由曼谷去布吉

下晝就check out出發去機場,
我地班機係2點半,
差唔多1點到機場,
以為內陸機唔洗咁早到啦,
點知係錯o既!!!
因為佢地做野真係慢到呢....
等左成粒鐘都未check到in(!!)
最後check到啦,佢又delay~~
我真係命都俾埋佢…
好彩只係delay幾個字!

終於上到機, 我狂訓(又訓?)
鬼仔就睇書…早知我都帶書睇.
去到phuket機埸,
個機埸當然係好細啦,
而且仲好亂, d水牌指示得唔太好,
大家都好confused!

拎左行李出去後,
一出去就有好多工作人員幫你搵車同搵酒店,
由於我地已book了酒店, 就直接俾佢地睇個地址,
係pagton, 佢地話可以撘taxi or minibus,
minibus平好多, 當然撘minibus.
由機場去pagton都要一個幾鐘,
而且好多人逼係一架車,
仲要去到半路冇啦啦停車個司機走人,
又有一個女人叫我地落車,
d外國人即刻好鬼緊張地問: for what!?
仲死都唔肯落車....

我係全車唯一一個亞洲人,
我知道泰國人好緊張佢地o既旅遊業,
因為佢地國家經濟好依賴旅遊業,
所以我直覺佢地唔會係想打劫我地囉!
於是我係第一個跳落車o既人,
鬼仔跟住我入去, 佢地車上o既人先落車~

原來佢地只係想睇下我地住邊個酒店,
之後按地方排好個次序等司機逐個放我地落車,
司機就趁機休息~

係呢個小小的office,
個女人問我地仲會去邊可以安排包車,
我地話去phi phi啦,
跟住佢話可以安排聽日朝早有minibus來酒店接我地仲包埋船飛+回程的接送到機埸.
咁正???
兩個人都係2700咋~
我地竟然真係俾左錢!!
之後仲上返車…雖然好擔人被人呃!!!
但唔俾都俾左, 應該冇事o既, 泰國人好重視佢地o既旅遊業!
個女人有俾單據同船票仲有card仲有佢o既手提等等…

去到pagton之後我地個酒店幾乎係尾二落車,
落車時司機叫我俾聽日張飛佢睇,
佢睇下時間同我地酒店名, 應該又係佢來接我地掛…

酒店叫 Belle Resort,
細細間但都幾精緻~
但我唔明點解d洗手間都係透明玻璃?
最開心係呢到可以用free wifi! 正!! bangkok個間要俾錢ga!

由於到步已經黃昏,
於是先去食晚飯,
然後就去買圍行街,
鬼仔仲買左個新喼,
佢又用爛左個喼啦!~

原來鬼仔唔知冬陰公係咩來, 竟然連泰國最出名o既食物都唔知, 唉~

食飽飽行到攰,
仲去左做foot massage,
真係好平仲好舒服, 正到爆!!
我舒服到訓著左~
舒服完仲去左飲野…

飲飽食醉後勁滿足地返酒店訓覺.
因為聽日又要出發去phi phi!YO~~~

曼谷的一個早上

是日我地訓到10點先起身,
應該係我訓到10點, 因為鬼仔一早就醒左,
佢仍然有jetlag, 4點幾就起左身.
陰公!!!
一早係酒店食左個早餐,
食物唔係唔好食但凍o既,
冇晒胃口!!
其求食完後自己出去搵野食.
點知經過一間酒吧時,
見到勁多鬼佬係到,
原來今日有美國o既唔知咩鬼野美式足球比賽,
於是我地就係到睇啦,
鬼仔話想睇喎!!!
一邊飲啤酒一邊睇波,
好悶呀, 不停入入入波,
懶係緊張咁. 超~
我覺得足球好睇d囉!
(但鬼仔成日話足球90分鐘先入得一兩粒悶到嘔)

悶悶地, 唯有飲住啤酒等埸球賽完啦

四圍行行行,
去左個大公園, 太熱啦, 我要食雪糕!
仲有點解四周圍都冇椰子ga?
我仲以為泰國一定到到都有…哼~

泰國煮食去

等了7個多月, 今年的農曆新年終於又見到鬼鬼了,
我有朋友把我們的見面方式形容為 -- 七夕!! (好誇張)
我雖然有到過歐洲, 美洲旅行, 也到過港人常到的日本, 台灣, 韓國等地,
但很"樣衰地"......我從未去過港人最愛的泰國(!)
因為連續兩次我打算到泰國去, 都有紅衫軍的問題,
等到今年, 我跟鬼鬼終於一嘗心願到泰國去玩了8天!!! 呵呵~

基本上這次旅行, 我倆都是一貫毫無準備的情況下去旅行,
本人很懶, 但我是自己買機票和有份book酒店的,
BTW, 有人竟然以為我跟男友去旅行, 男友會付所有酒店/機票費用,
嘩!! 哪有這樣好命???
本小姐由出生到現在除了我爸之外從來沒有洗過任何男人錢呢!
(okay, 為何突然說這個話題? 可能因為電視正在說起$6000如何洗, 哈!)
總之, 這次旅行, 我和鬼鬼除了book機票, 酒店, 找鐵路圖(要知道怎樣由機場去酒店嘛)等,
呀, 還有在鬼鬼的美國友人大力建議一定要去phi phi島下,
我們有上網找過船期表!
基本上是沒有計劃過行程.......

又, 由於沒有找過資料, 反正又只待在bangkok一天而已,
加上對於廟宇, 四面佛及shopping等沒有什麼興趣,
做spa嗎?? 也不能玩半天...
只有一天時間, 究竟做什麼好呢???
於是出發前我們就上網報名, 決定要到Blue elephant cook school去,
參加了半天的烹飪課!!! 這樣的行程相信很有趣而且比較特別吧??

前一晚11點才下機,
這一天倒屎一樣的早起,
我們7點半就要乘的士(因為沒有時間找路去)出發去學校啦!
剛好8點正到了煮食學校, 這裡同樣也是餐廳來的.
先等了一會, 有另外幾個同學一起等著,
有個中年白人大叔問我們到了這裡多久,
鬼鬼答:才9個小時! 嚇了他一跳.....
這個男人本來是要跟老婆一起來的,
但來到了4天, 他的老婆有3天都因腸胃不適在酒店休息,
所以這天只有他一個來....

老師來到了, 先要我們填表,
之後就每人發一張地鐵票,
我們就坐了一個站的地鐵去街市.
well, 泰國的街市基本上與香港的無異,
只不過換上了泰國版的豬肉榮, 賣魚勝, 雞仔強及賣菜蘭~
同行的同學有--白人大叔, 一對外國回流的香港情侶, 一對泰國夫婦及一合來自印尼的女士.
老師先帶我們到生果檔, 介紹一下不同的生果,
原來鬼鬼未見過天桃和龍眼, 噢!

之後到了肉類檔, 賣菜及魚的介紹一下,
但花最長時間的, 就是這個小小的雜貨店,
因為泰國的煮食香料佔很重要的地位嘛,
老師一邊介紹不同的辣椒做出不同的咖哩,
還有各種調味品等等, 
泰國夫婦則不停的買買買買了大包小包的,
而白人大叔則是不停拍照, 讓靜休的老婆都可以感受一下啊~真貼心!!!
期間鬼鬼問我會否買些魚露和辣椒回家,
我就說: 不會啦, 香港都可以買到.
白人大叔突然轉頭告訴我在灣仔街市後面有間泰國人開的店舖可以買到!
細問之下原來他住了在香港有40多年啦! 
香港情侶及我都異口同聲說:比我還要長呢!!

(這個辣椒~那對泰國夫婦買了好大好大的一包, 才30THB)

好, 參觀完街市, 老師問要不要喝咖啡,
不過大家都沒有買, 哈哈!! 因為是膠袋放著的飲料, 拿著很麻煩的.
鬼鬼沒有見過有人用膠袋喝飲料(!) 這方面, 亞洲人真的是見慣世面...
之後又是一起回學校去...
就開始上課啦!

這個時老師做的~

煮食課是的老師是另外一位泰國版葛民輝而又很溫柔的男士,
他總是很細心又溫柔地介紹不同的食材,
放心, 老師的英語很好! 不會聽不明白的, 就算聽不清楚都可以看筆記~
除了那對泰國夫婦用泰文跟老師有講有笑外,
大家都很留心地看著他做香料和煮菜,還有在食譜上做筆記,
每次老師師範完一道菜後大家就會走去另一個更大的廚房課室,
開始自己做菜啦....

正在大家都重溫筆記時,
泰國夫婦在我旁邊手起刀落地切切切切切!!!
又, 在大家開始切切切切切時, 這對夫婦已落鑊炒菜(!)
我在想, 他們對煮泰國菜很拿手呀, 為什麼還要來屈機呢????

一邊煮食, 一邊是有輔助的老師看著大家,
如果有什麼不明白或忘記, 都可以請教,
這些老師總是催我一定要把全部! 是全部! 的配料都落齊.......
食物煮出來後是極為之辣的!!!!!!

下課已是1點啦,
大學會把所有的食譜, 圍裙和一份小禮物送你,
還有一張極之漂亮的證書, 嘩~~
(收你3000幾THB果然交足功課)
大家亦可於餐廳樓層享用自己剛才的作品.
印尼女人和泰國夫婦急急地先走人,
是故帶走食物先行離開~
我, 鬼鬼, 香港情侶和白人大叔一起吃午餐~~

一邊閒話家常...原來, 大家都有留意到剛才的夫婦是如此厲害.
又, 白人大叔透露那個印尼女人原來是她的老闆付錢給她來學烹飪的,
但出發前幾天卻把她解聘, 那時她已收了錢, 故照來泰國+旅行!
大家一邊吃著自己的作品,
一邊不停流鼻水, 流汗和不停要加冰水.....
真的是超級辣呀媽咪!!!!
(只有鬼鬼一個吃得津津有味, 因為他很好辣的)
學校更送上甜品,
白人大叔搞笑地說: hope is not something hot and spicy!
還好, 只不過是荔枝和芝麻味雪糕, 呵呵呵~~
但白人大叔仍抵死地說: Chili ice-cream?
愉快又辛辣的午餐過後, 大家都分道揚鑣,
白人大叔立即趕回去看老婆病情.....

而我和鬼鬼即是回酒店去睡個回籠覺,
可憐的鬼鬼, 有嚴重的JETLAG,poor baby!