復活節歐遊 -- 巴塞隆拿 (上)

三月尾至四月頭請幾日假就可以有11日大假,

所以我上年已經買左機票去德國,

而男友又提議一齊去巴塞隆拿,

我未去過西班牙呀!! 好想去~~

唔講咁多, 睇下相啦!!

落機撘埋地鐵, CHECK IN埋之後的第一餐

我覺得巴塞地方細細, 如果唔係拉住行李其實去邊都可以行路

我地淨係來回同第二日去park guell至有撘地鐵,

所以買左個張20歐羅10程的飛有D浪費, 因為都用唔盡(!)

第二日既第一個行程就係去睇聖家大教堂 (Sagrada Família)

但又係同好多大教堂一樣, 係未起好既, 咁樣睇有D醜

入到去又勁多人, 都幾靚幾宏偉, 但我覺得科隆大教堂更靚,

係每次我行過都覺得好靚望多幾眼,

呢個聖家堂, 去過就算!

入內如果唔去JOIN TOUR唔洗俾錢。

反而我覺得呢個教堂仲靚!!!

復活節當日正好有活動同唱聖詩

仲有就係去左PARK GUELL, 一路行一路好多賣藝人

巴塞有好多玩音樂勁正的藝人,

上到頂一個自彈自唱好好聽, 

我諗佢一個鐘已經賺到100歐, 因為好多人俾錢佢,

包括我同男友, 我地睇左成20分鍾,

見到都幾多人俾錢同買佢隻碟!

公園的一角~~

由頂望落去可以睇到巴塞隆納的城市景

呢個公園好出名, 因為有隻Antoni Gaudí整既蜥蝪,

不過要俾錢, 仲要排晒長龍, 於是都係放棄

因為都係影極影唔晒條蜥蝪 (多人+影相技術差)。

巴塞的APPLE STORE

係咪好靚呢??

入面又係有個條玻璃樓梯!!