阿姆斯特丹 -- Hash Marihuana & Hemp Museum

哈!

早幾日睇電視講荷蘭旅遊,我先醒起我自己未打完冬日遊荷蘭+比利時之旅,


又講返阿姆斯特丹,


一提起荷蘭, 應該都有唔少人係會諗起大麻,


因為個樹食大麻係合法既~~


連大麻都合法, 真係好開放o既地方,


難怪我以前有個荷蘭老闆,


佢成日因為係香港室內地方食煙被人罰款,


所以大鬧香港地係CRAZY!!!


(仲有就係佢成日超速駕駛惹官非)





通常係一D望入去好黑,


門口有COFFEE或一杯咖啡圖案霓虹燈牌的咖啡室就有,


一樓係俾你飲咖啡,


二樓就係俾你上食下野咁 (食咩自己諗),


係一樓自己同店主揀+買你要食o既野,


就可以拎上去慢慢品嚐。


講完, 唔好問我有冇試, 我唔會答你!





大麻係荷蘭咁出名,


緊係要去一去呢個Hash Marihuana & Hemp Museum啦,


但都唔平ga -- EUR 9.00 (大人),


小朋友免費 (竟然係連小朋友都可以去),


而且地方好細, 一陣就行完,


自己衡量下值唔值得去啦。



入到去, 佢會俾一本小冊子你,


有唔同語言的~~


一邊行一邊順住數字睇介紹,


由大麻歷史,


點樣種植,


點樣吸食,


有咩用,


仲有咩用具咁!!





地方雖然細細但都有幾多展品~~影左少少相~~





仲有種植室係入面~~



大麻以前係有藥用價值o既, 有展出唔同種類的大麻tim~


仲有唔同種類的用具等等~~


更有名人金句~~
行完呢個Museum,仲有Hemp Gallery可以行,
因為呢個museum係同佢一齊o既, 就係隔離,
佢仲會俾張飛你去到有折ga,
我唔記得幾錢~~

呢個gallery主要係講下大麻本身仲有咩作用,
可以做繩呀, 衫呀等等,地方一樣細細~~
不過個晚無咩做,
而且其他地方都已經閂門,
得呢個museum同gallery仲開緊....
所以就去下啦!!





以上呢d都係以前的織機, 如果佢整埋d人仔出o黎示範更好啦~