三月回顧

三月玩失蹤, 除左因為我加入貓奴行列之外,
仲因為我又掛住去玩,
早兩個星期, 我又同幾位朋友去行山,
原本只想行下大尾篤兩粒星難度, 三個鐘小時的路程,
但一開始就行錯左, 變左行八仙嶺+鶴藪(!!)
一共行左六個幾鐘, 難度約4粒星 (我會俾十粒)。

最恐怖係, 我地無預自己會行錯, 食物已經一早食晒。
景色都真係幾靚, 行過左八仙嶺後, 我地發現八仙嶺唔只八個嶺,
不停上上落落山十幾廿次, 都無心情再欣賞。
係山上, 問親路, d人都話第一次行, 唔多識路,
又大霧, 最後仲人影都無個,
兩邊d草又禿, 山又斜, 好恐怖, 又凍又餓, 好lost。
持續係山嶺行左幾個鐘都無人又無訊號,
個一刻, 我地真係好想打999(!!!)

好彩最後搵到條路落山, 仲撞到個阿伯話我地無行錯,
安全落山, 好野!! 我地幾個從來未覺得可樂係咁好飲。

回家我理應攰到喊, 訓到死,
但沖完涼, 朋友問去唔去佢屋企睇波, 曼聯vs利記。
最後仲嬴埋波tim~~ 呵呵呵!!

過兩日, 我腳都未痛完,
係攰到仆街o既情況下,
我5點幾起身,
著住一整日高踭鞋去做左一日姊妹,
係我中學同學+鄰居+好姊妹結婚,
睇住佢地兩個拍拖咁多年,
呢一日真係超開心超感動!!

上星期, 我急急腳飛左轉台北,
因為有個英國朋友仔去左台北學三個月國語同中文,
有地方俾我住又近, 當然去會一會佢。

此乃我的悠遊卡, hello kitty特別版, 超可愛

亦係我同友人繼07年英國之旅後再次遊台北,
本來朋友仔想帶我地參觀啤酒廠,
但計埋佢台北o既同學同朋友, 太多人,
所以參觀唔成, 去左一個叫"好酒不見"o既露天吧,
差唔多三十人, 聯合國咁玩到12點幾。

醉到不省人士咁o既我回家狂訓,
第二日再同幾位新朋友去宜蘭羅東,
去左一個公園, 唔錯,
仲去左夜市, 食野。

返到台北, 又去食串燒同飲野,
飲到凌晨三點去食點心(已食唔落),
5點先訓覺。

第二日就食埋早餐準備返香港啦~~

點知, 過幾日個英國朋友仔竟然o黎左香港,
所以又去食飯會一會佢啦!!

希望四月會更精彩, 哈哈!!