十一月蟹樂道

十一月一到左農曆十月我就立即吃了大閘蟹,
我知道有部份愛蟹人士一早已吃了大閘蟹,
但我比較喜歡吃公的, 人地話十月的公比較美味嘛!
加上我呢幾年對好多殼類海產有敏感,
不宜多吃, 所以要等到農曆十月。
朋友不斷分享食蟹照片誘惑我時,
我總回應: 放心, 我對於食仔我是很有耐性的。 XD

由於我係十一月生日的,
呢個月有好幾餐生日飯,
先o黎頭炮係同同事一齊食私房菜,
好感動!! 我senior竟然一早買埋蛋糕同禮物俾我。

呢間公司雖然有好多仆街的地方,
令我想走好耐, 但唯一令我留低o既係d同事好好,
我未試過放工後會同同事私下食飯聯絡的 (舊公司會過時過節一齊食)。
加上, 我覺得自己同senior有緣,
因為佢竟然同我讀同一間中學。

由於有同事不吃大閘蟹故食了其他海鮮補返!!
真係好好味的私房菜,
可惜佢地話只做熟客生意,
我就不便透露地址了。

係邊個將我風華絕代o既石榴姐榨成咁o既樣??

十一月暫時過了一半,
我Manager又出trip啦,
仲要係我正日出發,
我真係覺得呢份係最好o既生日禮物囉!!
而佢, 就會係佢生日前一日返o黎,
佢竟然同我一樣係人馬座,
我senior更不下十次話我似佢,
我真係覺得係好侮辱囉!! =___=

到目前為止, 我仍未收到鬼仔個份禮物,
佢話要俾驚喜我喎(!!)

而我呢, 就決定左要買Arctic Monkeys 新碟俾自己作生日禮物啦!! 哈哈~~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
同場加映, 十一月連環烏龍事件:

事件一:
本人家住的大廈之前外牆有工程,
有日星期六, 訓訓下有D聲,
已經想開窗簾望下咩事,
好彩個人未醒又懶無咁做咋,
幾秒後就有阿叔拍我度窗叫我閂窗(!!)
如果唔係嚇到阿叔跌左落樓都似,
因為我係習慣唔著褲訓覺的。

事件二:
本人左眼正常雙眼皮, 右眼係內雙眼皮,
所以自己就好覺大細眼,
最近試下沖涼後貼住個雙眼皮貼係右眼,
諗住訓到天光, 睇下第二日會唔會好D咁啦。
點知第二朝係左手o既食指見返個雙眼皮貼囉,
感覺真係好無語。
點解會咁懶訓o既呢??

事件三:
都唔係我烏龍, 而係中伏事件,
呢個係印度人新年(Diwali)的蛋糕,
有金, 銀泊, 佢地話好貴ga 喎.....
但就堅難食囉T__T, 甜到我以為自己一食完就會有糖尿病!