重陽假期, 又睇戲 -- About Time

上星期五放工又急急腳同朋友仔睇戲,
今次睇左blog友毛豆講o既 -- About Time,
中文名係《回到最愛的一天》。

就咁睇poster同個名我本來以為係講愛情,
本來唔打算睇, 又驚係d煽情戲, 要帶毛巾入去睇個d。

但睇完之後我同朋友都覺得非常好睇,
加上有有D地方自己有去過, 覺得特別親切。
當然有講愛情啦, 但都有講親情,
而且我今次竟然覺得個中文名都改得貼題。

電影poster實在影到兩人太醜啦, 我決定要放呢張劇照, hehe~


雖然都係講出人要活好當下o既老生常談,
但真係一套好風趣幽默, 但又笑中有淚, 好有意思o既電影!
值得一睇! (我仲會買碟 XD)

睇完仲有意外收獲 -- 喊到第二日個雙眼皮好現，yeah(!!)

女主角應該係人都認得佢係The time traveler's wife -- Rachel McAdams,
但男主角並不是太出名, 但我都認得佢係Harry Potter出現過 (原來真係Ron個大佬)。
哈哈哈~~~ 好眼呢! :P

一連三日o既重陽假今日係尾聲啦,
聽日我manager又返o黎lu! (傷心)

假期做左D乜?
同小友去左深水埗,
買左d DIY野準備整下無聊手作仔囉!
(成品未有)

係長沙灣一間Cafe食左個lunch,
都幾好坐同服務幾好, set lunch都係$50左右,
okay啦!

南瓜湯, 我唔喜歡食南瓜, 幾年無飲過南瓜湯

但呢間野餐湯無得揀, 當日只有南瓜湯唯有照飲.....
都唔錯, 我飲晒無浪費!

意大利飯, 一般! 個汁唔夠個太硬啦~~
勝在份量夠。

仲有上左小友兩公婆屋企痴餐做電燈膽,
玩下兔仔同一齊睇碟,
直至無啦啦有隻大蜜蜂飛左入o黎,
我就鬆人了(!!) 哈哈哈哈~~

星期日, 約左舊同學飲茶食叉燒包+生日蛋糕,
更有小朋友玩, wakakakakaka~~