九月狂"相"POST

又久違了的BLOG,
唉, 離開上一間PK公司之後已經好耐無試過咁忙。

雖然法國人公司唔興OT,
但就唔知點解, 由朝NON-STOP咁做野到晚,
(註: 好專心, 無上網無搞無聊野無篤電話個隻)
每日放工就心力交瘁連機都唔想開。

呢一個星期好少少, 因為上司回來了 (之前佢身體有事, 請假了兩星期, 我孤軍作戰),
其實好彩之前仲有Manager係到睇住,
唔係我真係一舊雞咁啦。
要刷餐勁的慰勞自己~~

媽咪整的雞煲, 正!

家事呢, 早前兩隻貓輪住做絕育,
亦係令我同媽咪周身唔得閒的原因。
先來Baileys姐做手術,
手術前一晚要空肚,
勞師動眾要我妹同佢男友帶佢去佢男友家過一晚夜。
點解? 因為我個妹知道我同媽咪都偏心,
佢一慘叫我乎就會忍唔住俾野佢食 (佢依家好肥)。
又唔知係咪我成日同佢講: 你就快俾人閹啦!
佢好似知自己會有危險咁,
個日一開親門就飛奔入房躲埋一忽,
平日係兩隻一齊企係到歡迎人ga。
臨走前佢好驚青咁, 我仲有D想喊,
話: 佢咁大個女未試過捱餓。

帶住憂鬱的眼神望我

第二日, 閹完回家, 當然係瘟瘟鄧鄧咁啦,
又無胃口食野, 又無力,
我真係養佢咁耐未見過佢食剩野。
而佢個姐妹唔知係咪因為佢戴住個喇叭,
定係去會手術無晒自己陣味,唔認得佢。
次次Baileys行埋去就俾Vodka 好惡咁FEE 佢 (好似吠咁),
Baileys就好似食左「我愛一碌葛」咁不斷勇往直前同唔會退回,
就係咁Vodka頂唔住, 出手打佢,
驚佢地整親個傷口, 無人係屋企時就放Baileys入房啦,
有朝早, 去完銀行返來, 發現佢因為忍唔住,
痾左篤金係我張被到!! >.<
個樣仲超無奈, 我都唔忍心話佢,
死死地氣去洗被。 :'(

第二個星期, 就係Vodka 閹,
閱完又到Baileys唔認得佢,
到左第三日先認得返佢,
兩隻野又如常玩到癲左啦。
點知, 唔知係咪玩得太癲,
媽咪話下晝見到Vodka一隻眼唔開,
仲係咁標眼水,
夜晚, 我仲發現佢傷口條線都唔見埋,
仲成隻野又牛下牛下, OMG!
第二日阿妹又帶佢去睇病, 有發炎。

而兩隻貓, 好返一個星期多D, 衰豬又玩到單眼了,
總之就係同我, 媽咪, 妹不停輪流睇住佢,
幫佢滴藥水同食藥, 家陣仲抓到我地都有傷口(=__=)。
然後, 我個細細妹就從澳洲回來了, 終於。
堆積了兩年的行李, 我唔知佢做乜咁慳家,
乜都帶返來, 有新有舊,
家中有幾日寸步難行(!!)

仲有, 就係九月特別多人生日,
狂食生日飯, 見到蛋糕都驚啦! HAHA