近日愛食

Upgrade左去10, 終於用得得心應手少少,

不過, 原來upgrade完之後呢係會無晒聲架(!)

上網睇, 好多人都有呢個問題,

要自己去delete左個乜叉野audio server 之後又再load過,

咁就無事, 點解有呢個咁白痴既設計??? 

另外, 仍然唔知點解插左線裝埋iTunes仍然係過唔到手機D野落電腦,

真係好想死!!!

最後, 我用咩方法呢???

就係將D野掉晒上Dropbox,

然後再用Laptop響dropbox樹download返落黎,

OMG!!! 成件事係戇居到無人有囉!!

係開始整理我的旅行post之前,

等我介紹一下最近食完覺得「喂, 唔錯喎, 可以再食」的東東~~

第一間, 係我同友人公司附近,

一個月內一齊食左兩次的cafe,

真係好開心, 唔洗去到山長水遠嘆精品咖啡,

叫"my little coffee"。

友人鐘意呢間野的all day breakfast,

而我就兩次都係點肉醬意粉,

再加一杯耶加雪菲咖啡~~

有個種係台灣cafe hea hea的感覺。

雖然, 每次出返黎都係會有「妖, 死返上公司做野啦」的無奈!

而另一間就係韓國野,

叫阿利水, 雖然都唔算太近,

次次行到去都一身汗,

所以夏天就會叫涼麵呀, 拌飯之類,

呢間野最好係前菜可以添加架!!

仲有一間, 係有次落雨亂入去的日本餐廳,

類似居酒屋, 但我唔記得叫咩名,

lunch黎講都唔平, 所以唔會咁快再去。

吉列豬扒定食, 都成$80-90

雖然仲係夏日炎炎, 

我都打左兩次邊爐,

仲要係同一個星期內(!!)

所以就爆左瘡瘡~~T__T。

澳門仔火鍋, 3個女仔食呢個海鮮鍋好夠~~而且幾好味又抵食

最後一間, 剛同朋友慶生食過,

成班友食完已經諗緊秋天耍再去的 -- 聚手工火鍋!!

梳羅魚湯底勁好飲, d魚極爽, 蠔又鮮甜, 仲有d手工丸超彈牙,

好味!!

最最最後, 我平時只鐘意食薄荷味雪糕,

但個日行過7仔, 無喎,

只好試下呢個新口味~~係dreyers + b 仔的甜筒,

又幾好味喎!! 食完, 心情大好~~

不停學詹瑞文講「我要食雪糕呀」(!!)