新加坡三日兩夜 (下)

係咪以為自己對眼有事呢?? 我又打BLOG啦!!!
因為好難得今日個電腦無神到, 拿拿聲打埋個新加坡之旅,
如果唔係就聖誕都未打到XD。

最後一日係新加坡,

但我同個妹都係第一次去旅行旅到咁想快d返香港,

唔係話新加坡唔好,

但呢個地方又唔係特別好,

總之就不過不失。

呢個叫亞美利亞教堂,

就係正我地住的酒店下面,

幾靚ga, 1835已經係到ga啦!

酒店個邊o既MRT出口都有個教堂,

星期日個日仲勁多南亞裔人士坐係出面,

勁有香港星期日的皇后像廣場feel。

新加坡地方又乾淨又方便,

食物又多選擇,

可惜, d人就好似第三世界咁,

我唔知係咪我地心急,

但我認識去過新加坡的人,

都話個到d人好慢, 又死蠢不夠靈活/醒目。

(有d唔係新加坡人, 但總之就來自發展中國家啦)

加上, 我地怕熱,

熱到個人無咩胃口,

個到d野食, 雖然係幾好食,

但亦好油呀我覺得, 一係又好辣同好重味,

我地兩姊妹一日三餐, 之後就痾足6餐(!!)

狂食狂痾完一輪, 竟然輕了4lbs回港! hehe~~ 

一早落去睇人游水~ 

再去了食喇媽做早餐

之後就係去行下小印度,

不過唔洗去小印度,

新加坡都已經好多印度人~ 

個到都有不少呢d回教堂,

但如果要入去女士一定要著長褲長裙等等~

(大佬, 咁會熱死的, 簡直係自殺式行為)

再去了行人地o既supermarket,

不過無咩收獲,

最後, 我地臨check out前又去了睇日間o既魚美獅,

因為好近酒店。

check out之後, 我地去左食一間好出名o既肉骨茶,

勁多人囉, 咁鬼熱o既情況下排左成半個鐘隊,

入到去都係無冷氣, 基本上個到好多食野地方都係無冷氣。

不枉我地排餐死, 真係好好味!!

之後就準備回港啦~~