人在異鄉 -- 第一個星期

好耐冇update呢個blog....因為好一陣子冇去旅行, 之前又返工同讀書, 唔得閒+冇咩好update.
3月30號返完最後一日工之後......依家我人在芝加哥, o黎兩個月探下我14個月冇見o既男朋友啦!! : )
剛剛終於克服完我o既jet-lag!! 我平時去旅行都唔會有jet-lag, 但係今次真係不得了......
因為我要係韓國轉機, 由5點幾到11點幾(!!) 我淨係可以訓2個幾鐘. 之後由韓國去美國個程機仲慘..我完住冇得訓, 因為有太多bb啦!!
有好一兩對白人夫婦都帶住d100%亞洲人樣o既bb, 可能係領養ga啦. 所以唔係同對父母唔熟掛....總之佢地就喊得最勁, 而最得人驚係, 一有一個bb喊就成程d bb都會跟住喊...大家都好無奈 =___=
今次呢程機我隔雜有個嬸嬸, 我本來以為佢係韓國人, 但佢又唔識韓文喎 (因為空姐用韓文同佢講野),
到空姐派入境紙俾我地填時我見佢拎住電子字典係到查, 好苦惱咁.... 見佢拎住日本護照!
於是我就問佢洗唔洗幫手(英文). 佢又唔明喎. 不過佢突然用一句國語: 什麼?? 
噢噢噢~~原來佢識講國語, 佢仲聽到我都識講國語超開心tim. 於是我就幫佢填啦! (有日本名ga wor) 但我唔識漢字係乜!
到食飯時, 我又幫佢叫野食啦, 咁就傾左一陣. 我問佢你係邊到學d國語講得咁好o既. 佢竟然答話佢係內地人 (oh!!! 我以為係日本人)
我又問佢咁你識日語嗎?? 佢話一句都唔識 (!!) 我諗可能佢係嫁過去日本o既~~
今次佢去探佢個仔. 直到入境美國, 我都係照顧住佢, 等埋佢一齊排隊ga!
我覺得呢個媽媽真係好勁, 一句外語都唔識但為左個仔, 千山萬水由日本去韓國再去美國見佢. 好感動!! T^T
鬼仔星期一至五返工 (有時可以work from home). 我就一個人係屋企......
由於暫時我仲係人生路不熟而且鬼仔得一條鎖匙, 我驚蕩失路佢冇門口入.
最大獲係, 我出左街就冇得用wifi....上唔到網啦...我呢d"網絡依存症"o既人呢係會死o既(!!) hahaha.....
等我過幾日摸熟d路先出去散下步啦~~
雖然呢到已經係春天, 仲幾好陽光, 但仲係好凍, 早晚都係得3-7'C. 下午就有10'C-14'C。
我本來想出去影下花園D風信子, 但都係凍到唔想特登換衫出去影. :P
鬼仔每日5點起身, 我就都醒埋, 一齊食早餐, 7點送佢出門口返工。
之後一條友係屋企做咩好呢?? 就係......上網 (!!) 同兩個妹仲有d朋友Whatsapp, msn傾下計...
睇下電視 (我超鐘意Animal planet同cooking channel), 睇下書, 再聽下香港o既電台。
最最最花時間就係做家務(!!) 我平時係屋企都有做開ga啦, 但呢到地方大d仲好大塵, 而且我發現鬼仔屋企好多蜘蛛網!!
原來外國人係覺得有蜘蛛網係好o野 (!!) 我剛剛吸塵吸晒咁滯啦~~ woohoo...!!
暫時呢D生活都OKAY, 因為好閒...... 不過我驚遲D會悶, 所以都要諗下搵D野搞.. :P
琴日係屋企一打開窗簾就見到隻松鼠係對面馬路跑過o黎, 好可愛呀!!!! 我想影佢ga 但佢走得好快唔知去左邊.
之後我緊係好新奇咁話俾鬼仔知啦,點知佢話後花園仲多wor!! yeah!! 等冇咁凍o個時去睇下先~~

呢個吸塵機就係我o既打掃o既好幫手啦, 依家佢間屋乾淨左好多!!

唉~我好憎呢個開放式廚房, 因為次次都搞到成屋好大陣味丫!!!

我鐘意係廚房玩電腦多過係sofa同書房玩......

我唔明點解一個早餐都咁多野洗...

我地晚上o既活動, 就係捉棋啦! 但我次次都輸俾佢.... T__T

Pixar 25 years of animation -- 睇後尾枕展

琴日要睇兩套電影節電影,
倒屎咁早就要出去,
因為一套係早上10:30,
而另一套就係晚上9:50,
嘩, 中間成日流流長時間做乜好呢???

於是就去左沙田o既香港文化博物館睇PIXAR動畫25年展覽,
有胡迪啦, 有巴斯, 有毛毛, 有阿bu, 有超人特工隊等等,
諗起都開心, 點知,
滿心歡喜同期待,
換來係一肚氣!!!

係日本時同鬼鬼睇過宮崎峻o既動畫展,
有禮有守秩序o既日本人,
令我地可以好好欣賞同享受每一件展品,
因為人地好有次序地一個跟一個咁行, 逐幅作品靜靜地去睇,
等前一個睇完一幅佢地行開左, 下一個先會行上前睇,
而且館內不可以攝影o既, 真係冇人多手囉!!

可惜, 呢到係香港,
琴日入到去之後我以為自己去左花市(!!!)
每一幅展品都係擠滿一大堆人,
有家長為左俾小朋友唔洗淨係睇到pat pat,
會舉開個仔/女, 唔理會否踢到人,
亦有不少男士會好冇風度咁唔理你係老嫩一野撞開你,
再好有風度俾個女朋友行上前睇!!!

大佬, 你又係俾$20, 我又係俾$20,
點解你要阻止人睇野??
你知唔知我都係等左好耐先可以行到去幅畫面前ga???
我頭先望左好耐後尾枕啦!!!

你可以話你唔睇呢件可以睇第2d先,
但, 成個場都係好似你咁o既福街同埋龍友+智能手機黨.
個個停係幅畫面前死影爛影,
仲要係每一幅都要影喎!!
後面可憐o既職員苦勸唔可以影相都冇人聽.
更有家長係呢個時間教小朋友"如何攝影"(!!)
自己都其身不正, 日後如何教仔???

我都唔明點解睇還睇, 你要逐幅咁影呢??
你真的會逐幅睇返嗎???
我明你要upload上面書話俾人知你睇左啦,
但又洗唔洗逐幅都要人like呢???
話明唔可以影, 點解唔可以守下睇展覽應有o既禮貌?
出到外國映衰香港人就係呢d福街啦!!!

中間有一個展示動畫製作如何以速度來做出效果o既野,
係一個上面放左好多動畫角色, 由慢至快轉轉轉o既,
真係幾精彩ga, 如果可以好好睇到o既話.
可惜係, 唔可以囉!!
d人又係一大堆咁圍住係到,
影來影去又要影相又要拍片,
搞幾轉都唔肯走,
後面愈企愈多人,
個個都係到推推撞撞,
真係死左都唔知咩事!
令我更不解o既係,
好啦, 俾你影囉大佬,
但你洗唔洗同一段野要影3-4次呢?
你影完之後又要輪到你女友影喎, 返去兩個share唔得ga咩?
乜同一段影幾次影會影到唔同o既咩??
難道會多隻"阿凡達"ga咩???
痴拿膠線的......
更痴拿膠線o既係,
你影還影, 點解要加入旁白煩住人地睇野??
如: 嘩~~佢郁啦你睇....d企鵝一隻隻識跳ga!
小那星, 人地有眼都睇到啦, 洗乜Q你講呀??

最感同身受係走出展館後有個小朋友話: 睇pat pat展覽!!
姐姐都係"睇後尾枕展覽"咋陰公!!
睇完呢一part後已經冇晒心情,
可能要等遲d再去,
唔係等到時d冇品人死晒喎,
而係等冇咁多人貪新鮮去睇呀.....

BTW, 呢個展覽係由3/28 至7/11 ga,
如你唔係趕住upload上面書, 可以遲d睇,
唔係就會好似我地咁恨錯難返!

睇完都眼火爆,
要去搵雪糕食下火,
之後轉戰圖書館打發時間啦~~~

關於我媽......

剛下機,  兩位同事已一邊等候行李, 一邊打電話回香港跟家人報平安, 再打回公司報到。
 其中一個同事把電話遞給我, 好讓我也打回香港跟家人報平安。 我說: 不必了!
他很驚訝問: 點解呀? 一個女仔上北方做野, 唔洗同屋企人報平安咩? (那時正值東北寒冬)
我說: 唔洗啦! 我媽咪唔興呢d野!

他很疑惑, 於是我解釋道: 我中學有年去南京旅行, 個個同學都打返屋企報平安, 於是我都打囉. 點知我媽咪.......
媽: 做咩呀??
我: 冇呀, 打返o黎話你知我到左南京丫嘛!
媽: 咁點丫?
我: 冇野呀.....
媽: 咁唔好阻住我睇"洛神"大結局, 係咁先。
然後極速掛線。 (啞口無言到極點) 反正, 我的確沒有什麼特別事要跟家人說。

由那次起, 不管是短短幾天的台北遊, 還是一個月的歐遊, 我每次出門都沒有打電話回家報平安的習慣。而我媽都沒有打電話給我問候。

一來, 她知道我很"怕死", 不會玩任何跳降傘, 滑翔,急流及笨豬跳等高危活動 (過山車都很勉強)。
二來,反正如果我出了意外應該打不到電話啦, 電視新聞會報導, 而且當地醫院和警方會主動聯絡。 加上我發現send sms比打長途更便宜又方便(不怕時差),因此也理所當然地認為沒有報平安這個"很老土"的需要。

噢!!不!! 對不起, 我記錯了。 2007年我去了英國一個月, 我媽歷史性地打了一次電話給我, 原因是: 我被你爸爸煩左幾日, 係咁叫我打俾你睇下你點喎!! 仲有, 你記得幫個妹買銀包。 (!!!)

我媽是很開通又搞笑的"師奶"。 今天, 我妹會到澳洲去玩一年半載。 預計晚上於新加坡轉機, 我妹已打算不會打電話回家大報平安, 因為 -- 今天是TVB "on call 36小時"的大結局(!!)                   

做女人最緊要識放手

我已經好out咁買左新手提啦,
依家先買 S-II 我都知係好拿白痴o既事.
但我又實在好唔想用蘋果嘛.
而且我本來係想keep住用個部死鬼舊野,
睇下可唔可以用得耐過對上一部先換機, 始終唔想製造更多垃圾.

反正我都只不過係打出打入, send下 msg, 影下相再上下FB, twitter, 睇blog o既低能用家,
唔需要d太高智能o既智能電話。

點知部死野就係咁衰, 我俾左咁多次機會佢:
我一路以為聽唔到收音機同歌係因為earphone有問題,
換左幾條先發覺係內部有事啦~都算, 我最多唔聽o者...雖然冇歌聽真係好辛苦(T^T)
但始終都有感情, 就將就下。
好死唔死佢又成日都同我玩hand機, 本來以為我太心急, 慢慢o黎囉, 我忍!
但佢就進展到時不時都hand...hold住個畫面, 下下都要拆舊電出o黎再開返!
再加上我最近好想睇返金庸, 又俾我搵到可以係電話睇喎,
但呢部野就唔可以放大個畫面, 你知啦, 蟻粒咁細o既字好辛苦ga嘛,
放大d字呢又要睇幾行都郁幾下....我又心郁郁想換了。

係愈來愈煩o既情況下, 我個妹仲話佢係公司買有9折. 於是就換了!!

唉~~呢段簡直係一段"孽緣" (!) 就當係我痴心錯付。
我唔應該再死纏爛打, 唯有死左條心佢, 另覓新歡囉!

做女人最緊要識放手

我已經好out咁買左新手提啦,
依家先買 S-II 我都知係好拿白痴o既事.
但我又實在好唔想用蘋果嘛.
而且我本來係想keep住用個部死鬼舊野,
睇下可唔可以用得耐過對上一部先換機, 始終唔想製造更多垃圾.

反正我都只不過係打出打入, send下 msg, 影下相再上下FB, twitter, 睇blog o既低能用家,
唔需要d太高智能o既智能電話。

點知部死野就係咁衰, 我俾左咁多次機會佢:
我一路以為聽唔到收音機同歌係因為earphone有問題,
換左幾條先發覺係內部有事啦~都算, 我最多唔聽o者...雖然冇歌聽真係好辛苦(T^T)
但始終都有感情, 就將就下。
好死唔死佢又成日都同我玩hand機, 本來以為我太心急, 慢慢o黎囉, 我忍!
但佢就進展到時不時都hand...hold住個畫面, 下下都要拆舊電出o黎再開返!
再加上我最近好想睇返金庸, 又俾我搵到可以係電話睇喎,
但呢部野就唔可以放大個畫面, 你知啦, 蟻粒咁細o既字好辛苦ga嘛,
放大d字呢又要睇幾行都郁幾下....我又心郁郁想換了。

係愈來愈煩o既情況下, 我個妹仲話佢係公司買有9折. 於是就換了!!

唉~~呢段簡直係一段"孽緣" (!) 就當係我痴心錯付。
我唔應該再死纏爛打, 唯有死左條心佢, 另覓新歡囉!