HP迷必去 -- 大阪環球影城

今次同個妹仲有媽咪去大阪 (另一個妹遲D自己再去反),

有個地方我同個妹都一定要去既,

就係大阪環球影城。

俾著平時, 我地就對呢D主題樂園無興趣,

因為我又唔玩機動遊戲, 仲好怕排隊仲有人多擠迫既地方。

但係今次就唔同啦, 因為有HARRY POTTER主題嘛,

我同個妹都係HP迷, 所以一早就係香港訂飛去會一會。

人影我影, 硬係影少左個字....(!!)

9 3/4月台變左咁？

係車站已經有HP廣告啦

後面仲有幅超大既, 我個妹係到自拍左好耐,

我怕人多, 就無影了....

個門口已經又有HP啦~~

呢個turkey leg幾好味, 我地三母女都好滋味

個妹又係到自拍啦~~

其他咩恐龍呀, SNOOPY呀, 喪屍呀總之所有其他野我地都無放在眼內,

OKAY~~除左迷你兵囉. 我個妹好鐘意架,

咁我都唔抗拒既...... 為左影相, 個妹仲特登帶埋上次係BANGKOK買個迷你兵袋(!!)

呢D毛巾帽我都幫人買左兩條,

我自己就買左HELLO KITTY,

個妹就買左POTTER, 好型架。

仲買左個咁既包食,

呢到仲有個迷你兵爆谷連埋個桶可以拎走架,

不過我地唔太鐘意食爆谷同埋熱屎辣辣唔想拎住個舊野四圍走

(好唔有型囉, OKAY???)

四圍都係求其睇下之後,

直接殺去HARRY POTTER個邊,

其實環球影城好大仲有好多野睇,

但我不過都唔鐘意太多人,

一多人我就覺得好煩,

同埋勁熱, 我地都係勁憫既(!!)
咩事呢?? 三母女都係咁好火!!

於是咩都係睇下行下就極之目標為本咁去HP!

加上張飛係有寫你幾點可以入去HP,

所以就要準時過去。

哈利仔個到都好多野睇架~~

原來呢個至係9 3/4月台呀~~

首先有成條魔法街, D雪係咪假到喊呢??

入去買野準備開學用咁...

當然要去買返D魔法糖果

最緊要係去搵枝魔杖同埋買隻貓頭鷹寄信用

你D麻瓜識條鐵咩??

發完癲, 講返條橫丫腸先,

我地仲買左呢種HP入面既BUTTER BEER,

o係凍既, 好彩~~

幾驚好似書講個D飲完會暖呀, 三十幾度呀大佬。

睇唔睇到條HELLO KITTY巾?? 係連埋帽, 可以防曬,

遮埋手臂,

不過, 我好白痴咁買錯左,

買左小朋友SIZE (!!)

好彩仲遮到個頭......

我地仲排左成個半鐘入城堡呀,

入去做乜?? 去睇4D影院,

都好正, 幾刺激(對我黎講),

因為另一個設施係過山車(好似巫師銀行個隻),

個D我玩唔到, 我驚呀!!

而且要排170mins, 差唔多3粒鐘,

唔係排呀仲??

＊＊＊＊＊＊＊＊＊＊＊＊＊＊＊＊題外話＊＊＊＊＊＊＊＊＊＊＊＊＊＊＊＊

早幾日有間教育機構做左個調查話香港人英文仲屎過日韓同越南,

雖然話後生個D英文因為母語教學搞到愈來愈差(我都係母語教學出既廢青),
仲有D老豆老母又鐘意用笑死外國人既英文同仔女講野,

但我諗都無咁誇張呀化?? 

因為呢次我地去環球影城,

連坐係門口售既職員都可以唔識英文, 我問佢張HP票都搞到雞同鴨講。

昋港應該未至於咁屎呀化??

你試下去OCEAN PARK 或迪迪尼, 售票如果唔識英文,會點??

我覺得呢個統計都唔可信,

佢自己已經係教育機構, 無私顯見私啦,

仲有,佢根據個EF英語能力指標2015考核,

呢個試好多大陸人落黎香港考, 拉低左香港分數都唔出奇。