巴塞隆拿 (下)

其實去左巴塞5日架, 不過都好似唔係影左好多相,

好似人愈大呢去旅行唔會係咁影相,

復活節歐遊 -- 巴塞隆拿 (上)

三月尾至四月頭請幾日假就可以有11日大假,

所以我上年已經買左機票去德國,

而男友又提議一齊去巴塞隆拿,

我未去過西班牙呀!! 好想去~~

唔講咁多, 睇下相啦!!

落機撘埋地鐵, CHECK IN埋之後的第一餐

科隆的Music Store

除了參觀大教堂,
有個地方,
我去親科隆都會去,
就係德國仔經常周未去打發時間的MUSIC STORE。

就係呢一座，整整一座都是Music Store呢！

Rursee 兩天遊

今次去德國除左住係科隆, 去比利時小鎮玩之外,

仲去左一個世外桃園 -- Rursee玩左兩日,

呢個小鎮係好近科隆, 開車去個半至兩個鐘就到啦~

我地下榻既旅館

細細間但都幾舒服架!!

Brugge 小遊

七月時去左科隆探我男友兼陪佢過生日,

其中三日我地同佢兩個朋友一齊開車過比利時,

去左比利時一個叫Brugge既地方,

呢個地方有北方的威尼斯之稱,

而且又近荷蘭, 所以荷蘭文多過法文架。

朱古力博物館

除了大教堂之外, 另一個科隆必去地點就是朱古力博物館!!

阿姨在讓大家試食

(但我不明白, 為何不是德國品牌KINDER而是LIDT?)

科隆大教堂

科隆大教堂是科隆的地標, 亦是世界第三大的歌德式教堂,

從13世紀開始, 一直花了600多年時間才建成。

剛過去的聖誕節@ 法蘭克福

剛剛過去的聖誕節+新年,
去了一趙德國,
所以我的聖誕節分別在香港機場, 杜拜機場及法蘭克福渡過~~

原本不打算在法蘭克福逗留的,
但德國仔說他姐姐聽了之後,
建議他不要即晚開車去科隆,
應該帶我在法蘭克福玩兩天。
(註: 他的hometown就在法蘭克福附近, 回去過聖誕)
所以book了酒店, 在法蘭克福留三日兩夜。

香港機場的聖誕樹

杜拜機埸的其中一棵聖誕樹

Kassel Germany Lowenburg Castle Herkules Berg Park Waterfall

剛回港，先把呢篇之前寫左一半嘅遊記post埋，下星期再續。

Kassel 呢個小鎮, 地方細細但都有d名氣, 

因為格林兄弟係呢到居住左成30年,

雖然同Hanau一樣保留o既野唔多,

好似有一間格林兄弟博物館,

但係就有一個威廉高地公園同皇宮,

都幾有睇頭ga。

Kssel - 一起行山去

趁著又在飛前一定要咬實牙關打完德國之旅（澳洲呢？嗯。。。有緣再寫）

對不起，由於暫時只能用手機打，

巡blog回覆晚點，我指如果家中電腦成功開機的話。。。

事不宜遲，去片：

呢一日德國仔放工後帶左我去附近一個小鎮,
個到仲可以行上山睇風景,
幾好feel ga。

從Hanau到Kassel

上次德國行最後一站-- Kassel。

因為早幾日先買左車票去Kassel,

由Hanau去Kassel好似只有ICE的火車,

而且我遲買,所以都比較貴,

如果早d會平少少,承惠 35歐但唔洗轉車。
 (我係由Hanau HBF --> Kassel-Wilhelmshole車站)

好彩個日友人唔洗返工,

可以送我去車站, 因為原來的個班車又delay仲要轉埋月台,

又無英文顯示, 只有德文,

友人見到後帶我去正確月台上車, 送我走了。

呢樹不時會見到呢d單車@ KASSEL, 好cute。

Hanau -- Philippsruhe Palace

再唔講埋呢個德國之旅,
我都唔知拖到幾時~~

尾二一日在Hanau, 

L今日決定帶我去呢樹的地標 - Philippsruhe Palace...

個皇宮都幾大, 但由於晏左出去又約左佢媽咪食飯, 

所以我地都係無入參觀, 係外面的公園行。

參觀法蘭克福消防局

呢一日要同友人一樣早起，

為避免爭廁所，我再早少少起身，

一齊食埋野就跟佢工了。嘿嘿！

因為友人係老師,
而個日係佢負責的一班搞outing，

起參觀法蘭克福消防局，

問我有無興趣， 我當然有！
**呢D唔係平時你話想去就得嘛,要申請ga~ 依家有得扯衫尾, 當然痴住去。

一班只有九至十歲的學生，

係火車站集合，居然無人遲到，

有好多都唔需要家長帶自己識去，真係獨立。

**呢一日其實我影左好多相,但

係朋友話因為未得到家長批准,

我不可以公開學生的相,

所以我只放幾張無人的相, 仲有呢張背影。

獨自遊法蘭克福 -- 隨影 (下)

行完Stadel museum,
我就再沿河邊過橋返去河的對面,
一路行行行, 去左另一個我想去的地方 -- GOETHE HOUSE,
歌德故居。

見到當天幾多雲嗎?

氣溫約12'-18'C 

德國篇-- 遊古堡

星期日, 中午同L等埋佢媽咪來,
一齊煮野食...... 應該係, 睇佢地煮野食!

佢地話呢個時候的蘆筍最好食,

一定要俾我試下, 仲要煮埋德國菜, YEAH!
可惜, 煮完野食後僗媽咪發現個去水去得好慢,
原來個渠塞塞地,
要聽日叫人來整啦。

高的煲煮蘆筍用, 肥的在煮DUMPING

Weekend market @ Hanau

有朋友問我點解唔去埋柏林, 慕尼黑, 科隆??
因為無朋友係個D地方無得痴飲痴食嘆世界嘛! 死未??
老實講, 我今次來的主因係二月兩個德國朋友來港後而驚覺好耐無見L,
L係一個非常Sweet又Caring的女仔,
年年生日, 聖誕節都有寄野來, 當然我都有寄野俾佢。
之前每次佢見到我去旅行都會話: Next time you should come to Germany.
講左咁耐...... 成七年都無實行, 今次我一定見佢。

由於佢係Hanau住, 係格林兄弟的出生地,
再轉戰另一德國朋友仔個樹, 因為又係格林兄弟住過的地方,
我好鬼想去一下呀!!!
就係咁咪變左童話之路囉......

轉戰德國

於巴黎的最後一晚, 法仔又問我去德國幾多日,
我話兩個星期左右啦, 佢又話: not fair!! You spend more time in Germany! (!!)
我話: Trust me, you won't want to have me for one more week! haha...
佢話我係到一D都唔阻佢地,
仲話我not a hard person to living with.

仲千叮萬囑我離開的時候要叫醒佢,
因為個日係星期五, 佢地兩個都要返工,
我又要倒塔咁早早起, 其實都唔係好好意思。
不過, 我梳洗完罕有地見到佢Roommate已經係到食緊早餐,
有可能係因為佢太興奮可以擺脫我, 唔洗日日返來做煮飯公。XD
問我有無野要幫手搬去車站, 我話無啦, 我自己一個搞得掂,
因為我先得一個20"喼同一個手袋的行裝同一件JACKET(!!) <--係咪好驚訝??

**三個星期先用一個20"細喼, 講緊係有冬夏季衫, 著一對帶兩對鞋 (去玩靚鞋+睡拖),
五套底底, 洗衣袋, 晾衫掛架. 洗頭沖涼化妝品, 藥盒, 護膚品, 風筒, 插蘇乜鬼都有, 嘿嘿。。。佢地個個見到都嘖嘖稱奇架!**

我唔明點解兩隻法仔見到我個藥盒會狂笑! 好明顯未食藥囉....

之後我執埋最後用完的野,
佢沖完涼又問我幾時會返來巴黎先返港?
我話我直接由德國走喎,
但希望不久的將來會再見到佢,
於是佢"懶依依不捨"咁俾左兩個Bisou 我。
我入房剿醒埋法仔, 眼屎都未捽乾淨的佢,
訓到慒盛盛咁同我講GOODBYE再俾兩個BISOU我,
話記得一定要再來巴黎。

布魯塞爾的日與夜

繼懶人版之Amsterdam 的日與夜後,
又到左比利時--布魯塞爾的日與夜。

晨早第一影 @ 酒店

其實我都知去旅行唔好用一個地方同另一個地方比.
不過, 去完繽紛的荷蘭後, 我真係覺得布魯塞爾無咩生氣。




建築物宏偉就宏偉啦, 又古典又靚,
不過成街的建築物望落去都係呢一個tone的色,
d人著衫又係咁的顏色, 好悶好死氣沉沉囉!


可能我鐘意人笑,
比利時的人俾我印象好cool,
唔似得荷蘭咁成日咁多野講同埋笑面迎人。

加上, 比利時以法文為主,
佢地d英文都唔係好得,
而荷蘭人的英文普遍都係好好,
溝通易d, 就方便得多啦!!

所以返到去Amsterdam我又好開心,
不枉我選擇留三份二的行程係荷蘭丫!!

不過講起法文呢家野都有笑話,
因為我有學過法文 (BB班程度)。

比利時有d餐廳係冇英文餐牌,
鬼仔就會叫我幫佢手睇下有咩食,
D人見到鬼仔同我,
侍應就以為鬼仔先係識法文o個個,
一輪咀同佢講法文,
而鬼仔立即成為龔啞人士,
再用眼神叫我幫手!! 哈哈哈哈~~
到我開口個時佢地就會好驚訝!

比利時都唔係一無可取,
我地去左幾個靚教堂,
仲食左著名的窩夫(!!)


就係食佢, 因為係企街邊食,
我一隻手係寒風中拎住一邊食,
個隻手後來爆左擦, 頂!!

當然有著名的朱古力啦,
我冇咩買返o黎,
因為係個邊日日都有食朱古力, 食到怕左!!

仲有, 我地食左青口...好味好味!!

講起比利時, 有朋友叫我買呢個G字頭的朱古力,
雖然香港都有得賣, 但我都買左幾盒俾同事同屋企人,
仲要係佢地1926年開個間買ga!
呢個盒有返D當地特色啦掛......

仲有呢隻金色包裝,
我唔知點解d日本同內地旅客一去到狂買,
我自己買得一, 兩盒, 比起佢地我好寒酸,
因為佢地係行埋去個架一野捧十盒十盒咁買ga!! 痴線~~~

一齊去食芝士啦

o黎到荷蘭去左一個cheese tasting room,
係一個帶俾我驚喜的地方,
因為我本來只係網上睇到冇諗住一定要去o既,
都係諗住去到就算, 去唔到就罷。

點知, 呢個cheese tasting room令我同鬼仔都好滿足,
而且我地對佢o既評價都好唔錯,
鐘意食芝士o既話, 絕對係值得一去。

最好網上預網, 如果唔係可以walk in,
但唔係個個都好似我地咁好彩,
可以剛好join到就快開始而又仲有兩個位的class,
冇錯, 佢係好似一個課堂咁ga,
承惠EUR 15.00一位。

今次呢一堂剛好係英文o既,
講解人係呢個芝士品牌創辦人的孫仔~~
佢好可愛ga, 仲有親切o既笑容,
講解又有趣同埋詳細!

Well, 如果佢再靚仔D, 張相應該會係佢攬住我而我攬住舊芝士(!!)
又或者我飛禽大咬, 我攬住佢, 死未???
(咁新聞國際版將會係「呷醋美漢荷蘭怒殺港餓女」)
痴左........................................

講返呢個cheese tasting class,
每個人的檯面都會有幾舊佢地自家品牌的芝士,
一個切芝士器, 仲有幾個酒杯。

最估佢唔到o既係 -- 一張咁o既紙, 同一枝筆,
原來佢會一邊講解, 講下佢地呢個芝士品牌o既歷史,
佢地自家出品每一種芝士的特質,
仲有配咩酒食最好,
你一邊食一邊飲,
一邊要抄錄下來。

大家都好專心同食得好滋味~~

最後, 個講師仲會check下大家的筆記如何,
如果寫得好會有佢簽發的證書。

呢一份係我o既, 呵呵~~

鬼仔個份?? 佢條友掛住飲飲食食, 淨係寫左兩行,
所以冇講師簽名!!!
佢個衰仔仲話打算照抄我個份就算, 真曳!!

上完堂, 可以有折買芝士, 大家都好鐘意,
連鬼仔都有買呀, 不過美國唔可以帶食物入境,
所以鬼仔返屋企時海關問左佢好耐先得咋, 嚇死佢!!