泰式massage -- 香港人之光

終於完滿結束呢個half day tour,
其實都玩了差不多7幾個鐘…
攰到死死下…
先返酒店好好洗個白白先,
洗到一d沙都冇wor, 勁!
我小心地撕開膠布,
yo~~~果然係好似俾指甲篤左.
好彩咋…
有傷口都係唔好食蛋同海鮮,
我唔想係個面個到有疤痕~
但鬼仔話未聽過有疤痕唔可以食呢D(!)
到我地終於去左個好靚仲可以望海o既餐廳時,
我見到有海鮮餐, 嘩~~好正喎, 所以都係食左~好味!哈哈哈~~

由於唔算太晚, 所以人客不多~

睇到嗎?? 個飯係心形ga, 好有heart呢....

兩個人食唔到咁多, 叫左個小小的海鮮拼盤, 條魚, 有點腥~其他都好好味!

食飽飽我地就去左做thai massage舒緩一下,
好舒服呀….我訓著左地泰嬸又拉又扯…
期間得阿鬼仔被人o拍左一下背大叫外,
我都係訓左咁…
其實再隔離都有個瑞士男人做緊, 哈哈!
最後最後, 阿嬸叫醒我, 要我坐底伸直對腳,
佢就用力係後面推, 要我再伸直對手掂腳尖~~
oh~~呢個咋嘛?? easy job! 呵呵呵~
我好勁地雙手抱到對腳板底都得.
鬼仔同個鬼佬都睇到傻, 不停叫好~
我直頭覺得自己做左奧運體操冠軍呢!!
連阿嬸都讚我well done!
話唔係好多人做到丫.