koln carnival

之前新春行大運有提過我情人節去科隆時無乜人慶祝，

反而就好多著到鬼五馬六嘅人係街，

因為二月中成個星期都陸續有本地人或外地人甚至外國人專程去呢個科隆就係為左carnival。

德國其他地方都有慶祝Carnival,

但佢地話科隆呢個就最有睇頭喎，

所以年年都最多人湧晒去。

（佢地話另一樣科隆都好出名嘅係基吧）

仲有花車遊行tim,

四圍啲人都咁多架，

我太矮，只好去啲高嘅地方睇，

但咁樣就無糖執，

係呀，參加巡遊嘅人會派/拋糖果俾路人，

勁多人執，特別細路仔。

呢個唔係人形蜈蚣，係毛毛蟲

實在太多花車同人，手又要揸酒，

唔得閒影咁多。

呢個koln carnival有啲似萬聖節但就大規模好多，

而且個幾日你會見到街上勁多醉酒佬，

同成地都啤酒瓶或瓶碎，

一個唔覺得仆係到都幾係野，

仲四圍都有陣酒除味。

我都唔客氣啦,

呢種啤酒兼酒杯係科隆特有，

杯身係窄窄的，我好鍾意。

因為無咁大杯，唔會飲太多而醉。

入屋叫人，入廟拜神，

我當然都有跟德國朋友們去左扮鬼扮馬玩下啦，

一早十點去朋友家集合兼食早餐，

食到十一二點開始又白酒又啤酒，

最後開埋香檳，

就一齊出動落街玩。

個幾日都好凍，要出去就唔可能扮啲要著好少衫嘅野，

我最後以全黑色貼身衫褲扮了Cat Woman(別打我）。

請無視個大鼻吧，我最鬼憎自己個鼻的

我男友負責揸機，佢嘅造型係Joker

Joker配Cat woman, 正嗎？

呢班朋友仔嘅造型之中好似我最Hea囉（！）大家又睇得出佢地扮咩呢？

落街有咩玩？

咪就係繼續飲住酒睇花車同落酒吧囉，

飲足一日後第日個樣勁腫仲好攰。

不過真係幾好玩嘅！有機會一定要去去。