談生活，談電影

由於腳傷已經好返好多，

上兩星期同朋友去行山，

香港仔水塘一段，易行，

而且就嚟春天，繁花盛開，

風景唔錯架。

呢一邊一排都紫色花，非常靚

係咪好養眼呢？

上星期四，就一早準時收工鬆人，

趕去演藝同朋友食晚餐，

兼睇期待已久嘅舞台劇--《傲慢與偏見》。

故事內容相信大家都耳熟能詳，

有人話平淡無奇，但對我影響好深，

當年睇呢本書當時只係為左做學校book report，

十幾歲人仔唔係當佢愛情小說睇，

反而呢本書令我明白作為一個人，

應係要知道自己想變成一個點樣嘅人，

比起人地話你知要做點樣嘅人為重要。

後來知道作者Jane Austen， 生於1775年，

一代才女但終身未嫁，至今仍然受人敬仰，

無人笑佢咩中女呀，盛女，　

西方人幾百年前已經有咁開明嘅思想，

係我個時覺得好有啟發性嘅一件事，一個人，

係中國文化，香港教育俾唔到當時嘅我的震撼。

學阿才子話齋，我唔係祟洋，而係祟優。

再來，上周未同個妹去左睇一齣電影《解碼遊戲》 The Imitation Game。

有人話戲未話Alan Turing係發明電腦嘅第一人犯駁，

先唔講係咪第一人，但意思只係指佢嘅發明係電腦嘅前身啫，

無謂針對呢一點。

亦唔好針對係咪佢一個人的功勞,

因為故事就係講Turing的一生為主,

而且係一齣電影, 當然要有戲劇效果。

演員方面，我覺得男主角同孩童時的男主角非常好，

特別係小主角知道佢鐘意嘅男同學死時，

個一幕佢做得好睇過大人喎。

一來，佢又驚校長知道佢同性戀嘅秘密（當時係不合法），

二來佢又要埋藏佢知道好友死訊嘅哀傷，

而佢又係一咁細嘅細路，係幾咁壓抑呢？

如果你想知道多啲密碼呀解碼呢，

呢套戲極少著墨，因為佢只係戲劇電影，

無需要愈搞愈亂，深入淺出，但伏筆埋得好（我覺得），

而且, 我覺得呢套戲係more than戲劇電影。

我覺得年輕學生好應該睇呢齣電影，

唔只可以了解一下二次大戰的背景，

我覺得呢齣電影對年輕人個種啟發性，

係去中國大陸交流俾唔到的。

因為電影唔只一次提起句說話　－－　"Sometimes it is the people who no one imagines anything of who do th things that no one can imagine."

非常有意思，好值得思考係咪依家填鴨式教育制，

功利主義社會能夠帶俾年輕人創意力呢？

係咪由一歲開始就要逼啲細路去讀死書？

係咪人人去做同一樣野就會贏在起跑線呢？

係咪個個出嚟讀商科先叫有前途呢？

呢啲就係西方教育嘅分野，

佢地鼓勵細路哥Stay weird. Stay different. 

唔係做copycat，唔做機械人，無啲自我。

唔好成日都睇埋啲飲飲食食嘅節目，膠劇。

應該學習一下外國對於文化，創意同藝術嘅進步，就會有所得益。

唔似昋港地，拍套戲出o黎，
反而最大賣點係個女主角露點，床戲，
乜L野文化黎？

發完蹹風，
最後，放返啲輕鬆野睇睇：

兩隻衰豬今個月中被我家收養一年啦，

而我正式宣布：Baileys有6kg了。

依家開始要減減肥，否則第日對健康唔好。

貓奴對貓的狂熱（！）利申－－　個妹買的

喜見兒時零食

仲有久違了的龍鬚糖喎！正！