Weekend market @ Hanau

有朋友問我點解唔去埋柏林, 慕尼黑, 科隆??
因為無朋友係個D地方無得痴飲痴食嘆世界嘛! 死未??
老實講, 我今次來的主因係二月兩個德國朋友來港後而驚覺好耐無見L,
L係一個非常Sweet又Caring的女仔,
年年生日, 聖誕節都有寄野來, 當然我都有寄野俾佢。
之前每次佢見到我去旅行都會話: Next time you should come to Germany.
講左咁耐...... 成七年都無實行, 今次我一定見佢。

由於佢係Hanau住, 係格林兄弟的出生地,
再轉戰另一德國朋友仔個樹, 因為又係格林兄弟住過的地方,
我好鬼想去一下呀!!!
就係咁咪變左童話之路囉......


話就話Hanau係格林兄弟出生地,
但我後來發現呢樹並唔係好多紀念佢地的野,
呢個有佢地紀念碑的地方,
家陣已經成為一家大細, 師奶阿叔星期六來的市集,
我都跟了朋友同佢媽咪一齊去買物,
佢地熟的店主見我係外地人,
都俾我試食佢地自家製的出品,
有腸仔, 肉類, 麵包等等, 非常熱情。 : )

下晝, 再去左附近的商場Shopping,
因為友人剛搬屋, 要買好多野,
受了係巴黎的教訓,
見仲有兩星期係德國,
我都趁機買返對平底布鞋先,
廢事又行到腳痛。
揀左對舒服的, 又平,
一比錢, L話: Oh! They are for kids, see?
原來我對腳只係佢地的童裝 (..................)

佢仲介紹左呢個德國食物俾我作下午茶,
好大份囉, 最後我連晚餐都塞唔落了。

當然要配返德國啤啦!