開心九月

細個讀書就最唔鐘意九月, 

因為開學嘛,

依家大個左就鐘意九月,

因為有中秋節假,

而且九月多朋友生日,

變左多Gathering, 所以零舍開心。

最最最最開心係 -- MUSE 28號嚟左香港開show!!

我當然有睇啦, 已經係我第三次睇,

仍然有最Hyper的放波波

男朋友依家超妒忌我, 哈哈~~

我今次同朋友買$780 (全企位),

男友話佢地三月都會去科隆, 但就90-100歐張飛, 好貴呢!

同之前一樣, 佢地都係咁正, 我地當然勁high, 同埋跳到腳仔軟~~

仲又因為去睇show識左班夾band既新朋友 (PS: 我從來無玩開),

今次陪我去睇show的朋友又係因為07年睇MUSE而識,

而今次又friend撘friend識到佢以前夾開band的朋友,

識到唔同既朋友係好開心的事, 仲可以交流下聽開咩band咁,

話唔定第日男友來港可以同佢地玩下嘛, 哈哈!!

今個九月除左一開波同中學同學去澳門之外,

仲食同班九月之星生日飯, 

已經唔知第幾年一齊慶祝,

能夠相識是緣份呢~~~

間餐廳幾細心, 知道有人生日, 會係甜點上寫定happy birthday

轉個頭, 仲約埋好友係公司附近食lunch, 

煩人既星期四都變得開心。

呢間餐廳變左我同小友要「食好d」時的大愛 

甜品都唔hea ga

朋友預先order的半熟tart

再來, 有日放工同朋友去左試lady M,

時間尚早, 唔洗點排隊,

等左陣就有得坐,

雖然真係唔平, 但堅好味!!!

一點都不失望~~再望返張相, 我又想再食了。

公司的法國同事由家鄉帶左呢兩樣野做手信,

個糖都幾甜, 但我都okay,

個餅呢, 法國妹教大家浸一浸落咖啡或茶食,

個味非常香, 入口仲香到好似食緊番碱咁。

同事們都食左一啖就帶返個位偷偷包起掉了,

我就好俾面食晒成條,

其實可能我地食唔慣咁香既野啦, 都okay的。