hea遊大不列"癲"--倫敦篇 Day 1 (Part II)

在香港由小到大未不怎下廚的我，
方便麵不止煮得難吃，
甚至連蛋都不會煎，
幾個女生一起燒飯是很開心的事，
無奈我們用剩下不多的材料來做了個Dinner.....
是夜,真人上演英國版美女廚房,
地點: Lucy宿舍的common room (真正common room在樓下)
挑戰菜色: 韓國鼓油炒意炒
做法相當簡單……但唔知點解好地地一個意粉慘遭毒手!
首先,我在腦中組織一次如何煮意粉,
似乎好簡單.....
但往往腦中的描述跟自己做出來時有很大分別,
(名副其實,諗勁過講,講又勁過做)
好大原因是因為我沒有先煮沸熱水就一次過把意粉拋入鑊,
煮了10幾鐘仍然未熟,
大家開始餓了,
"喂,食得未呀,好肚餓"
"下你用生水煮佢點熟呀..."
"咁唔係點整...??"
“不如炒熟o左佢算啦”
“下?用咩炒呀?”
“用韓國人個櫃d鼓油啦” 說完二話不說灑下一大堆鼓油
“但冇野食喎…好dry o者”
“加呢d蕃茄仔入去啦”
“點整ga…”
“我唔食一舊舊o既蕃茄ga”
“咁o即爆晒佢啦…” 又起勁地在鑊中打蕃茄壓個稀爛~~
“冇肉呀,加d火腿啦”
“e~咁恐怖…”
“下,你驚彈油ga,等我o黎..” (嘩!唔係唔驚呀嘛?)
於是3個美女廚出了這個”美食”!

London的第一晚,我們就吃了這個…..大家吃了幾口, 就沒有再食了!

決定明天一早去買糧食。
吃過晚飯已經9點多了，
太陽都慢慢的下山了，
在英國的夏季太陽都在9~10時下山的，
輪流洗澡過後便上床睡覺，
應該是說在地上，因為三個人擠在一間房間實在太擠了，
Lucy為我爭取到一塊床毯而她則跟Lina同床而睡了。