衛生意識很重要

最近幾日新聞都成日講中東o既新病毒,
大家都煞有介事咁,
屋企大廈同公司大廈個每幾小時消毒電梯制一次又加密左,
警覺性又提高返。

個人覺得其實沙士之後香港地大家o既衛生意識係高左,
雖然沙士時仲係學生妹, 但個一年真係好難忘.
每日返到屋企睇新聞都講邊到有人感染, 幾多人死左, 邊到要隔離。
仲有好多畫面依家諗起都覺得心酸~~~

相信有唔少人依家都會返到屋企即刻洗手,
生病時好多人都會習慣戴返個口罩, 以免傳俾人地。
(當然亦都係OFFICE入面提醒人佢病左, 第二日唔返唔好話我扮野啦)

(我妹的手~~)

出完街一定第一時間洗手,
食野之前又會洗手,
摸完錢或者D污糟野緊係都要洗手啦。

(see??? 好污糟ga)
就連係圖書館借書, 我都會返屋企用消毒藥水抺完先肯睇~~
鬼仔成日都笑我有潔癖!!!

大佬出左街成日, 摸左咁多野,
返到屋企第一時間緊係洗手啦,
d銀紙同書又唔知幾多個人摸過, 緊係又要洗手同清潔啦!
係咪先???

對於我地o黎講, 病左去睇醫生, 係好正常,
但老外們又是驚訝, 因為呢D小病佢地都認為會自動痊癒,
唔得?? 飲一杯威士忌再沖個熱水涼就搞掂ga啦!!

其實除左鬼仔, 係不少老外眼中呢d行為係非常白痴兼大驚小怪o既,
就好似前兩年豬流感, 係歐洲肆虐,
我最記得當時返AF學法文, 佢地樓下有個電視,
都有播返法國雹視台, 有晚經過,
個廣告叫人係公眾地方要注意乜乜物物,
要同人握手後都要記得洗手,
但係冇提人見面時唔好錫錫ga wor!!

我明白, 因為我地香港地地少人多,
而佢地外國地多人少, 人口密度相對我地香港低好多,
加上我地係人煙稠密o既城市,
係不少公共埸所, 交通工具等等都係一大堆人,
亙相傳染o既機會更大。

好似係公司, 流感高風期,
有一個同事病左就會大家輪住病ga。

所以大家記得要學董太 -- 洗手洗手洗手!!
***********************************************************************************
講單鬼仔私事件俾大家知:

仲係芝加哥時, 有日一齊去左公園散步,
鬼仔無啦啦都會搞到跌隱形眼鏡,
幾經辛苦搵返, 但冇眼藥水洗洗喎,
點知條友二話不說,
竟然斯斯然用條脷lum 一lum個隱形眼鏡,
之後就放返上眼(!!)
我真係睇到眼都凸埋丫!!!

佢o既理論係, 眼睛同脷分泌出o黎o既液體係一樣ga。大佬, 眼睛同口水o既細菌唔一樣囉!!!


成日笑我地怕死,
但你有你話, 我就覺得佢地危機/ 衛生意識冇我地咁高。
如果唔係之前點會係槍擊案,
個犯拋左煙霧彈入去同開槍,
竟然都有人以為係首映特別效果丫???
我咁怕死, 緊係第一時間會趴底走人啦/扮死啦~~

適應 + 傻傻鬼仔分不清

返o黎兩日已克服時差,
仲回復返以前朝朝跳繩o既習慣;
個人懶勁地認為自己適應力都幾強,
次次去到陌生地方都好快適應。

但屋企個浴缸變左企缸, 個水龍頭又換埋,
仲連我個枕頭都換左tim。
又由於平時係屋企好少睇電視,
但依家想睇奧運, 一拎個搖控上手, 發現唔記得點用~~~

而且香港夏天又濕又熱,
我又因為時差唔夠訓,
爆左幾粒暗瘡出o黎!!
**陣間仲要出去飲(!!)**

最唔慣係, 我個手提唔見左之後,
係買新電話前要用返舊電話,
我先醒起當初做乜要換鬼左佢!
好廢呀真係, 個mon又細。

但有樣野幾時都咁開心係,
香港做野效率真係好快,
係我返o黎之前係香港郵政個網訂o既奧運紀念郵票,
話咁快就於琴日朝早到左~~

香港人做野真係特別快!!

-----------------------------------------------------------------------------
前日, 同鬼仔玩SKYPE,
佢同我媽咪用廣東話傾左幾句,

另外, 佢仲即埸show左佢所識o既幾句廣東話俾我媽咪聽,
就係「唔洗客氣」「雪櫃」「圍裙」「檸檬」同「呢個係乜野」!!
我媽咪竟然讚佢講得好喎, 開心死佢!!

同佢之前上網學o既國語一樣,
佢o既問候對話肯定係咁:
你好嗎?
我好好, 你呢?
我都好好, 多謝!!

記得上年去phi phi島時, 一齊出海玩,
佢都係咁, 話說船上有一家來自北京o既家庭,
佢用國語問個4歲小妹妹「你好嗎?」
個妹妹, 剛落左水, d水有點凍,於是佢話「我不好, 我很冰。」
鬼仔竟然都係答佢「我也很好, 謝謝」
個小妹妹完全唔知點回應佢,
而我係隔離聽住, 好想狂笑!!!
----------------------------------------------------------------------------
準備好人情~~好開心丫!!

探訪兔寶寶

星期六下午到圖書館還書去,
頂丫, 原來全部書都於前一天過期了,
罰左我幾蚊雞。
**我妹之前幫我網上續借,
我一廂情願以為星期六才夠期**

又再借了兩本書,
再與朋友相約買六合彩去(!!)
我家人把手寫的彩票都交給我去買,
排隊排了很久, 很久~~~ 一億呀大佬!!!!
(還一直在聽著後面一對像樹熊扭得一樣痴纏的年輕夫婦嘔心對話)

之後, 與友人兩夫婦一起去接兔BABY回家,
因為之前一隻小白BABY,
於我探方牠的一星期後,
突然有一天不吃不喝也不拉, (我發誓不是我把牠嚇死)
半夜入了寵物醫院後就過世了!

傷心了一個月, 友人決定再養另一隻兔寶寶,
今次的跟小白完全相反, 是一隻全黑的兔。
(頸的是灰毛, 像戴了頸巾)

她說在見牠待了在寵物店一個月都沒有人買,
而且可能因為顏色跟其他的兔寶寶不同,
經常被同伴欺負, 所以她決定要了這一隻。

叫Chanel!!!

這隻Chanel 很乖, 也很會親人, 超可愛。

晚上, 我這個無賴人當了整天電燈膽,
還跟友人一起去買菜燒飯,
我煮了京蔥爆羊肉片和燒茄子, yeah~~~

最後活動 -- 一起對六合彩!!!

三人都極度失望, 唉~~~
妖~~~星期一都要努力上班啦!!!

還好, 我沒有中獎才可平安回家,
因為這對夫婦一直說如果我中獎了他們會把我的彩票搶走......  

回家後我妹逼我吃她的成品 -- MACARON,
嘩~~~其實我真的不喜歡吃macaron,
不管是在日本, 香港或巴黎吃的我都覺得一樣是甜。到。發。癲。
吃完我妹的之後我也開始擔心自己得了糖尿病, 阿門。

Jazz Festival in Montreal

其實未去到Montreal之前已經知道我地去個幾日剛好撞正Jazz Festival,
以前聽就聽得多, 所以都想親身去感受一下~~

我地下榻o既酒店附近幾條街都係咁樣,
個到一帶幾條街都有宣傳/廣告,
好大陣仗ga!!

呢本野係酒店拎o既,
我地睇個晚就有幸睇到佢o既表演, 超開心呀~~~
由於唔係每一個活動都要科水,
所以我地係Montreal hea 遊的最後一晚都有去!

日頭一轉,氣氛好好!!! 

老外o既大型活動緊係有啤酒啦~~仲有CD shop俾你買碟ga!!

夜晚又再去!!

雖然我係聽開Rock Music,
Jazz唔係我杯茶, 但都知道Dawn Tyler Watson係邊個o既,
其實個晚唔只佢ga, 仲有好隊band同歌手玩ga,
我都聽得好開心, 好投入!!

如果俾我睇到埋 David Gogo 就更開心~~佢手結他超正!

行左成朝仲企+跳左成晚,
對腳真係好攰呀!!!

夜晚個埸就企得遠d啦~~冇日頭咁好彩!

睇後感 -- 有機會真係要去睇下, 感受一下, 好正!!
****************************************************************************************************
同埸加映, 有街頭表演睇ga, 呢個靚女好好身手!!

傻傻鬼仔眼中的燈籠

就快又到中秋節啦,
當然又係大家在食月餅o既日子啦~~

對於我呢極愛老土野o既人,
我就唔鐘意食冰皮月餅,
乜蓉物蓉都唔太喜歡,
總之就唔多鐘意食月餅。

唯獨係一種月餅我就覺得幾好食啦,
就係好多大叔一樣 (包括我爸爸)都鐘意o既 -- 五仁月餅(!!)

到目前為止, 我今年仲未吃月餅,
但已經買定左燈籠啦!!!

之前已經好想買楊桃,
但上年去搵時已太遲, 冇晒,
於是我妹改買左兔仔~~

為左唔可以再冇得買楊桃燈籠..............

今日一放工就仆左去買~~~
登登登登~~~

仲懶懷舊, 用了懷舊Mode影......)

(開左燈)

我細個時冇玩過呢d老土燈籠,
所以依家見到咪想要囉, 哈哈!!!

買左燈籠之後我就sent左張相俾鬼仔睇,
叫佢估下係乜東東。

點知佢竟然答: Is a plant that eats flys!


咁Creative o既答案都俾佢諗到,
你話係咪俾佢笑死丫???

於是我又再解釋咩係燈籠~~

好耐之前我已經寄過一次紙燈籠俾佢,
但佢根本唔知點用, 仲以為係杯墊之類o既野(!!)
都唔打開o黎睇下...... 俾佢激死。

其實我幾年間已經同佢講過好多次咩係中秋節同我地個日會做d乜,
所以佢知道個日我地會食月餅同賞月。

講起月餅, 另一單搞笑事係,
有年我地去日本旅行時正好係中秋,
於是我帶左一個雙黃白蓮蓉月餅去,
點知條友都唔等我拎刀o黎切,
一手拎住當包咁食!!!!!

原來佢都食得幾滋味,
因為甜甜地嘛,
點知佢食到入面見到有蛋黃,
佢話咁樣好唔健康又唔食啦!

破壞晒中秋氣氛。


But he is so cute! 

看牙醫, 吃海鮮

昨天去了看牙醫,
是我定期的牙齒驗查,
但老醫生竟然發現了我有兩隻大牙有點開始蛀了(!!)
這是我人生第一次蛀牙,
害我又破財咧~~

我跟我媽都摸不著頭腦,
因為我是一個不太吃甜的人,
而且極度關注牙齒健康,
亦很常刷牙~~
唉~~反正現在補了就算。

這個牙醫很好, 而且也很老,
我家從小到大的都光顧他,
因為老人家耐性很好,
一點都不性急,
故我每次看牙齒都要有等很長時間的心理準備。

而且他很有醫德,
不會因為想多賺一點而亂替人拔牙。
「牙齒不能亂拔, 老來你想要牙齒時就會後悔了」
這是當年我表哥(還是表姐?)想去脫智慧齒老牙醫對他說的。
還悉心地跟他們解釋牙齒的結構和教他們正確刷牙方法,
避免智慧齒長得太入而刷不到會蛙牙~~
所以, 我們一家都很信任及敬重這個老牙醫。




啦啦啦啦啦~~~

我妹訂了超大粒的帶子及超大的蝦回家,
再加上之前買的青口, 一直吃吃吃吃海鮮,
呵呵~~