轉戰德國

於巴黎的最後一晚, 法仔又問我去德國幾多日,
我話兩個星期左右啦, 佢又話: not fair!! You spend more time in Germany! (!!)
我話: Trust me, you won't want to have me for one more week! haha...
佢話我係到一D都唔阻佢地,
仲話我not a hard person to living with.

仲千叮萬囑我離開的時候要叫醒佢,
因為個日係星期五, 佢地兩個都要返工,
我又要倒塔咁早早起, 其實都唔係好好意思。
不過, 我梳洗完罕有地見到佢Roommate已經係到食緊早餐,
有可能係因為佢太興奮可以擺脫我, 唔洗日日返來做煮飯公。XD
問我有無野要幫手搬去車站, 我話無啦, 我自己一個搞得掂,
因為我先得一個20"喼同一個手袋的行裝同一件JACKET(!!) <--係咪好驚訝??

**三個星期先用一個20"細喼, 講緊係有冬夏季衫, 著一對帶兩對鞋 (去玩靚鞋+睡拖),
五套底底, 洗衣袋, 晾衫掛架. 洗頭沖涼化妝品, 藥盒, 護膚品, 風筒, 插蘇乜鬼都有, 嘿嘿。。。佢地個個見到都嘖嘖稱奇架!**

我唔明點解兩隻法仔見到我個藥盒會狂笑! 好明顯未食藥囉....

之後我執埋最後用完的野,
佢沖完涼又問我幾時會返來巴黎先返港?
我話我直接由德國走喎,
但希望不久的將來會再見到佢,
於是佢"懶依依不捨"咁俾左兩個Bisou 我。
我入房剿醒埋法仔, 眼屎都未捽乾淨的佢,
訓到慒盛盛咁同我講GOODBYE再俾兩個BISOU我,
話記得一定要再來巴黎。
好順利咁我就一條友再去到被偷野O既地鐵站再轉車,
去到火車站, 終於9點上埋火車,
但法仔幫我MARK的窗口位被一個好嘈的亞洲人坐了(!!)
我都費時出聲, 因為佢好嘈,
應該係越南/泰國之類的人, 不是中, 日, 韓口音及語言的,
不停講電話煩死人。
最後, 有個法國佬同職員投訴話佢好嘈,
俾人叫佢出車卡外講。
仲要好死唔死, 對面坐左個勁似土豪的強國男人,
因為佢一上車叫佢SHOW TICKET佢又係銀包拎左一堆大紙出來,
買罐汽水都要俾50歐, 傻的嗎?
慌死人唔知佢有錢咁!
我當堂自己睇書, 有咁遠彈咁遠, 費事被人以為我同呢兩條友係識。

終於去到法蘭克福火車站,
德國妹話會係賣野食的地方等我,
我見佢未夠鐘來就走開一邊啦,
話口未完有兩個男仔無啦啦對我講: Kongnichiwa!
我都未來得切反應,
心諗: 好啦, 當我係日本妹都好過當我係強國人啦。

就係呢個時候, 我終於見到7年無見的德國朋友L了!! YEAH!!!
來一個深深的擁抱後, 佢就帶我出去搵返佢架車,
出發返佢屋企放低D野。

L家的露台 : )

我會於L家中住一個幾星期,
佢家位於Hanau, 距離Frankfurt都算幾近,
如果好似佢咁自己開車, 約20分鐘就到,
因為個日我下午一點幾就到了,
交通尚算暢順。

差唔多兩點已經去到佢屋企,
L媽咪係到幫佢手打點好D野,
因為呢間屋都係佢新搬入來的,
主要係因為佢於Hawaii的日裔男朋友今年會到德國讀書,
所以佢就搵左兩間新屋啦。
佢只係住左唔夠兩星期,間屋都係好多野未Unpack或未送來,
電視剛剛送到, 電話同WIFI, 電視唔知點解Set up不到,
於是呢一日我地就係等維修的人黎啦。

我的床, 後來再加多一塊墊

我整頓好行李 (訓佢書房地下) 因為客房的床都未送到,
一邊食lunch一邊等送貨的人,
而佢媽咪又忙緊睇住個送洗衣機黎的人安裝,
間屋七國咁亂!

最後都搞到成差不多5點先搞好,
不過有電視同洗衣機用, 我地都好感動。

之後立即換衫扮靚,
去邊到威??
就係去友人工作的地方 -- 學校,
因為小友係一位生物及英文科老師,
呢一晚係佢地學校搞的spring concert,
佢問我有無興趣, 我未去過當然有興趣啦!

學校的停車埸 (後來再去時影的)

個音樂會都係由佢地學校的高中年年級的樂團, 合唱團同樂隊表演,
有單人有團隊形式,
由古典音樂到ROCK MUSIC, 咩都有ga!!
佢地家長或老師仲可以飲住啤酒欣賞tim,
我當然都有飲, 要錢買的, 係學生做服務生喎, 哈!

有個彈鋼琴的音樂老師超。級。靚。仔。!
加上佢彈得一手好琴, 手指又靚,
我真係頭都暈埋!
除左有靚仔老師外,
都有好多香港唔會見到的老師,
例如: 穿左鼻環的女美術老師, 紋晒身的音樂老師等等......

表演完左之後, 我地同成班老師仲有幾個高年級學生一齊去了酒吧飲酒(!)
呢個情況係香港又係我未見過的,
十幾歲的學生高大到我都分唔到佢係老師定學生,
之後介紹後, 我先覺得好驚訝!
於是佢地問我咁香港要幾多歲先可以飲酒,
多數德國人的英文都唔錯, 傾得幾開心,
第一晚來到德國, 對德國人印象好好, 好愉快。
**呢日無影相, 因為個袋太細乜鬼都無帶出去咁滯!**