我自己就未夢見過佢。
No comments:
Post a Comment