近日新玩意

唔知道大家學生時代有無玩過跳彈床？

當年仲後生，唔識個死字，

PE堂玩跳彈床，跳得起勁！

早前生日時老友俾左兩張VIP PASS我，

話呢個RYZE係近月香港新興玩意兒，

一定要去試試。

新年馬上飛去墨爾本

我終於返o黎啦, 其實都落左機一日多d,

但長途機真係好攰ga,

又要執返好d行李, 

所以都未得閒整理d旅行相,

今日就短短地打住一篇啦!

**係咪好cute呢??? 我買俾表哥個女ga!! 佢依家認得表姑姐啦, 佢地仲話團拜個日B女問我個妹"吹泡泡o個個去左邊?" hehehe...... 咁有我心, 抵我買禮物俾佢!!  但去旅行又好鬼驚買到made in china o既野, 好彩!! 揀d個樣無咁靚o既就無死啦, 呢個不是made in china喔!! 呵呵~~**

2014年第一篇

(遲來的) 新年快樂!!
祝大家新一年事事順利, 身體健康!!

估唔到又一個月無update過個blog,
因為12月實在無咩動力,
唔如意的事不停發生;
加上又病了兩個幾星期,
先係腸胃炎, 再來大感冒,
唔想為大家帶來負能量, 係到呻呻呻, 幫助唔到,
情緒低落時要一個人冷靜下。

仲有, 聖誕節至新年o既假期好多活動,
可以好好玩下, 亦無時間上網。

谷氣

真係唔知點解有d人幾廿歲都咁白痴, 搞到我個人好燥。

是咁的, 我樓上鄰居本來同管理處申請搵師傅去通渠,
我地係樓下, 所以要我地開門俾佢搞,
原定當日晚上八點, 佢亦話okay o既 (因為要等我媽咪都係屋企嘛)。

但條白痴就等唔切, 自己通左佢,
下晝我個妹煮野食就出街,
佢煮煮下我地露台天花板條渠就穿左,
漏水, 漏好多個隻!!

年齡係咪女仔最大的死穴呢???

一日打兩篇, 因為我最近有樣野真係覺得好想知.....

女人係咪好介意自己個年齡???
年齡係咪女仔最大的死穴呢???

是咁的:

早兩個星期公司食Annual Dinner,
有個傳聞係"全公司最細"的女同事坐我隔離...

基本上平時我只會係公司洗手間撞到佢o既o者,
通常佢都係化妝, 傾下計, 或者講下佢扮靚的野等等...
咁我諗都係閒話家常同講下笑o者, 都冇咩野。

點知, 個晚佢不停自拍,
仲不只一次問其他人:「我同佢邊個細d」 (個佢係 = 我本人) (!)
又會冇啦啦chok晒聲爆句「我仲係細路女o黎ga咋, 咩都唔知ga」(!!)
最後返屋企時佢仲話「你走左我就會變返最細ga啦"咁」(!!!)
(但我見佢咁o既行為, 就以為佢仲係好細個啦, 因為佢個樣都好後生)

我本來都以為佢講笑所以問我地邊個細d o者...
但估唔到原來佢真係咁上心ga喎!

因為呢個問題仲發展到今個星期....
有日我係pantry見到有隻好細好細o既曱甴乾屍痴住左係個牆邊的膠紙到....
當時得我同公司個嬸嬸係Pantry~~
於是佢話「嘩! 你真係好眼力呀, 你係第一個發現到」
正所謂薑係愈老愈辣, 阿嬸嬸打蛇隨棍上問「你其實係咪o岩o岩畢業, 廿歲出頭ga咋??」
我話:「都唔係出頭啦, 廿幾啦!」其實我都估到係佢想問我幾歲ga啦....
咁佢又話「我見你著d衫仲好年輕個樣又咁細個, 好似廿歲出頭咁。 有d人囉, 成日以為自己係公司最細,
我今朝就話未必啦, 睇阿妹妹仔好似細過你 (妹妹仔=我本人), 於是有人叫我訪問下你囉」
我就問「咁全公司最細個位幾多歲呢??」
佢講完之後我發現「咁我可能真係最細o個個喎」
我話左俾佢知幾歲啦,
但佢話「真係唔似喎, 望落後生D」(阿嬸嬸真係識tum人)


就係咁 -- 我好驚訝地發現呢個女仔原來大過我,
但仲問埋/講埋d我十六歲後都唔會再講o既野(!!)

第二日, 阿嬸嬸又係pantry同我吹水話「最細個個今日仲堅持自己同你同年喎」
我就話「其實點解要咁介意呢? 企係幼稚園你就最老, 企係老人院你就最細ga啦」
阿嬸嬸話我呢個想法正確!!

我真係唔明點解佢咁大個人都仲咁介意呢個問題,
我真係唔介意唔係全公司最細定最大,
除非你同我講最公司最細個個bonus出多份啦!!我就話我琴日先出世啦!!! 哈哈~~

人總係會大ga啦, 但仲成日提住呢樣野我覺得好唔成熟囉,
你個樣可以好後生, 但思想要成熟d,
成日要問人自己睇落細唔細, 靚唔靚, 莫講話男仔, 普通人都怕鬼左你。

做女仔, 唔係淨係單單要識化妝扮靚,
最緊你待人接物, 談吐,
唔可以仲成個細路咁。
仲有, 唔好成日開口埋口講減肥化妝Shopping,
應該培養返d興趣...煮野食, DIY小手工, 種花, 運動, 音樂, 電影乜都好啦,得閒睇多d書,
所謂「腹中有書氣自華」。
唔好搞到都咁大個人, 仲俾人覺得你好幼稚.......

如果俾我揀, 我唔會想返去十五六歲個時ga,
我覺得我鐘意依家的自己多d (雖然仲係好白痴好幼稚),
女人愈大其實都愈有韻味,
總之年紀大有大的靚, 後生有後生的靚啦,
而最主要係你個人有無內涵。

限期?

同不少人一樣無論學校做project, 返工做野, 生活瑣事都總係到差唔多deadline先肯郁手做.....

但好多女人仲好鐘意俾多個deadline自己 -- 就係要幾時幾時嫁!

早兩日舊同學約飯局, whatsapp有同學話到時會派炸彈。
今年都幾多朋友結婚, 至少都飲左兩餐係中學同學的, 仲有一單係舊同事,
眼見佢地都係結束愛情長跑(有對睇住佢地成12年, 我仲有份做姊妹)而結婚走入另一個人生階段我真係好為佢地開心。

之不過久唔久總有d多咀人問「幾時到你?」我就覺得好L麻煩(今次個whatsapp group都有),
通常都會話「我未玩夠, 唔想走入人生的墳墓住」。
而最痴拿膠線的係有D唔多熟的人懶醒提你「有仔趁嫩生呀」「女人青春好寶貴, 趁早好嫁」,
我通常連hea應都可以慳返。

之前五月係網上睇到十九子的一篇「破解港女之咒」, 我勁BUY。 是咁的:

港女恐懼「三十」大關，年滿二十五，即自覺標籤為「中女」，腦裏響起一座警報器，分秒倒數，須搶在三十歲前，成功「出貨」，結婚生子，外加一層物業「揸手」。
　　但是智慧的民族，譬如法國人有一句名言：「優雅是成熟女人的特權」，英國的時尚專家也說，女人不到三十，莫想擁有自己的風格，三十歲非但不是末日，對於一個真正的女人，反而是開始。

　　因為經過青春期的嘻嘻哈哈、二十來歲的跌跌撞撞，到了三十歲，為人處世，已漸得章法，喜惡愛憎，應已了然於胸，無知輕狂犯過的錯，可以拋諸腦後，知道自己是甚麼人，遠比嫁給一個面目模糊的男人，一起過下半生更為重要。港女的困局，純屬畫地為牢，自找的麻煩，只因為從小受世俗觀念的填鴨灌輸，只知成家立室的生存需要，不知還有探尋自我的人生意義；只知嫁得好等於家肥屋潤，從不解愛情或幸福之奧秘。由於毫無理性準備，這一代的港女，只能把過去十幾年來的幼稚，無限延長。

　　真正的女人，像中國哲學家周國平說的，天生是生活的藝術家。到了甚麼年齡，就有甚麼樣的生活境界，這就是藝術。何況在這樣一個濁世，女人的哀愁，從《紅樓夢》的「千紅一哭，萬艷同悲」開始，是注定的。登高一級，看開一點，這不是鄉願式的自我麻痹，而是跟這個愚昧癡妄的社會，保持距離，做一個更好的自己，已經比其他人幸福。 文：陶傑
「我一定要XX歲之前嫁」呢D 低能的說話我聽唔少, 通常都唔會成功, 有D仲SEVE到核爆!
我有個舊同事就係一個人辦, 係另一個舊同事講俾我知~~
話說我當時入去呢間公司做野時條港女已經講到明恨30歲前嫁,
估唔到冇見幾年, 佢真係成功左! 仲可以話係超額完成。
因為佢最後搞到一腳踏兩船, 睇下邊個男人娶佢先,
搞大左個肚個男人話結婚,
點知個男人又爛賭差人錢, 話多兩句仲想出手,
最後有日佢返屋企個男人掉晒佢d野出門口趕佢走,
個囡都未出世又要搞離婚又差D有抑鬱症, 有乜謂????
個男人仲講到明話唔要個囡囡跟自己姓。

呢件事你話佢好慘咩?? 幾啦, 但我覺得係佢咎由自取! 佢基本都冇了解過個男人, 純粹為左想結而結!

所以個句「知道自己是甚麼人，遠比嫁給一個面目模糊的男人，一起過下半生更為重要。」可以係一針見血~~

另外, 我亦見過有d女仔, 成日都以結婚為目標,
拍拖無耐又話結婚, 成日帶個男仔去睇咩結婚展, 婚紗展,
日提夜提, 知唔知好煩好大壓力ga???
我係個男仔都怕Q左你, 走夾唔抖啦!

有時我真係覺得依家d人思想仲老土過以前,
十八世紀大女作家 Jane Austen 都係單身一生,
二十世紀Beatrix Potter 都47歲先嫁俾William Heelis~~
但唔知點解21世紀o既香港反而25歲被人叫中女???
結左婚又要被人叫「師奶」,
我覺得依家D女人待遇反而仲差過300年前。

雖然我依家連所謂的「岸」都未上, 亦唔想上住,
阿媽教落「做女唔好過做婆?」 其實我都係咁諗。
有一個家庭就有責任,
有咩爽得過依家我鐘意掉低所有野拍下個臭屎忽去一頭半個月旅行??
如果結左婚有頭家, 唔洗你顧?
生左件仲慘, 見到佢地去行下街都搞到走難咁我就想死,
就算唔帶住個仔去旅行都要打返屋企問「佢今日有冇食野呀?食左D乜呀?聽唔聽話?有冇嘔呀?」
諗起就驚!!

以上睇o黎我呢D人都係心智未成熟更加不宜結婚生仔住~~~ 哈哈哈!!

兩個人相處其實唔止係間唔中食下飯, 每日都傾一次電話, 過時過節送下小禮物同一年去一兩次旅行就維繫到囉~~~

所以, 下次真係唔好再問我幾時結婚囉! 我會問返你係咪有好介紹ga!!!

關於限期, 我想說的是........

至少我做了

除了在面書按「ｌｉｋｅ」和穿黑衣外，
昨晚我也到了政總，支持反對國民教育的行動。

到了金鐘地鐵站時已是黑壓壓的人頭湧湧，我感受到那濃濃的團結，
為的都是同一個目標　－－　為自己的家討回公義，我很是感動。　

雖然我經常投訴香港，
但我還是愛我的家。

不知道能否成功，但我至少做了。。。。。。

我為自己身為那十二萬人感到驕傲。

 

 

「狼凸首」於九月九日選舉前一晚（即今天），才作出輕微讓步，
為的是怕反洗腦會影響建制派部署，
而且，他根本沒有說過會撤回國民教肓，
故請明天一定要好好運用自己的一票。

不然，　日後甚至連投票的權利都沒有咧！＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
嬲到爆事件：
｢對於不少批評指她及一眾高官，一邊逼本港學生接受國民教育，另一邊卻送自己子女往外國留學，
林鄭月娥表示，「希望市民明白我哋除咗係官員，亦係一個人，有私人生活，公務唔應該牽涉私人生活」。」Copy自<<蘋果日報>>

P你個街丫.....你地D小朋友讀書就係私生活，
香港平民D小朋友讀書就要洗腦???既然咁有需要, 非推行不可 ,點解唔捉你地D小朋友做實驗品？
做下戲都要啦！硬膠膠咁！！！

喊晒口咁就博到同情呀???
真心膠ga wor佢真係....
講埋d野咁唔合邏輯,
我真心覺得黃之峰講野有文有路又有大將之風好多。

官喎！！

唔想咁樣, 可以點樣??

呢幾日大家講得最多o既相信都係有關國民教育o既新聞,
有人會去集會支持一下班青少年, 就算唔去都會著上黑色衫,
我都唔例外。 (過兩日仲會去埋一份為佢地打打氣之餘, 要話俾政府聽我都係向國民教育就不)

其實, 好多人會話自己係政治冷感,
總之依家有得係屋企歎下冷氣睇電視, 有得行街睇戲Shopping, 食餐飽飯食就得啦,
我又唔洗讀國民教育關我咩事呢??

其實, 我都唔洗讀國民教育,
亦未有仔女, 婚都未結tim,
更加唔關我事啦!!

但, 你睇下呢一份國民教育指引:

 

老老實實, 我淨係聽過唔讀書要自我反省,
無諗過原來睇奧運唔支持中國都要自我反省,
好似我呢D咁o既人, 直頭可以拎零分,
繼而再被人話我係「漢奸, 走狗, 賣國賊」。

再睇埋ATV呢兩日被人hi到上天花板o既內容,
即係好似一個家長教緊個仔...話你知: 「呢個世界得兩種人, 聽你話既係好人, 逆你意就係仆街黎架喇。」咁呀??
(btw, ATV反正已經冇咩人睇, 依家仲被人投訴到咁, 真係唔執左佢都冇用)

你唔好以為「個腦話洗就洗咩??」,
咪好似你由細到大都聽人講鬼係得人驚o既一樣,
聽得多就會信,
特別係呢d愛國愛黨呢d意識形態o既野,
小朋友邊識自己分析呀??
唔係以前d「紅衛兵」點o黎呀??
仲有又點解咁多人個時要逃到香港呀?
個國家係咁好就唔會個個爭住走夾唔抖啦!!

相反我唔覺得呢d反國民教育o既青少年係被政黨利用,
佢地o既訴求表達得好清楚,
 唔係好似親中派同d狗官咁斯斯縮縮,
特別係個「凸首」乜都搵個女人出o黎頂!!!
正一無膽匪類。

而且只係集會,遊行同絕食,
咁都叫做激進????
仲有d人拎佢地同「紅衛兵」比,
我就覺得好拿白痴, 唔該佢地搵資料睇清楚,
「紅衛兵」先係共產黨產物, 又係對邊d人進行批鬥。

一個「凸首」參選個時又話一張凳, 一本簿同一枝筆聆聽市民o既聲音,
依家呢?? d同學拎埋凳出o黎都唔去聽呀。
正一大話精, 講野冇句真。

仲有班狗官都係, 搞埋晒d國民教育,
香港人d子女就係香港被洗腦,
自己就送走晒d子女去外國濕咸水,
講一套, 做一套。
咁鐘意做咩唔叫埋自己子女讀呀?
去讀埋一份之後背埋毛語錄俾阿爺聽啦嘛,
下屆「凸首」都有埋你份tim呀。

我地依家成日笑大陸人要"翻牆"先上我地垂手可得o既網站(如FACEBOOK, TWITTER等),
如果國民教育推行左,
再過多幾十年,
香港地就會變成好似大陸咁ga啦!!
我唔係危言聳聽又或者諗得太多,
香港其實已經慢慢地變,
如果再俾國民教育推行埋,
個個小朋友小學開始就植入愛國愛黨o既意識,
總之, 共產黨就大晒! 阿爸阿媽都唔及毛澤東!!

上得床o黎就掀被襟,
轉頭再搞埋廿三條囉又。

搞搞下就好似大陸咁,
六四又被禁講,
好似沙士時出左事又唔准公布, 搞到幾多人死呀?
彈下政府都話唔得。
我依家上網打埋d咁o既野就分分鐘被人捉去問話,
之後我d仔女偷聽到我鬧共產黨, 走去告發我,
你話驚唔驚丫???

唔想變成咁樣?
請支持「反對國民教育」,
唔係淨係係你個面書都like左就算,
出席去集會遊行。

仲有, 九月九日用你神聖o既一票去行動。

如果你都仲係繼續想做一個政治冷感o既人的話,
都得, 但第日你發現自己o既自由同權利被人剥削時,
請你唔好後悔。

一擊即中

咪誤會, 我唔係有喜啦!! 慢慢睇落去啦~~

呢幾日冇咩update個blog, 因為好多瑣碎事做,
加上就打風令到天氣異常悶熱, 所以個人好燥~~~

首先我終於填完份報稅表
呢份野係一個長久戰,
明明唔係好多野要填但年年煩你一次真係命都短幾年,
最無奈今次因為寄到o既時間我已經唔係香港,
係美國煩左一輪先成功延期。
點解??? 因為有d人做野真係好膠ga,
我個妹收到之後幫我打去報局問話收件人唔係香港可以點延期,
d人都白痴o既, 話到明唔係香港佢都話要本人簽名, 又呢又路......
HI佢丫, 我人都唔係到點本人簽俾佢呀?
都算,之後條福街老點我個妹FAX野去延期,
之後見過左咁耐都冇回覆, 最後我忍唔住打長途去問,
另一條友竟然話FAX唔得, 咁做咩當初叫我個妹去FAX??
真係智障到暈!
最後有個正常人先叫我E-MAIL去囉~前後搞左成個月, 認真吹漲!

第二就係我要去影返D見工用o既相,
化好個妝又著返套裝(淨係上半身, 下半身仲係hea look + 拖鞋, 好樣衰ga),
咁鬼熱, 去搵間曬相舖都唔易,
附近o既商場有好多店舖都因為領匯而搬左,
終於被我搵到啦, 個頭髮都亂埋, 哼~
其實好多商店都因為領匯而做死左,
我依家想搵"寶貼"都唔知要去邊樹先有文具店,
仲有, 我發現以前睇開個間診所都唔知搬左去邊,
唉~~~點解要咁逼死D小商店呢??
我就唔明點解D小型商場都要搞到咁多大型連鎖店,
而一D日常用品想買又買唔到。

另外, 我前幾日屎忽痕想整下糖桂花小丸子食下,
整完我真係好後悔, 因為好鬼熱呀, 早知就唔搵D咁o既野搞,
煮完都冇胃口食。

呢個糖桂花同d湯圓都係自己做ga,
因為依家想去南貨店買糖桂花都唔知去邊搵,
屋企附近以前有一間但又執左啦, 唯有自己煮囉......


最後, 我前兩日終於的起心肝SEND E-MAIL搵工,
今朝打住風去見工, 等左好耐但一陣就見完, 以為冇咩機會,
見眼之後仲有一男一女見工,
(因為等左好耐, 連後面要見工的人都出現埋我都未有得入去.......)
叫我返屋企等通知, 等到6點都未有消息~~
諗住下星期一再搵工啦,
點知!!!!!

頭先個老闆打o黎, 請左我啦! 竟然係一擊即中!

Benifit 仲幾好, 但我最開心係今次個老闆又唔係中國人/香港人呀!!
(我以前做過幾間公司, 只有一個係加拿大華僑, 其他都係外國人老闆, 而我得出一個結論係 -- 中國人老闆很PK)

**下星期一開始返工, 依家又掛住個假期tim~~ oh man~~~

輸打嬴要的中國人

日日都講奧運金牌榜, 一望到中國又排緊第一真係會好黑心咁想美國快D追過佢地,
就係咁我爸爸竟然話我係「賣國賊」。  (通常D好左o既老豆生o既仔女都係包拗頸)
痴線o既, 洗唔洗咁大罪名???
我咁唔想大陸拎第一, 完全係因為唔鐘意佢地只掛住金牌o既輸打嬴要作風!!!

繼阿sa同方力申被大陸無知網民狂插佢地搞分化同埋話「好像中國就好失禮」等無聊言論外,
竟然連馬來西亞的粱靜茹恭喜大馬運動得銀都被人鬧「都是華人, 應為中國高興吧」「大馬還比大中華大嗎」「要說就回大馬說, 不要來這邊掙錢」,
連趙薇係劉翔仆直之後POST左佢一張自拍SAY HI的相上網又被人鬧「劉翔都出局了還有心情說嗨」「嫁到外國去就不當自己是中國人嗎」等......
睇完之後我就覺得好拿On9。
呢D咪就係國民教育洗腦效果囉,
成班天真小王子/公主on嬌嬌咁!!!
彷彿中國先係最大, 全球華人都係欠左佢地的。

**最唔明白係何解身為日本人的蒼井空個WEIBO都被大陸人話佢「還算是中國人嗎你」, 傻的嗎???

呢個就係我冇用微博的原因, 日日睇到呢D反智人士都咪話唔驚會腦殘!
(當然也怕被共產黨追蹤)

一個運動員唔可以只係因金牌而認定佢地的努力,
佢地咁樣做完全係顛覆左體育精神,
就好似琴日香港打入乒乓的四強, 就算最後無牌,
我都已經覺得好開心, 好為佢地驕傲!!
大叫: 香港o既運動員唔係臘鴨!!

今日睇完一篇經濟日報的文章, 我真係非常認同, 所以想分享一下:

失手無罪 「金牌至上」應反思

【經濟日報專訊】假雞蛋、假證件等造假事件在內地並不是新鮮事，但想不到連欄王劉翔在倫敦奧運失手，也被質疑造假！「劉翔神話」的出現，是由全國對奧運金牌的執着一手炮製，如今神話破滅了，就可以抹殺他過往付出的努力嗎？
眼中只有金牌，再也看不到其他，這荒謬比失去金牌更痛！
神話破滅 頃刻受千夫所指
曾在04年奪得中國田徑史上奧運第一金的劉翔，在前日的奧運110米跨欄預賽時，連第一個欄也跨不過，跌倒跑道上，無法完成賽事出局。這一跌成為全球焦點，更惹起鋪天蓋地的報道及爭議。
劉翔一直受到傷患困擾，今次也證實跟腱撕裂，不少人在網上留言安慰及支持他，贊助商也公開力挺。然而，質疑之聲卻不絕於耳，認為他08年奧運已臨場 因傷退賽，指今次再退出是「做戲」，有報章報道網友恥笑劉翔是商業化小丑，內地報章亦有標題「主演劉翔，導演是誰」的報道，包括質疑劉翔是否故意蹬欄跌 倒。
失手就是造假？其實在本屆奧運失手的中國隊運動員，不止劉翔一人，例如去年奪法國網球公開賽冠軍的李娜，在本屆奧運首輪便爆冷出局，但她承受的言論炮火，比劉翔少得多。
說到底是大眾已把劉翔「神話化」，無論是國家體制、贊助商還是人民，將他重重「捆綁」：
˙國家體制：中國重金培養金牌選手，但也製造了金牌至上的心態，本屆奧運，被揭有奧運銀牌得主的父母，遭一心期待金牌的官員冷待（見表），國家隊前羽毛球隊員王晨早前接受本報訪問便指，國家隊的心態只有爭取第一，至於第二、第三都是破銅爛鐵。
˙贊助商：為龐大商業利益，廣告商一再把劉翔塑造成明星，有報道推算，劉翔失手令多個贊助商共損失達30億元人民幣，劉翔個人也會損失10億元人民幣。有人更質疑劉翔帶傷上陣，只是為了不得失贊助商。
˙人民：國民希望運動員為國家爭光，藉此顯示國力；但若然運動員的價值只在於為國家爭得獎牌，也實在太悲哀了。劉翔失手後，竟有部分內地網民表示，納稅人花費巨款培養劉翔，不是為了看他退賽，認為他浪費納稅人金錢。
被捧上天、卻因失金而曾被唾罵的選手，過去還有「體操王子」李寧，他在84年洛杉磯奧運會獲3金2銀1銅，震撼國際體壇，但88年漢城奧運，他負傷上陣，結果多次失手，當時國內有評論指他「輸得難看」，卻看不到當時中國體操隊青黃不接，以致這名老大哥被迫帶傷上陣的難處。
他國選手落敗 仍民族英雄
剛於跳水三米板奪銅牌的中國選手何沖說，做中國運動員比外國運動員不容易，因為外國選手沒拿金牌，不會有人質疑他們。奪得這項目金牌的俄羅斯選手札卡洛夫則稱在俄國，失金的選手沒有壓力，不管獲得的獎牌是甚麼顏色，也會得到公眾支持。
外國民眾對待運動員的態度值得學習，例如曾兩奪奧運金牌的日本游泳選手、有世界蛙王之稱的北島康介，今年也失手，但回國時卻是泳隊中獲得最多喝采及 掌聲；馬來西亞從來沒有得過奧運金牌，國民寄望曾是世界第一的李宗偉可奪奧運第一金，惜最後敗給中國選手林丹，李宗偉公開向國民道歉，但他回家時仍是受到 英雄式歡迎，官員盛讚，更有餐廳免費請公眾吃飯，慶祝李宗偉贏銀牌！
數輝煌往績 無愧中國人民
一面奧運金牌並不代表一切，有網民搬出數據，指劉翔自2000年起出戰48次國際大賽，當中取得冠軍36次，已對得住全國人民。國民注重奧運獎牌，希望藉此展示國力，但亦需知道劉翔這一跌是他運動員生涯最大難關，大家應予支持。現在更是時候喝停眼中只有金牌的荒謬了！

我的思緒被颱風吹亂了

香港昨天掛了十號風球,
上一次的十號風球是1999年,
當時我還只是個小學生, 沒有什麼印象,
今次聽說有些地區連電視訊號都失聯了
家裡的窗戶都被吹得嘶嘶作響,
還有街道上四周都是斷樹。

雖然現在我人仍在美國, 感受不到,
但多虧Mark Zuckerberg 開發了Facebook,
我在網上看見了不少颱風下的香港照片,
狂風暴雨, 真的恐怖呢!
還好沒聽見有死傷。

這邊廂香港刮颱風,
那邊廂新聞報道說 -- 北京因暴雨成災造成(至少)37死。

男友問:「噢...... 北京不是中國的首都嗎?」
對呀, 北京是中國大陸的首都,
我都不明白為何連首都此等大城市的排水設計都做得這麼差?
有錢搞航天都不改善一下。
更諷刺的是 -- 國家主席是讀水利電力工程系出身的啊!

而最令我驚呆的是, 大陸已下令不可追究雨災的死亡數字,
只可報導正面消息,甚至連723高鐵追撞事件一周年都不可提及。
這, 就是國情!

現在, 香港政府打算小學起加入「國民教育」一科,
實行向小學生灌輸中國偉大, 西方國家自由民主糜爛的思想,
哈! 我以為北韓才是如此呢。

小學開始學習什麼是國情,
而中學的中國歷史科卻是選修科。
這又是什麼意思呢?
就是學生不需要認清國家本身;
不需要讀各個朝代歷史, 不需要讀八國聯軍, 不需要讀鴉片戰爭, 不需要讀國共內戰, 不需要讀文革?
但, 需要認識國情!

再看看上星期「愛國評核試」的問題,
我最模不著頭腦的一道是: 「即使人民認為國家所做的不對, 他們也應該支持國家」,
那不是跟「即使你老公出去滾又打你, 你也應該支持佢」一樣荒謬, 一樣傻的嗎?

我不認為「學民思潮」的一班青少年是被政治黨派利用,
因為他們很清楚自己維護的是什麼, 是民主自由的可貴,
不可以白白被共產主義洗腦。
我反而卻擔心自小被輸入「紅」血的「國民小先鋒」,
他們日後很可能會成為《一九八四》中告發親父 -- Parsons的孩子,
他們也很愛國的, 是很盲目地愛國的。

我關心這事件不是因為我盲目反共,
而是因為我是香港人, 我愛我所屬於的地方,
加上從過往事件中 (包括六四,  艾美美, 高鐵追撞及李旺陽事件),
我實在找不到一點認同中國大陸處事方法的理由。
我不想香港幾十年後變成《一九八四》一樣的局面,
到時連新聞, 報章雜誌, 電台, 網上平台等等都要已國家政府審批,
我這一篇文章有可能會被拿來審查嗎?
而我很可能會被批鬥。

意式風情 -- 美女廚神賜我靈感

唔知點解, 硬係比較鐘意西餐多過中餐,
唔係因為崇洋, 而係中餐對我o黎講好難煮, 煮完又身水身汗或個身一陣味;
食呢?? 係香港食左十幾廿年, 中餐對我o黎講係垂手可得,
人就係咁ga啦, 有個時唔識珍惜,
依家想搵餐正常o既亞洲菜都冇啦, 幾抵死??
(不過我就快會返香港啦, 到時想食乜都有啦~呵呵)

云云咁多西菜之中,
我最鐘意o既係意大利菜。
點解??? 唔知喎!!
可能覺得d意粉有咁多種, 汁又咁種, 意大利pizza又咁多種, 仲有連意大利雲吞呢,
而且簡簡單單唔花巧,又食得飽, 唔洗整色整水搞一大餐嘛。

o黎左美國三個多月,
除左Animal Planet之外,
我最鐘意睇Cooking Channel,
呢個Channel係成個台都係講點煮野食同埋帶你去飲飲食食 (當然得個睇字啦),
鬼仔呢d有「黃熱病」 o既西人呢就鐘意睇人煮亞洲菜。
而我呢, 就鐘意睇一個叫 "Everyday Italian" o既cooking show喇!!

除左係因為教人煮意大利菜之外,
另一樣最吸引我o既係 -- 個女主持人好靚女呀!!!
鐘意睇靚女, 唔只係男仔o既專利o黎o既~~
靚野緊係多人鐘意睇ga啦!

我覺得佢不單止靚, 身材更好正,
煮野食又叻, d野食仲好健康tim喎。
簡直係雙重視覺享受,
成為左我最近o既女神!!

佢個名叫 Giada De Lauretiis,
佢堅係意大利人, Giada 呢個名係意大利= Jade 一樣。
係意大利出世, 之後係美國長大,
又係法國o既 Le Cordon Bleu 學煮野食。

最令我震驚o既係, 靚女原來今年已42歲, 仲有個囡囡tim。
好羨慕呀!!  如果我42歲又生左件o既話仲keep到咁好樣就好啦。
當然我上圍冇佢咁偉大啦!!
我亦希望42歲時可以煮得一手好餸。
**呢個就係佢o既網啦, 仲有食譜ga : http://www.giadadelaurentiis.com/

btw, 呢到d cooking show 女主持人通常d手指甲都係好低調,
整整齊齊, 透明gel甲, 蝦肉色, 淺粉紅色指甲等等, 我好欣賞!!
我真係好鬼驚d人油到d手指甲好色彩繽紛, 或者整d乜鬼野花甲o黎煮餸俾你睇,
記得早排仲係香港同朋友食飯, 間餐廳有電視,
播緊是但台見到呀"乜"姐煮餸, D指甲鬼咁colorful,
之後一路煮一路好似鬼抓咁摷d食物, 真係睇見都唔開胃。 <-- 5個嘔!

睇完靚女煮野, 學下佢煮意大利野, 前前後後都煮左好幾餐~~嘻嘻~~

Pizza就係鬼仔做大廚我做助手整o既,而其他都係我一手一腳整ga,

鬼仔o既評語係 -- Ho May la / Ho ho may la。 <-- 廣東話o黎ga!

至於鬼仔, 佢早排睇左另一個節目 -- Easy Chinese,
睇完之後, 佢就學人煮中式湯麵 (當然我有幫手啦),
湯底都係佢自己整, 係佢肴o既雞湯(!) <-- 我都唔識整,
都幾好味喎, 為我而設 -- 唔落咁多辣椒! 正~~

****************************************************************************************************************
同埸加映:
係屋企, 堪稱地獄廚神o既我,
早幾日Whatsapp send左張我人生第3次煮中餐的成品俾我d妹睇, 諗住威返次啦!
但竟然有以下對話, 條粉腸仲放埋上面書俾人睇。。。
(人名我已執過, 唔係你地點知邊個打邊個呢?)

呢D咪就係家庭溫暖囉!

Canada Day 有感

七月一日晚抵達多倫多, 這天剛好是Canada day,
到處都有楓葉國旗掛在屋子或建築物外 (美國都一樣, 獨立日前後國旗四處可見),
街上不少人對你歡呼"Happy Canada Day",
還有不少地方有嘉年華, 十分熱鬧,
可惜那天呆了在車上太久, 人也累了, 沒有拍照。

對美國人及加拿大人來說, 獨立日均是對英國佬說"f**k off"的一天,
同樣亦是英國將香港交回中國大陸的一天,
然而, 看到人家是普天同慶的上街狂歡,
香港人卻是繼續為捍衛民主自由而上街遊行, 我實是感概。

雙普選仍未有, 卻說要搞立法廿三條,
一國兩制, 五十年不變, 但香港一直在暗地裡變,
恐怕不用多等35年我們連上街的權利都沒有,
談論六四都不准, 在網上發表意也不行!!

我很欣賞那些和平示威的人, 不是每個示威人士都是茲事份子,
如果今年我在香港, 我大抵都會安安靜靜的上街去。
特別是, 李旺陽事件後, 我覺得大陸真係X乜都做得出,
而香港很可能會變成如"1984"一樣黑暗.......

你可以說自己是政治冷感, 可以覺得事不關己,
現在有餐飽飯食吃, 又可以shopping涼冷氣睇下電視劇已很滿足。
也可以覺得我是在"9 up",

但, 如果有一天你做了站在窗前的那一個,
請不要怪責/埋怨任何人,
因為是你自己放棄的。

北京春嬌又o黎啦!! 繼續各自各精彩!!

上個月提過好友見報的事,
因為佢依家係北京工作,
係個樹飲飲食食實在不少了,
仲可以係生果報介紹tim,
有興趣去北京飲食夜蒲可以搵o黎睇下。

呢個video前日係我面書廣轉, 係介紹北京夜蒲o既,
雖然今次佢只得幾秒, 亦無再用d令我地笑到傻o既名形容佢,
但好明顯, 我地成班友都係覺得朋友見報係好搞笑o既事。
我地之前仲提議佢拍返齣 -- 春嬌愛夜蒲, 北京夜夜蒲等等。
特別係自從報章以「北京春嬌」形容佢!!!
我每次睇返都係笑到喊ga, 救命!!

明明已經有心理準備但唔知點解我仲係覺得好想笑,
嘩哈哈哈哈~~

講講下好想去返轉北京搵條傻婆tim。

******************************************************************************************************
今日鬼仔又take左一日"work from home",
星期五同星期一day off,
因為今個星期慶祝父親節 (我係咪好不孝呢?),
又順便探下佢o既婆婆, 好緊張tim。
今晚又要開夜車啦,
鬼仔係屋企返工,
我又係到睇波啦,
今日又要睇波, 咩都未執tim!! 妖~~
(所以未來幾日都不會打blog了!!)

琴日個兩埸丹麥vs葡萄牙,
頂!!! 我仲期望丹麥可以幫我收拾葡萄牙tim,
不過我覺得佢地都打得唔錯ga,
咁都追返2:3, 只係我真係好討厭葡萄牙,
最憎係c朗, 琴日見到佢單刀都唔入真係笑左。

之後個埸先係我o既重頭戲,
荷蘭vs德國, 我真係好想知班荷蘭橙會唔會醒覺??
上半埸, 成班仍然係好似個人表演賽咁,
真係個個獨食無痴牙!!!
德國個Gomez真係好堅, 入左兩粒,
之後荷蘭開始急啦, 不停進攻, 仲超級狼死。
不得不讚係Neuer, 佢救得好好, 好波!! 反應好快。
Boateng都好好, 奮不顧身救波, 但又o也左張黃牌, 下埸冇得對丹麥,
我本來期望Muller可以幫德國入多一粒, 點知冇仲換埋人,
不過總括o黎市德國仍然發揮得team work好好, 仲搞到荷蘭索晒氣。
**另外, 罕有地 -- Klose後尾都有得落埸喎, 哈!! (可惜都未有作為)
荷蘭下半埸都踢到少少水準出o黎o既, 展現出好強o既決心,
最後成73分鐘俾Van Persie 入左粒!!
2:1, 我覺得德國嬴得太少了~~
依家死亡B組除左荷蘭之外, 隊隊都有3分, 德國6分,
得荷蘭連輸兩埸, o者係 -- 荷蘭可以訂定機票返屋企訓覺啦喂~
(我真係想講Robben好獨食, 佢應該要同隊友做好d team work, 抵佢撞穿頭。
最搞笑係佢成日挑戰佢拜仁隊友 -- Philip Lahm, 可惜成日被人睇清佢路數, 偷波。)

係喎!!呢幾日都唔記得講,
我係美國睇緊個台其中一個評論員呢係德國前隊長 -- Michael Ballack o黎ga!!!
估唔到佢依家係美國講波!!

好!! 又開始去準備睇波啦, 下星期再會。請呀。

令人咋舌的小朋友

嘩~~今日個兩埸都好有睇頭呀, 但有兩樣野我想講先~~

有時真係唔明依家D小朋友諗乜,
只係差幾年o者 (扮細), 點解佢地o既思維咁唔同o既??

大家細個有冇參加過謝師宴??
呢一日除左俾你著到靚靚咁同一班同學老師食餐飯之外,
更重要o既係 -- 藉呢一餐飯好好答謝多位老師過去幾年對自己o既用心教導啦。
早兩日聽到一個朋友講左單令人O咀o既事,
是咁的:
有一級文憑試o既學生搞謝師宴,
就快到謝師宴個日,
其中一個負責學生打電話返學校搵相熟老師,
話因為發現找數比起預算多出一千蚊,
其他同學唔肯夾錢喎,
所以要求其中四位老師唔好去(!!!)

痴L線的嗎?? 佢地完全唔知謝師宴的意義何在。
一千蚊, 我當你一班只有20個人, 都係每人夾多$50出o黎,
依家你全級搞, 當你有A-D班 (80人) 都只係俾多$12.5 出o黎o者,
咁都唔肯夾??? 佢地個死人腦究竟諗乜???
其中一個搵家長又好或者幾個夾住一千蚊先, 之後收返唔得咩?
幾十蚊都唔肯夾真係唔知佢地咩心態, 唱少次K都係到啦, 死仔!!

我係個老師真係傷心死啦!!
佢地就係我地社會o既未來主人翁啦, 死未??
講起都一額汗呀!!
***************************************************************************************************
另一單, 我頭先係面書睇到o既,
依家個面書可以見到你面書o既朋友剛剛留左咩comment俾人, like左d乜野。
我就見到有個舊同學晌另一個我唔識o既女人的status留左comment,
而個status內容就好吸引, 下面仲有幾十個comments,
我忍唔住睇晒 (八卦到爆), 鬼叫佢自己冇set private 咩!!

個女仔個status係叫佢前夫唔好咁多廢話,
我一望佢個張相, 佢得頂盡19-20歲,
咁快有前夫??
之後再睇, 佢自己係下面o既comment同朋友呻,
佢話十三歲跟左個男人, (跟字係佢用, 我唔會用)
十五歲有左! 個男人阿媽驚受靶就話結婚!
生完個女仔要返自己屋企住(!!) 由個仔出世到而家五歲個男人都無俾錢,
最近離婚錢又話會俾錢.......到而家追個男人俾返錢,
個男人話要幫個仔改跟個女人姓先肯俾錢佢。之後佢發現個男人又話無錢但又有錢買車,
又可以同依家個女朋友去台灣。
仲話返個女仔轉頭, 話佢而家有家庭所以可以唔洗負責, 所以佢好嬲。
個女仔話:「仲慘個個仔係而家個老公咁, 咁多人死唔見佢死」
最後個女人以「真係當我白痴」作結。
睇完, 15歲返生仔, 個仔5歲, o者係依家20歲,
睇完晒佢其他comments, 原來佢最近又同另一個男人結左婚啦! (恭喜喎 )

另一個同佢係面書一齊呻o既女仔, 都一樣咁叻ga。佢都係得廿歲左右, 佢就生啦, 佢老公又無錢, 又唔肯反工。
仲要個大女開始返學, 要交學費, 另一個就黎出世,
最後以「我可以點。。。。」 作結。

睇完晒, 我真係唔知佢地父母點教佢地,
而佢地細個讀書讀左D乜??
個死人腦係咪裝屎ga???
最恐怖係我好大預感佢地D仔女第日都好大機會同佢地一樣個人生搞到一塌糊塗。

十幾歲人仔就學人搞到大肚,
佢地唔知呢個世界上有Condom ga咩??
冇錢就唔好學人生仔, 四百萬一個ga,
加上自己心智都未成熟, 盞害左個小朋友。

第一個女仔仲夠膽死以「真係當我白痴」作結,我就話個男人不知幾咁了解佢啦!!
以前佢蠢到陪佢唔做安全措施, 蠢到冇諗過後果幫佢生仔;
當日生完仔要你自己返屋企住都做得出,
難道今時今日先知個男人咁冇責任感??
依家都仲奢望佢會"負返責任"。
你話唔係白痴係乜丫???

另一個女仔, 又係十幾歲同人生仔結婚,
老實講, 我完全唔相信個男人係以前好勤力好有責任感,
依家先冇啦啦先咁冇責任感囉。
由個男人唔用condom個一刻佢應該已經知道呢個男人幾咁"盡責"啦!
錯完一次仲唔夠, 依家仲死蠢到同佢生多件???
個男人癲佢又陪埋人一齊傻。
「我可以點。。。。。」
我好想學某DJ個句: 叫佢去買一舊蒜頭, 一隻狗 同一把掃把囉~~
唔明?? 讀一次丫 「蒜」「狗」「掃把」。
明冇??? 仲對個男人有咩期望呀? 靠自己啦!
雖然我知道呢D Case係外國更多, 但睇到呢兩個小妹妹o既威水史,
我真係為佢地感到好心痛,
究竟知唔知咩叫潔身自愛??
我希望佢地可以好好照顧自己d仔女, 等佢地係一個有愛o既環境成長,
仲有好好諗下自己o既人生, 究竟想做d乜? 想變成一個點o既人?
**************************************************************************************************
夠鐘準備睇波啦~~bye~

端午節假期

多得屈先人, 賜給小婢此等打工仔有一連3日o既周未,
星期六, 原來要返工去寄野俾美國,
但後來因郵件被中央扣查,
工作改為 --> 安在家中, 我妹焗cookies!!!

呢個周未真係熱到抽筋,在家中焗了幾個鐘頭餅真係人都癲.
抽筋的小人類晚上活動係 --> 打邊爐!!!
同學仔提議o既地方很du, 爐很du, 連侍應也很du.....
但食物竟然是意想不到的讚讚讚讚讚!!
當係晚o既丸只有牛丸, 肥牛竟然也不多,
大家一味只顧吃海鮮喔!! 珊瑚蚌, 墨魚滑就是無敵的爽爽爽爽!!
我要跟9個人搶吃, 很忙, 無暇拍照喔!!!

星期日, 原來打算安在家中等飯局,
變為 --> 趕頭趕命去睇戲 (hangover II, 笑到傻),
再趕去吃生日飯局,
雖然人數冇啦啦地減少了,
但4個傻婆吃飯, 想食乜就食乜,
想講乜就講乜, 正!!!

星期一, 抽筋的小人類又自作自受,
酷熱天氣下行山去, 而最型的是 -- 把整個路程倒轉了行,
嘩嘩嘩~~原本的落樓梯變成上樓梯,
不只是一條樓梯, 而且不停的行樓梯+泥路(!)
同埸加映, 發癲馬騮狂性大發,
嚇到大家花容失色(??)
吃壽司定驚去......攰到傻!!

現階段為 --> 準備做法文功課! 呵~

過份「危機感」

話說上個星期四,
係我玩電腦o既時候冇啦啦一望出窗,
我望到個樣生得好恐怖o既男人 (打頭!! 知佢都唔想) 鬼鬼祟祟係咁款係前門o既通道到望o黎望去,
而且仲要隔左10分鐘又再行過o黎又望過,
我知道外面望入o黎其實唔睇到d乜, 而且當時我有著衫(!!) 但我唔係驚佢睇到我,
亦唔係驚佢爆格 (冇咩俾佢偷)。
唔知點解當時我個腦竟然係諗起「人形蜈蚣」 (雖然我未睇, 但呢套野已經係我o既朋友圈內一套經典o既恐怖片, 亦係我地o既通話密語),
嗚..............................

我唔想好似戲入面個日本遊客咁冇啦啦被人捉左去做蜈蚣!!!仲有House of wax同德州電鋸呢???
(小姐, 你睇得太多恐怖片啦!!!)

當時尚早, 我仲同個香港朋友係MSN傾緊計,
於是立即同佢講有個咁o既男人出現係我門口啦,
佢個應反居然同我一樣(!)
只能說, 我們太喜歡看外國的恐怖片............
還提醒我要立即鎖好門窗及不要外出(!!)
沒辦法啦, 要知道外國有好多呢d變態佬呀!!!

但我說: 我打算下晝出去散步喎, 難得今日好天。(唔要命都要冷街o既衰女)
最後, 我更煞有介事咁話俾我朋友知,
我住個到o既對面街有一間韓國餐廳, 個到有個錄影機係對住我屋企o既門口個條路,
如果我有咩事, 就話俾當地警察知, 翻查今日xx點xx分至xx分o既記錄(!!!)
而我朋友亦好認真地說: 好, 我知道啦! 洗唔洗聽日打俾你睇下你有冇事??

好痴線吧?? 我知。

下午時份, 我見樓上個女人返左屋企 (砰砰嘭嘭咁行所以我知道),
而隔離鄰居都有人係花園搞緊佢地花花草草,
所以我就斗膽出左去附近公園散步。 (死都要出街.........)
最後, 我個日緊係平安無事返左屋企啦,
晚飯時仲特登Whatsapp sent msg俾我朋友報平安tim 。 <-- 依家諗起都覺得好白痴!

個晚我話返呢單咁柒o既事俾鬼仔知,
佢聽完之後當然係狂笑, 話: Honey, you are so funny!!!!
佢話個男人可能係搵緊人 (呢到間間屋差唔多),
又或者係附近睇樓,視察環境。 (係喎, 點解當時冇咁諗??)
可能佢個樣真係太恐怖啦 (再打頭!!)。

我同我朋友講返之後, 我地都狡辯話: 呢D就係「危險感」。 你咁冇危險感, 去到大陸死左都唔知咩事。 (<--指鬼仔)
而鬼仔又答左令我啞口無言o既一句: I have been to China and I am still alive.

朋友見報你會點??? -- 北京春嬌 (笑死我啦)

如果你朋友見報會有d咩感覺呢??
(當然唔係因為d唔好o既野啦)
唔知點解我次次係報紙, 雜誌, 電視見到, 甚至係電台聽到自己識o既人,
我都會忍唔住好想大笑笑笑笑笑!!!!
自從前兩年我有個中學同學成為某樂壇組合之後我就發現我原來會咁(痴線的嗎???)

琴日我個好友都上左生果報o既副刊(<--按這裡)
而且, 我d朋友仲好好心咁買左一份返o黎影相同大家分享一下,
因為.......我地都覺得好搞笑!!!
點解?? 除左因為佢夠膽死以個之前被大家劣評如潮o既髮型見報之外,
就係報紙上對佢o既形容........

竟然係: 北京春嬌 同 靚女Lina (!!)

哈哈哈哈哈~~  真係笑到碌地!!!

我地班友緊係立即係whatsapp group同面書不停提議佢不如開個blog寫呢寫路,
blog名仲十分頂癮, 之後話題愈來愈扯了!!!

當然, 朋友因為自己o既興趣及才能見報,
都是超級替其高興呢!!!
(但, 下次可否先讓我有個心理準備???)
大家如果要去北京玩, 飲飲食食可以參考一下呀,
下星期仍然會有啊!! 多多支持吧!!

另外, 我昨天才得知, 最近有個同校但低我一級o既男生都當了歌手,
雖然是從未交流過的, 但我想自己日後見到仍然會想笑笑笑笑笑~~