谷氣

真係唔知點解有d人幾廿歲都咁白痴, 搞到我個人好燥。

是咁的, 我樓上鄰居本來同管理處申請搵師傅去通渠,
我地係樓下, 所以要我地開門俾佢搞,
原定當日晚上八點, 佢亦話okay o既 (因為要等我媽咪都係屋企嘛)。

但條白痴就等唔切, 自己通左佢,
下晝我個妹煮野食就出街,
佢煮煮下我地露台天花板條渠就穿左,
漏水, 漏好多個隻!!




好彩個妹無入去睇咩事,
因為原來個d係漒水(!!!)
我媽咪話d毛巾拿到出晒煙,
連個地拖都穿晒!!!
好彩d電制淋唔中, 唔係我屋企爆炸都似。

我媽咪清理個時就被d水彈中左手臂,
好彩當時d漒水已經滴到七七八八,
所以只係痕痕地同紅左!
我真係依家諗起都慶!!
我個妹個時只不過企係隔離唔係好遠,
如果行入望, 又或者我媽咪係到晾衫,
咁咪淋到正?? 毀晒容??
咁個樣仲洗要o既???

我個晚七點幾返到屋企放底d野出去搵朋友,
已經奇怪樓上個師奶做乜會落o黎同我講: 「你地陣間唔洗等個師傅o黎啦, 我地搞掂左條渠啦」
因為我媽咪無同我講,
所以我當時唔知佢up乜, 又趕住走!

唔係我實捉住佢o黎鬧爆佢,
佢仲好意思話佢老公識通渠,
佢老公平時通開邊條渠呀? 佢條渠呀?
係咪咁心急要通呢條渠?
自己都申請左咯, 等幾個鐘都唔得??
如果個時條渠下面真係企左人係到,
發生咩事, 佢過意得去嗎??
呢d人真係又無腦又自私!!

依家管理處會搵師傅o黎修理返我地條渠,
一定要佢賠返呀!!

依家諗起都嬲呀! 哼~~