去玩，永遠最落力的 (完成版)

係開始墨爾本之旅前,
(嗯.....我要報告一下近況。)

成個二月, 我都係去玩咁滯,
因為新年去玩, 團拜去玩, 仲有德國朋友來港又去玩......
上星期, 我有8日都係夜歸(!!)
救命! 好耐未試過連玩咁多日,
但有得去玩, 我係來者不拒的。

呢間酒樓晚市搞到好似去飲咁, 食物okay但份量太少 

星期一 - 睇Wolf of wall street:
幾好睇, Leonardo做得好好,
帶起成套戲, 但有d長同太多性愛鏡頭,

加上變左主角o既one man show一樣。
btw, 佢係Djargo都做得好好。

星期二 - 一個成七年無見的德國朋友仔+佢老死o黎左,
呢個朋友亦係我當初學法文的推動之一,
齊齊去重慶食curry, 再殺去尖東飲野睇夜境。

星期三 - 休息一晚

星期四 - 睇戲again, 睇金雞sss,
幾好笑但太鬆散最後尾有d悶,
主要全靠綠葉帶起, 一般。

星期五 - 去食泰國為同事慶生, 好好味仲好抵!

星期六 - 帶德國朋友去大澳玩, 佢地雖然已經第三次來港,
但未去過香港o既離島/郊外,
等佢地感受一下香港寧願o既一面。

好正~~

芝士焗蠔, 又係好正~~

外國人見到呢d蛋黃表示很有趣

兩個本本話要飲可樂同食雞,

去到澳門都食左pizza hut o既外籍人士,

係我o既推介下品嚐左"凍鴦", 仲飲到有高潮眼咁話好味!!

仲話干炒牛河, 星洲炒米, 蝦膏炒飯等好好味。

幾時都話啦: trust the local! 

應該係蝦膏o黎o既

豆腐花~~美味香滑。

本來個德國仔死都話唔食o既,

但俾左一啖佢食之後, 條友就食左我半碗!

呢隻為食貓好嗲人, 好可愛, 由我摸

又食又行山又睇埋中華白海豚,

日頭o既天氣都唔錯~~

上山, 遠晀大澳

少林寺, 收生學功夫

可惜, 本小姐只是路過借廁所, 阿彌陀佛!

撘船仔去睇海豚啦~~

真係見到呀, 呢張相係兩條並排一齊的

個日都見到5,6條, 有大有細, 好可愛!!

德國朋友睇到都好開心。

再返市區飲野飲到深夜......

呢間bar係Element頂樓, 由於水平線唔同, 佢係可以望返對面中環上方,

夜景超靚, 但個晚好大風, 我地都係坐室內啦!

星期日 - 10點出發去川龍飲茶,

食物一般亦唔覺平, 而且太有"風味", 

我地下次都係於市區食完上山, skip左佢吧啦!

見到幾隻小黑羊, 原來好大陣羶味 

風景唔錯丫~~

一路行都有樹蔭, 唔錯, 幾易行又舒服 

大家都帶左d生果, 飯團係我個妹幫我準備o既,
但原來最後個頭好多馬騮, 要小心。

再行山去城門水塘, 唔夠訓又連續兩日行山真係好眼訓好攰。

但我竟然仲可以返屋企沖個涼, 換套衫, 化個妝,
再出返去TST陪德國仔食日本野,
之後仲飲野飲到零晨先返屋企呀, 癲的!!
無辦法, 佢地最後一晚, 我實在陪得佢地太少。 >.<

呢間野叫"白木屋"於TST, 幾好食,

呢個係美人鍋呀, 我食左就變美人啦, 哈哈!!

啤酒, 上面就係砂冰

又飲~~

星期一 - 係飲完redbull都無用的情況下,

我仲可以放工搵埋朋友食飯, 而友人就將要返回澳洲了。

星期二 - 休息一晚

星期三 - 放工打羽毛波， N年無打過啦自中學後。。。。

我真係好耐無試過日日都咁多活動,
以前年輕(!)時可以夜晚放學去食飯飲野至凌晨2-3點,
之後返到屋企係沖涼再做下學校野, 4-5點先訓,
第二日仍可以7點起身(!!)
最高紀錄係一個星期, 七日只訓20個鐘。

依家，我係訓唔夠7個鐘會精神彷彿的,
上星期每日都好似行屍走肉地返工,
最神奇係, 放工去玩個時又好精神!!
對! 去玩係最落力的。 哈哈!!