因為佢d野唔只平, 有時仲好實用,
好似我之前去旅行都係個到買左d藥盒做我的旅行藥盒,
仲買多一個放飾物(計我話去旅行都要靚),
再買多個洗衣袋, 因為去人地屋企洗衫用嘛!
最近我又去了久違了的12蚊店,
唔只掃自己野, 仲有貓貓野tim!
呢隻野買左返來唔夠一分鐘已經被Baileys連鼠帶棒一野搶左出來,
得返個粉色野痴住係地下, 白色以上被佢咬住, 追左九條街先搶得返,
由於佢早前有吞了一條冷之後排返出來的經驗, 我最後都係剪鬼走晒d羽毛,
驚佢地又再吞落肚丫嘛!!
逗貓棒, 舊個兩枝係訂貓砂送的,
已經被兩隻大帝玩到爛鬼晒。
出面d寵物店夠膽死賣成$60一枝,
傻的嗎?? 我見見到12蚊店都有, 於是立即入手。
呢個咁似紅白藍的野係裝佢地d毛巾仔,
脫水雞肉, 濕糧, 貓砂等雜物,
當日將d雜物過箱時,
個臭豬一眼就認得出包雞肉, 搶左出o黎,
又係捉左好耐先拎得返。
依家佢一見到呢個紅白藍就眼甘甘, 唬到實!!
呢個袋佢話用來放錄影帶,
話你知我小學已經無見過人用, 要搵都去博物館搵
咁我買來做乜??
用o黎放d襪呀, 腰帶呀咁再放入衣櫃幾好囉。
佢仲有好多雜誌呀, 漫畫size, 我都有買來放雜誌,
鬼咩, 兩隻野我唔搵野封住, 佢地又拎來玩到不似書形。
一包12蚊, 其實都貴貴地 (我覺得)
但放係屋企, 見暈或口淡淡答一粒都唔錯
毛衣起粒吸一吸, 依家仲可以吸埋身上的貓毛, 正!!
呢個野話就話用來塗係眉上hold得耐d,
但我就化完妝用佢塗係眼皮上, 可以唔脫妝, 堅好用。
有時化妝, 哎呀唔少女整左出界,
或野畫左內眼線落妝落唔晒, 用佢啦,
呢個棉花棒你打開佢就會有清潔液流出, 好方便!
log-on都好似有, 但貴好多, 12蚊30枝, 抵!!
除左去12蚊店, 我仲去了禮物俾表哥新生的小B,
不過係B仔, 恨女的一家都覺得有d失望,
咥有玩返大表哥個B女啦, 聽聞表嫂又有左啦,
希望又係生個女等我幫佢紮下辮仔啦!!
老老豆豆, BB野真係唔平,
咁樣都成200幾300蚊,
佢話係有機棉喎, 是但啦,
我下次都係去睇Box set先!
我當然有買野俾自己,
就係上次online shopping買的鞋,
到左啦, Vodka又搏上鏡。
波鞋用寸去做運動用,
但我最近只係去做yoga, 游水,
赤腳就得了, 白痴左。
大佬, 大熱天時仲行山咩??
我唔想中暑見報。
另外兩對, 返工可以著, 英國牌子, free shipping,
無咁易撞款嘛, 我以為......
早排去萬X買返用開個隻Maybelline mascara,
佢話兩件有得一齊85折,
於是揀左枝好紅o既唇彩玩玩, 第一次用咁紅。
因為我本來用開Paul & Joe深粉紅色的,
但係, 最近游多左水, 唔多唔少都黑左d,
用左個隻色, 嘩!! 我覺得勁似菲律賓人。
於是買左鮮紅色, 咁望返落去好似白返d...哈哈!!
又來攝鏡的Vodka!
早兩星期, 連續兩日我都係屋企執到兩假衰豬的牙仔,
養貓的朋友都話我好好彩, 竟然執到,
因為平時佢地都係會吞左落肚,
哈!! 見咁好彩, 買了一注六合彩,
超~~~唔中。
最後, 俾張上個月world cup決賽的相你地睇下,
就知道佢幾咁鐘意捉波!
衰野, 成晚跟住個電視粒足球拍來拍去(!!)
呢兩個lego結他仔, 係我送俾上個月生日o既德國仔的,
剛好係佢生日前一日到左, 佢好開心咁係skype拆俾我睇, 哈哈!
哈哈~我係第一~
ReplyDelete12元店D野都質素好好, 又大件又抵.....因為有時差唔多相同既貨, 0係"日日城"可能要三, 四十......12元店都唔錯, 又多款.....
佢地有冇隻一齊發動總攻擊...部電視?? 哈哈
好叻叻呀!! 第一名~~
Delete係呀, 佢地d野真係幾抵買, 有時仲好多創意家居野買! 佢地日日都發動攻擊個電視啦, 呢排女排就更甚....T__T
佢地有冇發動 後排2.5扣殺??? 哈哈
Delete12蚊店我以前個個禮拜都去架. 次次都有收穫
ReplyDelete我都次次會有收獲, 仲要滿載而歸! 王子你仲個個星期去, vip都有得你做呢~~
Delete我屋企仲有兩部 still working 的錄影機架。
ReplyDelete嘩~~保留得咁好, 你要好好keep住佢!!
Delete12蚊店係會搵到實用野架,但好多野佢都食水深, 普通家品店同樣野平一半有多,佢就統一左個價.
ReplyDelete貓野你最好買冇毛唔易咬甩既, 費事成日要check住..
最賺錢就係BB野啦,又大得快成日又要買.但d父母幾貴都一樣捨得.
笨咩呀 ,做完瑜珈一樣要著返鞋行出街架嘛.
呢隻紅都ok呀 ,襯返深色衫會好d, 不過我都係鐘意深酒紅.
下? 我覺得佢地已經好鬼平啦喎...快講邊到有抵野買? 等我仲沾沾自喜tim!
Delete可惜貓野成日都整d毛呢...陰公!
BB野我琴日去WING ON又買左, 好靚的GIFT SET, 仲好抵買呀, 今次叻返!
深酒紅呀...我未試過, 下次再買來玩下先, 等我滿足下你啦老細 (死未??)
好多家品店既野都平過12蚊店啦, 因為12蚊佢SET死左個價,俾人既感覺好平, 可能只係部份,但有好多係普通家品店,同樣野得幾蚊, 係唔值12蚊既 ,你留意下囉.
Delete酒紅色 , Bobbi Brown launches Miami Collections有隻幾好.
我前幾日都去12蚊店買左碗呀日用品咁呀!
ReplyDelete我成日都想買D碗ga..佢地d碗好靚ga都...但一諗到俾媽咪話我塞爆佢碗櫥就淆底了! >_<
Delete我屋企樓下正正就有12蚊店~我都間唔中去行~唔會成日去架~好易買好多~!
ReplyDeletewow...咁要好有定力先得啦!!
Delete