近日新玩意

唔知道大家學生時代有無玩過跳彈床？

當年仲後生，唔識個死字，

PE堂玩跳彈床，跳得起勁！

早前生日時老友俾左兩張VIP PASS我，

話呢個RYZE係近月香港新興玩意兒，

一定要去試試。

但我都聽話有人玩到骨折入院，

加上年紀大啦（！） 驚死，

膽粗粗跟友人去玩了一輪，

其實都幾好玩（如果我唔係咁驚同差啲整親手臂嘅話），

多啲朋友去會更好玩，因為可以玩閃避球，

我就玩了籃球同行鋼線等等。

個到多數係外國人同啲外國小朋友去玩，

家長可以入去睇住，

小朋友98/一個鐘，大人150/一個鐘。

聽落有啲貴但一個鐘已經係好夠皮，

跳到你腳仔軟架！

注意：應著運動服去跳比較好，始終係劇烈運動。我個日唔知頭唔知路放工去玩，只著了牛仔褲，失策。

----------------------------------------

早排個妹仲試整左貓腳印棉花糖，

幾好味但就軟左啲囉。