轉眼又到十二月

又有差唔多三個星期無更新，
主要係因為忙同朋友見面。 哈哈！
呢種忙係最開心的。

另外，我manager又返嚟啦！
每次佢出trip前後一星期都係忙到甩碌的。

生日飯同一大班朋友去左食Greyhound Cafe (旺角火車站個間),
食物唔錯喎，但我要跟十一個人搶食，好忙。
佢啲甜品好多，呢個蛋糕係友人悉心揀左嚟同款嚟砌成的。

聽日又有生日飯!! 哈哈~~竟然食到12月。

又去左行山舒展一下筋骨。

正所謂有input才有output，做完運動又大食大喝，
有英國朋友回港，仲識左幾個新朋友，
包括一個韓國人，其他都係英國人更正, 係BBC，
一齊去蛇王協食蛇羮。

估唔到佢地都夠膽放入口呢！
仲話好好味。

再去打邊爐，韓國朋友話今次係佢第一次係香港打邊爐。

仲話勁鐘意香港嘅魚蛋。哈哈！

上星期本想去捐血，
但血紅素居然差0.2先合格，
我諗係因為呢排太夜訓，唔夠訓，
要訓多啲再接再厲。
**********************************************************************

記得之前我講過有個同事好介意年紀,
仲係咁問人我同佢邊個細啲嗎？
上星期，有日放工前去Toilet，
又見到佢補妝。(當然，佢最常出沒嘅地方就係廁所同pantry)
本來有另一個剛去完嘅同事B係到，
我就剛入廁格。
同事B: 咦，你揸緊咩？
同事A: cream之嘛，我用嚟補濕再用碎粉就夠啦。。。
同事B: 哦。。。
同事A: 係咪覺得我好天生麗質呢？
唔知同事B咩反應，因為無聲之後佢就講byebye走左。
得返我同佢。
同事A: 趁人少少話我知你邊年啦？
我笑而不語。
佢再問： 89? 88? 87? 86? 85? 84?……無理由喎xxx話你細過我。
我：18！總之我同你都唔係最細啦。

佢竟然話：你嚟之前係我係最細㗎！

真係吹漲！！有一刻想問佢，最細有得分咩？
但費事教精佢，我就笑笑口走了。

由年頭問到年尾，佢唔煩咩？

最經典係佢成日爭住認最細。

有一次係，又係toilet，
有兩個同事討論緊白頭髮問題，
一個同事對另一個同事講：下，你咁後生都有？
佢一聽到又搭訕 : 佢都係後生，咁我咪幼齒？（！！）
（大佬，人地只係三十出頭，佢自己都廿到尾啦！三十幾都好後生啫。）
被人串佢：你唔係幼齒，係幼稚。

又有一次係Pantry,
因為公司仲有另外兩位同事英文名同佢一樣。
剛好肥至瘦size都齊晒， （佢係肥個位）
有同事講笑話： 我地依家大中細碼Xxx都有啦！
佢一聽見，竟然狗衝入去話：細一定指我勒，因為我最細個。
全人類O咀(!!!)

點解仲係咁唔成熟嘅呢？