有客到~~~有貨到~~~

又到星期六啦, 真係開心,
呢個星期一至四我都唔忙,
但就係咁星期五要一次過還返晒,
因為有個客o黎左公司,
開完會已8點幾, 做到差唔多九點先走。

人地琴日本來想放工去睇下衫ga嘛~哼!!

返到屋企好開心呀,
我之前係網上訂的手袋到左, woohoo~~~
個皮d質感好好, 好軟。

用左多個月牛津袋 (前後係ASOS買左幾個),
靚就靚, 仲幾襯我D衫,
但有一個唔好處係 -- d袋大極有限。
所以今次買左呢個可以放到A4 size書的袋,
我平時出街就可以帶埋本書係車到睇啦,
唔洗再因為一本書放棄帶其他野出街,
而且遲d返學都仲可以用佢tim。

呢個購物網我已上成差唔多兩年,
佢d野有時都幾平, 平得o黎我暫時冇買到d劣質野,
都係外國品牌, 而且有d款仲唔會係香港同人撞,
有次係地鐵都有個陌生女仔問我個袋係邊到買, 話好靚喎!
最重要的係, 呢個網如果你唔介意10個工作天後先收到,
係free shipping ga!!!!
我依家已經慣左係呢到買野 (但仲未買過鞋同衫),
有時一做discount, 我仲會買定d野留o黎做朋友生日禮物tim!!

仲有一樣開心野係 -- 又有POSTCARD收,
係我好友剛於希臘寄o黎的, 好鬼死靚呀~~
望見都好想去丫~

再來, 阿妹整o既香蕉船~~哈哈!