La vie est belle: 香港

Showing posts with label 香港. Show all posts

Monday, 8 February 2016

又到聖誕, 又到聖誕!!

Merry Christmas

聖誕快樂

肥妹仔Baileys都變成聖誕女郎

(不過影幾張相佢就唔肯再著啦)

大家呢幾日係咪食左好多大餐同去左好多Party呢??

攰到好似Vodka咁呢??

復活郵假期"包膠"

大家的復活節點過呢??? 有冇人去左旅行呀?

至於我o既復活節呢, 搶唔到平機票又嫌假期機票貴 (換言之 -- 窮),

唯有留港渡過啦!

本來以為今日有yoga堂 (新年腳傷後無上過),

點知check schedule先發現原來今晚無堂,

所以有空開機打blog, hehe~~

(明明無事幹的閒人但無乜記性)

第一日, 去左轉花墟,

仲去左成年無去, 亦係我第二次去o既太子餐廳,

加上我地又未食lunch, 所以點左個set A (鹹點),

諗住話食個tea啦, 點知就中伏!! T__T

談生活，談電影

由於腳傷已經好返好多，

上兩星期同朋友去行山，

香港仔水塘一段，易行，

而且就嚟春天，繁花盛開，

風景唔錯架。

近日新玩意

唔知道大家學生時代有無玩過跳彈床？

當年仲後生，唔識個死字，

PE堂玩跳彈床，跳得起勁！

早前生日時老友俾左兩張VIP PASS我，

話呢個RYZE係近月香港新興玩意兒，

一定要去試試。

2014年回顧:

遲來的「新年快樂」!!

祝大家2015身體健康, 開開心心, 事事如意。

2014整年都好像很忙, 但我驚覺原來自己就只是忙住去玩(!)

再看看, 只是旅行都飛了5次,

是我飛行最多的一年,

以往我一年只會飛1-2次左右。

繁忙生日月

十一月是我的生日月,
所以忙著跟朋友們吃吃吃吃了很多的生日飯,
也收到很多禮物和祝福,
真的很感恩!!

呢間法國餐廳成為了我跟小友LUNCH的大愛

返左新公司之後, 因為有朋友都係附近做野,
間唔中都可以一齊食,
而且最近法國公司同香港老細都陸續訓暑假,
亦即係我地的暑假,
因為無咁多野做嘛。

早兩星期, 法蘭西西人腦細放暑假去,
大家除左提早了出去用餐+SHOPPING埋先返來 (註: 係每天喎)。
除左每日無俺雞籠地彈性食飯加shopping外，
有日竟然仲無聊到一齊開Youtube睇美少女戰士(!!)
而我, 都可以一邊做野一邊塞耳仔聽歌,
連我自己都不禁覺得有少少過分。

真係密密食野,

一個星期當中有成四日我都食左日本野,

食到有D驚..哈哈!

呢間有D貴, 但不錯

德國篇-- 遊古堡

星期日, 中午同L等埋佢媽咪來,
一齊煮野食...... 應該係, 睇佢地煮野食!

佢地話呢個時候的蘆筍最好食,

一定要俾我試下, 仲要煮埋德國菜, YEAH!
可惜, 煮完野食後僗媽咪發現個去水去得好慢,
原來個渠塞塞地,
要聽日叫人來整啦。

高的煲煮蘆筍用, 肥的在煮DUMPING

十二蚊店買物記

唔知大家會唔會好似我咁間唔使都喜歡蒲下12蚊店?
因為佢d野唔只平, 有時仲好實用,
好似我之前去旅行都係個到買左d藥盒做我的旅行藥盒,
仲買多一個放飾物(計我話去旅行都要靚),
再買多個洗衣袋, 因為去人地屋企洗衫用嘛!
最近我又去了久違了的12蚊店,
唔只掃自己野, 仲有貓貓野tim!

呢隻野買左返來唔夠一分鐘已經被Baileys連鼠帶棒一野搶左出來,

得返個粉色野痴住係地下, 白色以上被佢咬住, 追左九條街先搶得返,

由於佢早前有吞了一條冷之後排返出來的經驗, 我最後都係剪鬼走晒d羽毛,

驚佢地又再吞落肚丫嘛!!

破財 + 喪食

開始工作一星期,

公司多假不突止,

而且法蘭西工作文化唔興OT,

幾乎6點半前就閃晒人。

回家玩貓就最過癮, 兩隻衰豬大得好快

旅行前夕

雖然已習慣一個人旅行行走江湖,
但其實以前每次落地後都有人同我玩,
唔洗擔心咁多,
但係, 今次落機後要自己去友人屋企 (因為友人返工),
又要自己搵節目, 有d唔慣tim。

是次旅行, 只係帶細喼, 因為要搬o黎搬去,
如何將幾個星期o既衣物個人用品都塞入個細喼呢??
友人send左呢條片俾我:

真係好厲害呀!!

但完全係不適用於我囉!!

放假

跟大家報告一下行蹤 (雖然無人想知),
我三月已辭職了, 剛剛已Last day,
開始正式放假!

現正準備去旅行事宜, 但除訂左機票外, 乜都未搞,
(唔係同鬼仔去, 因為已經分開了)
未諗景點, 未check地方點去 XD,
反正都係單人匹馬去玩, 總之唔洗訓街就okay了,
旅行之後再搵工, 從新出發!

近日生活。。。

上一個星期行左今年夏天前最後一次山,
行左半元荃古道 (即由深井落),
由於之前成日落雨, 延完又延,
拖拖下已經天時熱,
當日最高氣溫28'C。

新年新挑戰

今年一開年就做了幾件突破o既事,
例如同幾個朋友組織左個行山團,
希望今年大家一齊做多d運動,
去左行青山, 都幾辛苦,
因為我地平時行開1粒星難度o既,
呢個就有3.5 粒星(!!)
但上到山頂, 覺得都值得!

背影.....懶cute戴了兔仔耳

2014年第一篇

(遲來的) 新年快樂!!
祝大家新一年事事順利, 身體健康!!

估唔到又一個月無update過個blog,
因為12月實在無咩動力,
唔如意的事不停發生;
加上又病了兩個幾星期,
先係腸胃炎, 再來大感冒,
唔想為大家帶來負能量, 係到呻呻呻, 幫助唔到,
情緒低落時要一個人冷靜下。

仲有, 聖誕節至新年o既假期好多活動,
可以好好玩下, 亦無時間上網。

轉眼又到十二月

又有差唔多三個星期無更新，
主要係因為忙同朋友見面。哈哈！
呢種忙係最開心的。

另外，我manager又返嚟啦！
每次佢出trip前後一星期都係忙到甩碌的。

生日飯同一大班朋友去左食Greyhound Cafe (旺角火車站個間),
食物唔錯喎，但我要跟十一個人搶食，好忙。
佢啲甜品好多，呢個蛋糕係友人悉心揀左嚟同款嚟砌成的。

聽日又有生日飯!! 哈哈~~竟然食到12月。

西貢半日遊 + 又買野

雖然五月都仲係落雨,
不過個人開心過四月~~
至少上星期有一朝可以駁到個黑雨, 哈哈!!

月初四圍見朋友去玩,
買野同DIY!!

朋友因家事由英國回港,
故去一趟西貢探佢,
本來想食下粥同布拉腸粉,
可惜太晏已收擋, 唯有下次再去......
不過都食左串燒。
幾好味但有D貴囉......咁樣都三舊幾水(!!)

討厭四月

四月都過左一半有多,
個天都灰灰沉沉,
又成日落雨,
再加上三日唔埋兩日,
就有D不愉快o既新聞,
真係令人覺得好沮喪!!!

公司方面都有唔開心的事發生~
未知我上司依家點, 真係一言難盡,好擔心。

加上早兩個星期manager又出trip,
一個人要做o既事好多,
而且, 一d都唔簡單,
幾次要report俾老細,
好大壓力,
忙係好忙, 但一個人做野都唔錯,
結果都幾好順利,
唔洗煩到manager,
所以有滿足感。
。。。。。。。。。。。。。。。。。。。。。。。。。。。。。。。。。。。。。。。。。
每次唔開心,
我都會拎返"天使愛美麗"出o黎睇,
睇完就會覺得人應該要為生活加一點糖。

做一d令自己開心的事,
保持樂觀, 積極態度~~
例如: 買下花....

聽下歌....

去拜山, 又見到B女啦,
佢好似認得我,
一去到就對我笑,
又俾我抱,
我餵佢食飯仔佢仲好合作,
食得好快tim。

不過好搞笑, 佢依家叫人淨係識叫男人 -- 爸爸, 公公, 爺爺.....
係都唔識叫媽咪, 婆婆同女麻女麻...
仲識講多左其他野喎, 依家仲可以唔洗扶野行幾步又停下行幾步,
佢依家13個月, 真係好好玩。

另外, 仲有同朋友食飯慶生......

更有人千里迢迢係台灣買左一大堆手信,
送埋上門, 買埋早餐俾我妹食, 個日仲要落住大雨.... 佢好慘

糖村個隻牛軋糖真係勁好味道ga。
但原來我影個時已經有一盒綠豆糕放左入雪櫃,
仲有, 我好柒咁調轉左糖村個袋糖o既包裝(!!!)

。。。。。。。。。。。。。。。。。。。。。。。。。。。。。。。。。。。。。。
另外, 我個妹已經出發去左日本北海道啦,
又係working holiday,
公主病人依家都要剷牛屎, 餵牛同揸奶(當然係用機),
我就睇到都覺得心涼。

但佢話我先係病得最嚴重o個個囉....哼!!

有返D正能量~~希望五月會更好啦!!!