西貢半日遊 + 又買野

雖然五月都仲係落雨,
不過個人開心過四月~~
至少上星期有一朝可以駁到個黑雨, 哈哈!!

月初四圍見朋友去玩,
買野同DIY!!

朋友因家事由英國回港,
故去一趟西貢探佢,
本來想食下粥同布拉腸粉,
可惜太晏已收擋, 唯有下次再去......
不過都食左串燒。
幾好味但有D貴囉......咁樣都三舊幾水(!!)

四圍行~~

呢間野係阿伯自己打鐵ga~~好厲害!!

呢間芝士店好似之前好幾位blog友介紹過~~
我有去, 但超多人, 我埋唔到身, 走左~~

我影俾鬼仔睇個樹d人咁樣賣海鮮~我最鐘意見到佢地咁樣俾野人~~

再o黎, 睇下人地d狗仔....

佢係咪好可愛呀?? 個樣好蠢咁...哈哈!!

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我上司終於放完產假返o黎啦,
工作有個人分擔下真好,
但係之前又習慣左一個人做野,
搞到唔知點咁, 我諗仲需要一d時間~~
二來, 我上司心靈同身體仲未復原,
我都唔敢打擾佢太多,
一d之前自己跟開o既野, 我都係盡量自己搞返。
最開心應該係我個印度經理,
因為有我上司頂一頂, 無我煩住佢~~哈哈!!
BTW上星期有個靚仔(白人)客o黎開會, 有靚仔"目及"返工都醒精d呀!!! yeah!!

由於換季, 所以都係時候換下d野,
買左好多野, 但有幾樣我覺得好正。
我一直都係用開Maybelline的mascara,
個妹就話MJ好用, 但個人覺得唔o岩自己~~

之前個枝係上年係美國時買的(綠色), 好好用,
但都成年啦用到依家都用得七七八八,
而且依家好似唔覺仲有得賣, 於是買左呢隻。
夏天易出汗出油, 呢個防水防油真係好得,
而且我鐘意佢搽完濃密同長得o黎係一條條, 唔會好似曱甴腳咁!

之後呢樣我知應該好多人都有講過,
我就最近先學人買o黎玩, 因為有coupon故順便買埋佢抵返。
個人比較鐘意柚子同洋甘菊味, 好清新,
o岩晒工作成日對電腦的人, 熱熱地閉目養神都幾舒服,
有時訓之前用一陣, 一戴上眼發熱後就會即刻訓著覺...(!!!)

打開之後係咁樣o既, 媽咪話成塊女性用品咁~~

仲有, 就係左上角個一枝洗掃液, $12蚊店有售,
其實唔係我買, 係個妹買, 但佢已出走去日本,
我就每星期用o黎清潔化妝用具, 好乾淨喎!!!
最重要係好平, 又耐用~~
原來真係有女仔唔洗d化妝用具ga,
但個人覺得用完又隊返上塊面., 污糟囉,
咁樣好易生粉刺同粒粒ga嘛,
所以我即使唔係化濃妝o既人,
平時都係朝早化一次出門口仆返公司o既,
極少補妝, 但我都會每星期洗一次。

咪以為我化個淡妝都用咁多掃, 呢張係之前影落o既, 幫個妹順手洗埋一份ga咋。

我返工個妝, 純粹係等樣睇落精神少少,
唔會搞咩假眼睫毛, 最主要畫返條眉同遮下d瑕疵咁,
但一定會用mascara, 5-8分鐘就化完ga啦!! 哈哈哈~~~

最後係呢隻糖, 我本身係成日會見暈o既人,
醫生話血糖偏低, 所以都鐘意放d糖係手袋,
有時撘下~~
除左勁薄荷個隻香口糖係必備外 (我勁鐘意超薄荷的, 人地話似食牙膏但我都好buy)。
有日行過7仔, 買左呢隻~~ 酸酸地唔太甜, 我唔係好甜的人, 所以覺得幾好,
佢個味幾搞野, 初初係甜甜地, 之後又好似食緊八仙果咁, 最後係酸酸地,
個盒仲幾靚tim, 不過開口好細, 食晒之後個盒都係無用。

另外, 仲買左對高踭鞋, 我極少著高踭鞋,
不過依家成日落雨仲未有機會著呀! 所以唔影啦~~