今年得返我一個係屋企,
媽咪話出去食實多人,
加上以前都試過BOOK左位都仲要等,
所以就只係出去飲茶,
晚餐照係屋企食。
今次我就請佢, 姨媽同舅母三位母親飲茶,
路上見到好多小朋友都拎住康乃馨,
佢地真係好可愛!!!!
屋企唔洗母親節都成日擺康乃馨,
加上我媽咪唔鐘意收花, 話晒錢,
佢比較實際。
佢完全唔洗我地諗買咩禮物,
年年都會自己買完徵收返費用 (!!!)
今年佢買左對耳環,
返到屋企話: 我買左母親節禮物啦, 你同兩個妹夾啦, 位位千二!
你話我媽咪係咪好易搞掂呢? 唔洗我煩!
哈哈哈~~~
就係呢對, 襯返佢多年前買落的同一種石頸鍊。
由於母親節洗得多,
我呢個窮鬼唯有自己整珠耳繩俾自己戴!! 哈哈~~
講笑, 主要係因為我成日想搵啲唔會驚唔見或整花的飾物返工襯衫粗戴,
但依家靚少少又話係韓國入貨,
夠膽死賣百幾至幾百,
仲要好鬆戴左成日移位,
谷氣起上嚟就自己整囉。
第一次試整, 整左兩條,
款式差唔多, 下次會再買多D料整第二D ga啦!!
No comments:
Post a Comment