曼谷還神去 (上)

一月尾 即係香港最凍個幾日,

同個妹去左四日三夜曼谷避寒,

主要係去還神, 

話說上年去玩時學人去拜左四面佛,

雖然我地所求的都無實現(!) 仲衰多兩錢重。

但聽人講信唔信都要第二年去還返先得(!!),

所以就來個短遊+順便還神啦。

**無下次架啦!** Byebye~~

bangkok 8達通, 不過泰國撘地鐵都唔平呀,幾乎日日都要增值,

但打鬼呢, 依家d的士司機唔興跟咪標收費, 一開口就勁貴,

我唔鐘意咁樣! 寧願煩少少都係撘地鐵, 反正都平過被人劏! 

見上年又係同個妹去Bangkok時住個間酒店都方便又四正,

於是今次揀返同一間, 仲book左大過既豪華房(!) (上次係standard)

朝早11點幾落機, 

未有得check-in

個妹一放低行李就話要去chatuchak market,

因為佢同朋友搞緊ig shop, 佢出左幾個post,

今次去曼谷, 除還神, 仲係幫手入d貨, 

我就出錢又出力去做苦力!!

一行就係行到4-5點, 淨係食左個椰子雪糕咁大把T__T,

返到酒店, 點知, 去到間房好似仲細過上次,

我打落去問, 條友又話呢個已經係豪華啦喎,

我再上agoda睇返d 相, 都似似地既, 

可能多左個飯廳係角落望落去逼d啦, fine!

行到成身臭汗, 想話洗個白白,

個花灑, 開左成分幾兩分鐘,

都只係得熱水, 我已經扭左個"HOT"好多次, 

又試過熄左個"COLD"再扭, 

總之扭轉六壬都係無熱水,

於是我又打落去嘈, 話要換房啦,

但條友話今日好full, 無房換。

搵左一個唔識英文既人上黎整,

我見佢淨係搞個cold, 我就話我係 no hot water,

再指指個HOT制, 點知佢指住個COLD制話"HOT"(!!) 

WTF?? Play 9 me?? <--我心諗!

但佢最後都將兩個制扭來扭去, 連個轉頭都扭Q埋出黎,

過左幾分鐘, 終於有熱水, 而佢踩到成地黑色腳板印又濕晒就走了!!

之後幾日沖涼都係要狂擰個cold先有熱水, 

但一開返凍水(即係hot)就好快變返凍,

一邊沖就時凍時熱, 想死!!

本來想上agoda留返個超bad comments俾呢間野,

但係我朋友話「你小心d泰國人落你降頭呀!」(!!)

唯有, 以後唔再book呢間! 哼~~

沖完涼, 就同個妹去左醫肚, 

成7,8點先食第一餐~~

曼谷其實weekend去下, hea下, 行下街, 飲飲食食都幾好架,

今次仲好少左好多大陸人tim, 不過又可能因為我地無錢行名店啦。