Sunday 29 September 2013

過左去的中秋





(肉兔與玉兔)
本人又慢半拍咁過左一星期先回顧我剛剛過去的中秋節。



中秋做左d乜? 緊係BBQ啦!! 唔知幾時開始中秋總係離不開BB蕉!!正日係同屋企人食飯食月餅。




翌日就一早去同友人買食物,因為係友人屋企搞嘛~做下妹仔就有得玩有得食!! 呵呵~~








同場有法國朋友, 係我好友的男友,難得有個法國人俾我問, 我緊係要問下搞唔清的法文啦!是咁的, 有個plus-que-parfait tense.......學完之後我一直唔知咩情況下先用。於是就問下佢啦, 佢想了良久之後話： 其實我地唔會點用(!!) 法蘭西人，你好野。。。。。。其實有好多法文有好多tense佢地都係唔會點用, 我諗係因為法律文件的問題, 所以法文先咁嚴緊。只不過我唔明點解學校會教咁難o既野囉, 仲要個老師都解釋唔到~~當晚有一共18位朋友, 真係好開心見到咁多人,有d平時好少見ga, 難得聚埋一齊真係好開心呀!!!'更一齊睇到月出tim!!! 追月個日個月光都好圓好大丫~

相信大家都知道外國人BBQ唔似我地,佢地鐘意搵一大台爐出o黎一次過燒熟晒d野食,而我地就鐘意用叉燒, 一邊燒一邊傾計,所以個外國人都幾好奇, 而且個日好熱, 佢真係燒到流晒汗, 好慘!









再另一日, 我就同左幾個小學同學食飯,係相認後第三次gathering, 去黃金海岸食左泰國野!中秋過左, 開始涼啦,仲打左次風, 個日可以訓遲少少!但就唔知做咩開始病左,個人祚日都好暈,又好多鼻水但流唔到出o黎, 又狂咳......個鼻又塞晒, 要用口抖氣咁滯,更搞到把聲都文晒~~睇完一次醫生, 食晒d藥, 依家都係仲咳, 而且仍有鼻水囉...... 係咪要再睇多次醫生?值得一提係, 我終於捨得搬blog, 一口氣搬晒我200幾篇post, 好野!!

張貼者： 於
標籤：

27 comments:

  1. 毛豆29 September 2013 at 18:09

    我覺得語言只係個工具, 學左係為方便溝通 , 尤其唔係徙事好專業, 如律師 ,法官又或正式文件既, 唔需要學太深澳既詞句, 只要可以日常溝通足夠..你果老師連自己都解釋唔到既野都夠膽拎出黎教人,佢想點先..拋書包定誤人子弟.
    我仲係靠手搬咋....因備份左既好多都冇哂相或留言..都係要靠手呀..佢老闆個C 虎.

    ReplyDelete
    Replies
    1. Little Sweet Pie29 September 2013 at 18:31

      我本來都靠手呀, 但又驚d相無晒! 於是就將佢打包, 再upload上google drive次後變成做html格式再逐篇copy囉~~都搞左幾個鐘! 好彩我唔多篇咋!! d留言就由佢啦....要學識放下, 施主!

      Delete
    2. Little Sweet Pie29 September 2013 at 18:32

      我都係咁諗, 而且呢個法文班愈讀愈大壓力, 有違我學法文o既原意...... 加上一連幾個好差o既老師, 我決定上網keep住自學算啦!
      其實個老師都係跟課程教, 但佢成日無解釋, 問又好煩厭咁我覺得好差囉!

      Delete
    3. 毛豆29 September 2013 at 18:47

      身為老師解釋學生問題，呢係佢職責，個個都明既使鬼跟佢學呀！回水！
      highlight再save相再upload上blog就唔會唔見啦 ，我唔手搬都唔得，打包好多冇咗相.

      Delete
    4. Little Sweet Pie29 September 2013 at 18:52

      弊在法文有好多野都話要靠死記同埋佢地自己都解釋唔到, 聽聞呢個阿sir有情緒病, 我都唔敢再煩佢.
      回水??? AF唔會ga, 法國人做野真係好無解ga!

      我本來都係咁做, 搬左一陣覺得好煩, 於是打包, 好彩唔多相同文, 所以就好快搞掂。 你咁做搞左幾耐? 係咪成功搬完啦!?

      Delete
  2. 毛豆29 September 2013 at 19:14

    好多語言都要死記同活用，仲撞正個情緒病，六合彩唔見你中XDD
    都7788架啦，好多冇相既我都唔打算要，依家得閒執下排版咁

    ReplyDelete
    Replies
    1. Little Sweet Pie29 September 2013 at 20:47

      係呀, 因為真係唔可以將一種語言拉埋同另一種比...佢有情緒病係後來先知, 聽聞佢肥左好幾個同學(我都係其中一個), 搞到下一期可能開唔成班, 因為愈高level就會愈少人~~ 當然我之前停得耐跟唔切都係自己有問題啦~~我依家都係自己上網同睇書學算!
      加油呀~~手搬就一定唔會唔見相啦!

      Delete
  3. 水太太29 September 2013 at 20:09

    恭喜你成功搬blog呢~~ 你係咪用blogtrans?

    ReplyDelete
    Replies
    1. Little Sweet Pie29 September 2013 at 20:44

      多謝!! 我用YAHOO提供個輕鬆搬家將D 舊POST打包晒次後UPLOAD左上GOOGLE DRIVE變晒做HTML格式再擺返上o黎呀, 我諗呢個方法適合我本身唔多post o既人~~

      Delete
  4. samwei 英國的生活都可以好港式29 September 2013 at 21:51

    英國人自己都攪唔清楚D tense啦

    ReplyDelete
  5. Unknown30 September 2013 at 05:36

    遇唔遇到好既老師, 真係好講彩數......我地0係外國人眼中, 我地外國人, 佢地唔係太明, 可以用一個好方法去教LOR.....因為我地始終0係現實中唔係有太多可以成日講既機會~~~~
    係呀, 學外語如果學得辛苦, 真係有違原意.......輕鬆學先開心嘛~~~

    ReplyDelete
    Replies
    1. Little Sweet Pie1 October 2013 at 10:33

      唯有怪自己唔好彩同唔夠醒啦~~哈哈! 但本身已經唔多明O既野點教到人地都明呢? 多講真係一個好重要O既一環~
      我依家都係好似細個學英文咁, 搵D自己鐘意O既方法去學法文咋!

      Delete
    2. Unknown2 October 2013 at 05:05

      BBC個網都好似有得學外語, 我都曾經輕輕地學過下italian....當然而家就...
      你可以參詳下~

      Delete
  6. Unknown30 September 2013 at 05:39

    我初初搞左3-4日,,,,,,每日搬幾個鐘...日日copy and paste.....真係人都癲...不過後來有網友話, 如果只係copy and paste d相, 阿虎BLOG摺左之後就冇哂....於是又人手SAVE番去PC, 再upload去blogspot.......
    我都放棄左好多篇.......

    ReplyDelete
    Replies
    1. Little Sweet Pie1 October 2013 at 10:35

      係呀, 如果就咁COPY & PASTE會無晒D相, 所以就用佢個咩輕鬆打包DOWNLOAD晒再變返HTML格式先UPLOAD上O黎囉... 依家係咪搬晒啦你??

      Delete
    2. Unknown2 October 2013 at 05:07

      搬哂架啦....因為我唔係好多篇...有D過哂期 (零食)我唔搬啦....太無聊既都唔搬, cut cut下只係搬左2/3~~~隻手不停做"禁"果幾個掣....果幾日簡直係黑暗.......

      Delete
  7. charmaine30 September 2013 at 21:24

    聽聞AF已經係教得最好，不過AF 無得揀老師，要睇妳彩數... 學法文之路係漫漫長路，加油 *\(^_^)/*

    ReplyDelete
    Replies
    1. Little Sweet Pie1 October 2013 at 10:40

      我都聽講過AF已經係教得好, 老實講我亦唔知仲有邊到可以學法文. 但佢已經改左兩次個學制, 拖到好長仲愈來愈貴. 加上D老師真係好參差。 我初頭兩年個D老師都幾好, 令到我地都好有動力去學.... 但連續遇到兩個差老師真係令到人無晒興趣ga! 我依家只係搵一個令自己讀得開心o既方法去學法文咋!

      Delete
  8. 88830 September 2013 at 22:53

    仔細時問我語文野,我都唔識答呀. :P
    有燒菠蘿同帶子喎, 好豐富呀.

    ReplyDelete
    Replies
    1. Little Sweet Pie1 October 2013 at 10:42

      咁你唔係佢老師嘛~~
      係呀, 仲有蜆同魚~~好正!!

      Delete
    2. 8881 October 2013 at 21:06

      你咁好搬曬。我兩頭唔到岸，壓縮file同輕鬆搬家都一樣少左一大半，有d相自己都唔知係邊

      Delete
  9. 狂小子 Time Is Changing1 October 2013 at 15:50

    我仲有排搬……=="

    ReplyDelete
  10. 艾華斯1 October 2013 at 17:57

    我以前都學過法文，好難呀........
    我搬80篇都頭暈，你二百幾篇都搞掂，叻！BTW, Take care ar~~

    ReplyDelete
    Replies
    1. Little Sweet Pie1 October 2013 at 19:54

      真係, 如果唔係成日用好難學得好。 早幾日同以前班o既法文同學傾開, 好震驚地發明再之前班上法文好好o既同學老公係法國人, 而另一個o既男友都係法國人! 我地終於為自己法文點解咁水皮而找到一個答案, 哈哈!

      係呀, 二百幾篇都幾攰ga搬得! 但我係如果專心做一樣野就會做得好快o既人....

      Delete
    2. Little Sweet Pie1 October 2013 at 19:54

      答漏左!有心有心, 我好返好多啦, 仲有少少咳咋! Thanks!!

      Delete

Subscribe to: Post Comments (Atom)