新加坡三日兩夜（中）

前一晚輪流去廁所直至清晨，

個肚勁空虛，

立即換衫出發去牛車水（定Chinatown?)，

搵野食，去食架央。

新加坡d道路規劃真係幾好ga。

由於我地對新加坡無咩認識，

故決定是次旅行係去食晒所有出名食物就完成任務了。

呢間野有七十年歷史，

我後來返工食Lunch才知道公司附近都有呢個名嘅新加坡餐廳。

食飽飽, 就去左新加坡動物園,

聽聞呢個動物園拎過好多次獎,

都幾好行, 可惜真係好熱, 我同個妹熱到發左癲咁,

係咁搵企鵝館. 點解??

個到一定有冷氣丫嘛(!!)

呢個動物園好在於佢就唔會用網呀籠呀困住d動物,

感覺懶係零距離咁，幾好。 

d蝙蝠一隻隻吊住係你頭頂訓。哈哈!

行完動物園, 見仲有未夠鐘食飯,

就去左一個好o大既shopping mall行街街，

不過又係同香港o既mall大同小異,

好就好在無「喼神」囉！

剛好個幾日有個咩國際美食活動,

特別多人。

但, 我是次旅行最想去o既SEPHORA,

因為呢間野可以買到好多香港無得賣的外國品牌,

本來朋友叫我買NAKE 1, 2 OR 3眼影玩玩，

但我化妝來來去去都差不多, 精精神神就夠啦,

12隻色, 我真係用唔晒, 基本上眼影真係用極都用唔晒,

於是我只買了NAKED BASICS的6隻色算。

但我就掃多盒胭脂(連陰影粉), 因為本來個盒被我暴力整爛了嘛。

行完街, 就去了酒店附近,

一間聽講話馳名o既海南雞飯餐廳,

真係好好味喎, 又抵, 

阿老闆娘仲好好人介紹我地可以一樣價錢試晒兩種雞! yeah~~

休息左一陣, 又出去, 

去睇夜景呀又。

去左金莎酒店觀摩一下,

真係又大又靚喎。

有水舞間feel嗎??

不過對shopping同賭博又無咩興趣,

反而覺得個super tree幾靚,

叫做有d野睇下, 每晚指定時間都有ga!