首先, 我兩個妹出發去左澳洲嬉戲人生,
我, 一個係屋企獨攬大屋之餘,
更可以食晒佢地的零食。
而我爸媽, 就最開心依家只需要服侍我一個。
當然佢地又不時叫我上面書開佢地Upload的相俾佢地睇,
但佢地一邊睇又要一邊話:「下? 搞錯呀？ 張張都見唔到個樣，點睇我啲女呀？」
我:「 乜你唔知依家啲人去旅行唔興自己上鏡㗎咩？」
然後呢, 十月起每星期都去醫院探病,
最後十一月中, 我舅父都過身了,
傷心了好一陣子, (依家冇事, 上星期出殯了~~)
後來又到我姨媽做手術.....
好彩, 冇事。
今年好多人入醫院。
工作, 忙碌,
連上法文班都無晒動力。
好彩, 上天送我最好的生日禮物 -- 我manager出trip三星期,哈哈!
朋友又係北京返o黎,
聚會多, 久違了的老蘭。
再後來, 是我的生日,
生日飯都食左好幾餐。
以上, 除左忙之外,
我打唔到blog,
因為, 我兩個妹去征用左我的netbook去澳洲,
而屋企個電腦又神神地, 開機下下都要成半個鐘,
之後想做咩又要load好耐~~
用電話上網只有遊BLOG,
用來打blog同留言好麻煩,
所以, 潛左水囉。
今日我都用左好耐先upload完相,
睇怕真係要買陪新laptop用..... >.<
最神奇係, 每次一搵朋友來整電腦,
個死人電腦就出奇地正常(!!!)
玩乜鬼???
今日我又再嘗試開機, 佢竟然冇啦啦同我倒數十秒,
之後又LOAD左幾千個FILES,
然後洗完面, 我見到久違了的wallpaper。
即刻下返呢篇野, 仲有逛下blog啦~~
No comments:
Post a Comment