破財 + 喪食

開始工作一星期,

公司多假不突止,

而且法蘭西工作文化唔興OT,

幾乎6點半前就閃晒人。

回家玩貓就最過癮, 兩隻衰豬大得好快

準時收工, 加上公司附近係Shopping聖地,

少d定力都唔得,

上星期五, 一個人收工後去了shopping,

30分鐘內買了兩衫, 一裙(!)

前晚, 上網見到又有50% off,

於是一口氣買了三對鞋(!!)

星期六, 又去了游水,

之後同小友去買衫,

本來只打算買運動衫,

但見到好多on sale喎,

又買左一褲, 一裙, 一衫(!!!)

救命!! 只好不停同自己講,

今個月買埋呢次。

嗯~~今日已經29號了。

除左shopping,

做得最多就係食野。

捐完血, 同朋友食份子料理甜品補充體力@元朗

荔枝角--Bondi cafe 小友生日飯局

當然有埋甜品

法文班同學gathering, 食完上海野就去食Creme brulee, 正! @荃灣明師傅

夏天, 就緊係有荔枝啦

之前未需要返工時, 都學人整左兩味~~

我整ga!! 第一次試整咸薄撐, 屋企都話成功的。

呢一味, 都係我整ga凡, 炒三絲! 切到我手都攰。

係整俾我專食煎炸野o既妹嘆,清清淡淡又有益,

媽咪話唔錯, 但個妹仍然只喜食熱氣野, 唔識欣賞。

除左喪買喪食,

我最近兩個星期都約了好友去游水,

因為天口熱, 行山會中暑,

唯有去游水消暑啦。

上星期只游了2 1/2標準池,

仲要係分開咁係中間抖,

唔能夠一氣呵成。

琴日, 改游短池,

都唔錯, 可以一口氣游了幾圈,

但始終未能游到一個來回,

下星期再努力啦!!

(btw, 我係游自由式的, 好Q攰)

世界盃, 大家有冇睇呢??

琴晚巴西個埸打得超悶,

巴西今屆好似屎左好多,

定係智利打得超水準呢??

不過最後都係12碼巴西入左8強。

希望之後個d無咁悶啦!

另外, 聽到Suarez被禁賽4個月,

作為利記球迷, 我真係覺得太重了! 唉~~

法德之旅, 遲D再寫...... (說好的墨爾本之旅呢??)