新加坡三日兩夜(上）

報告下最近近況丫，

早排篤篤下見到新加坡機票好抵，

個妹又由澳洲同台灣返來了，

我地又未去過新加坡，

於是就去三日兩夜 (反正聽親D人去新加坡都話好悶野玩 :P)，

再book間好少少嘅酒店 。

酒店房的街景 -- 消防局 & 教堂

有人話去三日兩夜太少，

但，我就覺得夠晒皮，

而且短期應該唔會再去。

首先我唔係話個度無野玩，

鐘意去主題公園應該好鐘意。

有小朋友的話去就FIT晒,

因為地方又乾淨, 又方便, 而且又有主題公園。

可惜我地對主題公園無興趣，

如果話去legoland， 

咁我又已經去過英國溫莎個Legoland ，

所以不去也罷。
當去飲飲食食買買就算啦！

第一日，下午落機去酒店，

先係機場買張3 days pass MRT card, 好方便。

再去酒店附近買了prepaid card，

兩姊妹有網絡依存症，

三日唔上網會死的。

（機場個啲好貴，我地都係出市區買有 $10/ 15/ 20 等選擇）

Check in 完係酒店hea下，

同映加影枝香水辦係喼爆了，

好彩只係化妝袋遭殃，

又，竟然連個丁屎的胭脂都因為我太暴力而粉碎（！） 嬲豬！

之後化悲憤為食量去了老巴剎，

食了小炒同串燒，啤一啤佢。

之後再去埋遊客景點--魚尾獅。

係個到有個外國人見我自己自拍咁辛苦，

幫我影相，仲傾左幾句。

原來佢今次來亞洲會去四個地方，

有韓國日本香港同新加坡，

新加坡係最後一站，

佢話佢好鐘意香港喎！Yeah!!

臨返酒店，誤打誤撞去了shopping mall，

好多brand香港都有，

無咩特別，

但因為我慣左每日都要用香水，

係Victoria's secret 買了枝細嘅！hehe......

人地執野兩隻又搗蛋