近日生活。。。

上一個星期行左今年夏天前最後一次山,
行左半元荃古道 (即由深井落),
由於之前成日落雨, 延完又延,
拖拖下已經天時熱,
當日最高氣溫28'C。

最辛苦係開始時要上一連串樓梯,
仲有好長好長的斜路, 都算!!
最O咀係, 上到去之後先至係路線起點(!!)
熱到中暑咁滯, 真係命都俾埋佢。

已經差不多到農莊落山

不知何時被偷影的神經四俠

好彩後面都係好易行,
但景色其實一般,
志在幾個朋友享受行山樂。

夏天應該會多d去游水同打羽毛波啦~~哈哈!!

上星期六, 係上次擺酒朋友搞的兄弟姊妹慰勞飯,
食放題......

有人好低B咁驚間餐廳上唔足,
手多多將魚生同蝦刺身的數量改多左一倍!!!
識食o既一定會點60份三文魚,
識食o既一定會點40份蝦。
我地未試過放題只點一round菜就飽到咁,
總之, 最後大家飽到傻,
其實放題仲有其他野食囉, 哈哈。

星期四, 放EASTER假前,
幫友人搞了生日飯局,
友人老公仲好細心買了靚靚蛋糕tim。

係呀, 又係日本野,
好彩今次無剌身。

兩隻衰野依家大個左小小,
Baileys仲肥左好多tim,
依家佢地只係我地放覺時先要返入籠「坐貓監」,
可以係廳同媽咪房走o黎走去,
大膽左好多, 又好奇, 咩都搞,
屋企要再執下d雜物了。

果然無改錯名....

魚缸都換了, 之前個濾水器漏水, 所以將個缸俾左人,
改買左呢款有蓋o既. 佢地唔可以伸水去捉魚

為食妹,  仲爬埋上我個身...

早兩個星期拜山,
又見到B女,
無見佢幾個月,
又醒左, 真好玩!