台北三日兩夜閃遊

五一跟友人去了台北三日兩夜小遊，

剛好有朋友在台北出trip，

可以三人加台灣的朋友玩了幾天，超爽。

第一日下午落機再去酒店check in後，

新認識的台灣朋友載我們一起去吃烤肉同火鍋，食得超飽。

本來友提要不要去101附近的Sparks或Baby18，

但因為三位港女已經不再18，

加上同行有朋友不喝酒，

決定唔夜蒲，改去喝奶酒啤酒。

台灣朋友介紹的，

去到已經晏了，商場好多層都閂左，

但最後我地請到保安哥哥開門。

這個奶油啤酒超好喝，好順口，香甜，

連唔好酒的友人都喝了大杯。

入面裝修及侍應都係德國傳統打扮

呢間位於板橋大遠百九樓

第二日，一早就先去食早餐再去左一間叫「慢動作咖啡」的cafe，嚐咖啡，

連台灣朋友都唔知道，

其實係我之前去考咖啡師牌上堂時老師提過的。

好彩有台灣朋友帶路所以都唔係搵左好耐，

老闆是咖啡師，而且如果問佢嘅話，

會按你口味遂一介紹再沖咖啡俾你。

非常舒適的咖啡店，

喜歡的話仲可以買豆，

都係老闆自己烘焙嘅。

飲完咖啡，友人開車載我地去新北一帶玩，

去左白沙灣及淺水灣閒逛，

無錯，地方名同香港的一樣，哈哈。

欲窮千里目 更上一層樓

基本上沿住海岸線就會去到野柳睇奇形怪石，

但我地夜晚想去基隆食海鮮，所以時間不夠。

不過呢一帶都因應風化作用，

有好多自然景觀值得欣賞。

呢一排石就被侵蝕到好似一堆益力多樽

發現心形石

好多人嚟郊遊

呢邊的海灘沿岸生左好多呢啲藻

情人橋，好明顯係錯綜複雜嘅多角戀

途中停下來休息的洋荳子cafe

仲有最近台灣大熱嘅「阿帕契女王post」

個位私下去參觀阿帕契軍機搞到滿城風雨嘅女藝人，

係軍機前就用呢個post一下踢倒整個台灣軍隊啦！

玩到夜晚去基隆吃海鮮，

超抵食。

人超多

睇下，幾大隻，而且好鮮甜

大滿足。

友人載我地反到台北都唔洗一個鐘，

時間不算晏，

三女在酒店附近（西門町）shopping了一番先肯訓覺，

因為本來嚟shopping入貨係化妝師朋友此行目的，

而且佢買得興起仲抬左盞燈回港（好靚嘅檯燈）。

我都買左堆防曬及化妝品，其實本來想掃SOFINA，
但可能太多遊客去買，幾間都得返幾枝咁，只能買少少同朋友分囉。
（我想講左上兩枝防曬香港萬寧賣緊$99.9，但台灣屈記NT299就有，仲要再折，平成三十蚊。仲有中間紅色個枝眼線筆，　NT358左加再折，香港LOGON賣$155。

另外Dolly Wink眉筆都平成三四十蚊。食水好深。
而中間粉紅色個枝係店員推薦用黎畫係眼底，令對眼睇起來更無辜架喎！哈哈～）

仲有幫個妹買口罩。

第三日，剩返我同同行嚟嘅朋友，

兩條友check out完決定去咖啡弄，

好彩只係排左五分鐘，

大熱天時，飲返杯冰滴，

但我覺得啲咖啡麻麻。

之後轉戰誠品，

一逛就兩三個鐘，

友人狂掃化妝髮型書之際我睇左呢本書，

仲買埋返香港（另外買左本貓貓嘅書）。

最後去買埋手信返酒店執埋野就出發去機場準備回港，

返到已經深夜，攰死了，

但又好開心喎！

已經想再去多轉啦～哈哈！