獨自遊法蘭克福 -- 隨影 (上)

琴晚L教左我點由屋企去火車站同點樣買飛去法蘭克福all day pass，

一朝早，佢已經返左工了，而我呢慢慢嘆了個早餐，

再沖涼換衫出門口。

路痴如我，今次居然無蕩失就去到火車站。

（是咁的，之前係巴黎的第二天明明法仔已經帶過我去兩次屋企附近的車站，

玩完了一天返到去我都唔記得點返屋企，喊住口咁要佢接我回家，

而佢來到車站係超無奈地話：Come on!! you are directly looking at my home! )

就係咁我覺得自己好叻（！）

要記下巴士站名,

不過, 其實行路廿分鐘內就去到,
我最後無撘巴士。

好成功咁買埋車票（可以搭埋地鐵的），

就冒雨等車，

好事多磨，明明友人話由Hanau去Frankfurt 唔洗三十分鍾又唔洗轉車，

偏偏當日我就咁黑仔，

坐坐下有個職員上來講左堆我一個字都唔明的德文，

但見個個都落車，有女仔見我一面茫然話呢班車有事故唔會去Frankfurt, 

要轉車。 Shit!!!

於是我跟住落車，再去睇月台指示轉車啦，Hi你，仲要等成廿分鐘先有車，

好彩本小姐有帶遮。

不過點都好過於巴黎尾二個日，

又係無啦啦叫晒D人落車但無解釋無指示，

成車人一舊雞咁係月台呆等了大半粒鐘。

幾經周折，我最後帶住取西經的心情去到了法蘭克福，

其實我原本係打算係到留三日兩夜，

不過朋友們話呢到好悶叫我不如慳返酒店錢，去一日就夠晒皮咁話。

呢日有d雨, 天陰陰,

還好我有帶遮同著左jacket。

其實，我覺得Frankfurt 都幾好行，

係火車站轉地鐵，

基本上無咩要求的話，沿住條河行去左不少景點。

唔只巴黎，呢到都有鎖橋，

好明顯剛開始了不久，因為只有好少鎖。

個教堂靚嗎? 但我無入內參觀

因為都見幾多人係另一邊排隊,

我都係留返多d時間, 行L媽咪推薦我要去的STADEL MUSEUM。

因為佢認為我如果比較喜Fine art的話,

行modern museum應該無咁o岩我。

浴住河邊一路行行行~~睇下街上的人與物 

穿過埋呢條林蔭大道

就行到去呢個STADEL MUSEUM啦!!

入面唔俾影相的,

有兩個韓國男不停影影影,

被職員叫停同要求佢地delete晒d相去~

我係售票處列排排下隊,

前面有班人, 其中兩個老人家原先用德文同我講野,

但我話我唔識德文啦,

於是佢地就用英文問我係咪一個人?

我話係呀, 佢地就好好人屎咁問我有無興趣join埋佢地一齊買團體票,

咁樣我可以慳兩歐!

嘩~~~救命呀, 有無咁好o既人,

德國人真的好友善 + 務實。

雖然最後因為佢地排最前個朋友已經完成了俾錢,

未能再加我入去, 但我覺得佢地咁樣問好warm! :)

呢個museum好大好多野睇,

一行就行左我成三粒幾鐘。