五月尾泰國之旅

好耐無寫blog,

一來因為未買新電腦，

有時用手機打完會彈apps乜都無晒。

二來，上司之前產假，工作忙。

三來，爸爸五、六月都入院，

心臟有事，剛剛終於做了手術。

加上，最近投資左個妹同朋友搞的生意，

雖然唔算好落力但作為股東都盡下綿力。

總之，成個月都忙於公司，醫院及舖位三邊走。

拎起電話嘅相一睇，

爸爸出事前我同左個妹去泰國曼谷三日兩夜，

好似好耐之前咁。

貫徹宗旨，

衰野唔講啦，

分享一下開心時光。

五月二十三嘅出發，好彩係早機，因為睇新聞見之後啲機因為天氣惡劣滯留

一落機check in 完就同個妹去拜四面佛（佢話要拜架）

之後去左附近Shopping mall行街

泰國啲mall都算好行但一樣去到名店就勁多大陸人，

不過好奇怪，呢次幾乎無係名店之外見到大陸人。

究竟佢地除左名店同酒店有咩地方去？

行完街去食海鮮，Sorry只影左海鮮冬陰公後就忙於拆蟹

嚟到泰國當然要嘆個椰青啦

又去左一個叫Termainal21嘅mall行街街，

我比較鐘意呢個商場，因為每一層主題唔同，

而且唔會只有名店同連鎖店，

都有小店架，唔覺唔覺買左好多野。

盞燈好靚

行到餓，食個lunch啦～「建構」

返酒店游一游，得我地兩個，感覺似包場

我來的，請不要驚慌

夜晚再去左一個港灣嘅夜市，

原本以為會大出血但最後因為個market 太大，間間買嚟買去啲野都一樣，

最後只買左啲我最愛的椰汁糖，香薰，媽咪要的手信同三個貓貓勾（！）

都行左兩粒幾鐘架。

呢個摩天輪係應處地標

穿梭於夜市中一心要買野但無斬獲之唏噓背影

買晒返去就靚啦

返去再去左酒店附近嘅supermarket買野同宵夜醫肚。

是次斬獲，仲有啲零食（特別版香蕉味百力茲等等）同另一個香薰未影已用，仲有枝蠟筆唇膏都唔記得左拎出嚟。哈哈。

第二再做埋foot massage 就check out la~

鳴金收兵返去之前要食返個芒果糯米飯