十一假期 -- 濕平去

國慶我就無咩感覺, 只知道有假放,
訓到成十點先起身,
係屋企上上網, 睇下野就出門口喇!

呢頭出完糧, 個頭就洗錢~~
因為我枝香水用完啦,
要買一枝新o既,
經過我一留尋覓,
最後買左呢枝 -- Marc Jacobs o既DOT,
除左外表可愛吸引之餘,
我無買佢另外兩枝 -- HONEY同DAISY,
係因為我比較喜歡果香系, 甜甜地。
(解說:「資深少女」喜歡懶CUTE!!)

仲買左d立立雜雜o既野啦,
當然, 仲有買俾鬼仔的生日禮物,
諗o黎諗去唔知買咩,
我最後只買左個可以舒緩疲勞o既手枕俾佢,
因為佢o既工作係要長時間用電腦，

所以我諗呢個對佢o黎講有用掛。
星期五可能約左人, 如果有時間行埋街就睇下仲有咩會o岩佢啦,
因為佢搬左新屋我都未買禮物俾佢! hehe~~

除左買香水,
琴日都破左財,
同同事們夾錢買六合彩,
每人夾了$110 (!) x 7個人 (!!)
最白痴係, 頭獎只係一千萬, 唔算係好吸引~
大家做咩咁駁??
最後中左無?? 中左三注三個字(=____=)
認真傻仔! 下次我地都係小賭怡情算啦!

講起香水,
我係鐘意不停轉o既人,
因為至今都未搵到真心覺得屬於自己o既香水,
所以通常只買30ml/ 50ml。

今次就只係買左30ml,
因為我仲另一枝30ml未用晒,
剛剛用晒個枝係100ml, 朋友送的生日禮物,
其實我好鐘意好鐘意個隻味, 但又屎忽痕想轉下就唔買返同一隻囉。

以前鐘意儲香水辦,
但屋企地方有限,
加上家中飾櫃我只分到一格咁大把,
所以依家又好似太多香水塞埋一齊咁.......
我要諗下辦法執好佢先得啦!

女仔總要有d香味先得 (我覺得),
但我好怕d人陣香水味好勁或好濃。
好似我個外籍manager咁大陣香水味呢,
我有時對得佢耐or困係房同佢開會就會想暈低!
不過, 如果佢唔用香水就會有陣體臭味,
我就更加會想嘔啦!!
好彩依家唔熱, 佢就唔洗用咁多香水,
我終於都唔想受罪啦~~~Yeah!!