2014年第一篇

(遲來的) 新年快樂!!
祝大家新一年事事順利, 身體健康!!

估唔到又一個月無update過個blog,
因為12月實在無咩動力,
唔如意的事不停發生;
加上又病了兩個幾星期,
先係腸胃炎, 再來大感冒,
唔想為大家帶來負能量, 係到呻呻呻, 幫助唔到,
情緒低落時要一個人冷靜下。

仲有, 聖誕節至新年o既假期好多活動,
可以好好玩下, 亦無時間上網。

聖誕節我和我妹的收獲

呢個game好玩~~

聖誕節, 我買了禮物俾小B女~~
佢大個左好多啦, 無之前咁貪靚,
開始有自己性格, 知道鐘意d乜, 唔鐘意d乜,
例如: 鐘意麵包超人, 鐘意自己食野,唔鐘意戴髮夾, 唔鐘意著圍巾食飯~

新一年呢, 本來停滯o既事情好似有轉機,
例如, 同鬼仔的冷戰結束(!!)
工作上都變回正常順利。
又, 我manager個太太生左個女,
加上, 佢要陪老婆, 請了一個星期假,
亦等於放了大家一個星期假, 呵呵~~
又有朋友結婚,
見到人地開心就覺得有好多正能量啦!

一月一日都去左同姨媽姨丈食飯,
又有得見B女, 同佢玩吹泡泡,
係我吹俾佢捉, 又用手撥又用口吹,
吹到我氣咳又頭暈.......

新一年, 換了好多新野,
首先當然係我每年都買的手帳,
雖然有smartphone, 但我都鐘意用手帳作生活記錄。

仲有, 新魚缸,
缸魚本來係我細細妹養的,
低佢又去左澳洲, 要年尾先返,
我地想要個細d o既缸,
之前個缸22"吋, 太大, 又難打理,
剛好我表弟有多一個細o既 14"吋,
就拎左o黎養啦!!

由於未試過自己搬d魚過新缸,
之前只係換水呀咁,
d魚唔適應新缸o既水,
我唔知要落"除氯劑",
結果隔左一晚, 瓜晒(!!!) Sorry!! :'(
**等我搞掂晒會影俾大家睇下~~

迎新之前, 當然要送舊,
我就好厲害咁一口氣掉左好多舊野,
學下要「斷捨離」,
有用的銀行, 保險信等等, 分類入左box file,
將一d以前收到無用o既禮物同以前諗住留念-- 玩具, 公仔等捐左去,

舊雜誌又掉左去益下垃圾嬸嬸,
遲d要執埋d成日諗住第日會再著但根本無著幾季的舊衫去捐。

朋友及鬼仔寄的卡和信, 整理好

今日, 一早仲同朋友去飲早茶+行山,
再去買野佈置個魚缸,
d魚呢, 等個妹放假再去買啦!!

遲d可能要轉埋新電話,
大家係咪都用開smartphone??
唔知係咪d電話製造商想人成日換新機呢,
d電話好似用左一年左右就開始神神地,
開始好多問題, 就等人買佢新型號。
以上, 係我無聊o既想法!!

因為我部「三叔」S3, 只係用左一年半未都有,
就開始有問題, 之前保養期內去整過一次 (前喇叭有問題), 順便更新左,
但過多兩個幾月又開始有好野好慢, hang 機等問題,
可能我心急掛...但我部機真係裝左唔多野, 亦唔打機,
亦極少用來睇片, 因為我撘車係睇書(一本本喎, 唔係電子書),
只係用來聽歌, 影下相, whatsapp, 打出打入, 記錄洗費, 有時上下網or 間中睇youtube,
咁都虧虧地, 耳塞同喇叭都壞過兩次。

睇完佢網上流傳S5的介紹,
好似無乜突破,
我諗我唔會再買同一系列囉......
正在物色新機中~~