杭州遊西湖之None of my business trip

又靜左個幾星期，因為早幾日要出trip,

係我入呢間公司以來第一次出trip,

主要見下啲supplier, 見識下。

本來係下星期的，仲約好晒時間，

Admin同事都訂晒飛機酒店，

但腦細搞一搞又要改，

提早左（！）好彩都順利，

仲好，下星期可以造冬。

就係咁，今年我竟然飛足八次，仲唔發？

同事們未出發先興奮，

去左機場迪迪尼同Harrods shopping.

今年香港機場佈置幾靚

同上年一樣係SWAROVSKI 但呢個無咁娘，幾可愛

今次同行仲有兩位同事，早機去晚機返，

又杭州又上海但都唔算辛苦，

唔算太緊湊。

第一日班機delay左一粒鍾，

再搭車過海寧，

個日霧霾好勁，

係車都睇出到外面係點乜滯，

去到開完會就食晚飯，

食飽飽先返酒店check in。

去左間叫「元朗」嘅酒店定飯店食，

啲廂房都用香港地方名改，有淺水灣，天水圍同流浮山等。

法國公司出trip通常揀返法蘭西人開嘅酒店，

所以今次住 Sofitel,

仲有免費upgrade 左我地去商務樓層，

不過就唔係西湖景。

大就好大，裝飾有點娘，仲有啲好細粒嘅蟲飛飛下（第一晚）

酒店房唔知點解個洗手間咁開揚，

個玻璃係無窗簾可以拉，

一個同事間房個廁所直頭連玻璃都無，

兩個人住嘅話開大都聞到。

以前去青島間酒店又係咁，但有簾。

夜晚都係睇下emails 咁，

因為係香港買左電話卡，

唔洗翻牆都可以上Google, YouTube , whatsapp, Instagram 同Facebook! 

好彩～

最搞笑係我去個幾日，習總都係杭州，

開國際互聯網會議，

一個咩國際網站都上唔到嘅國家開國際互聯網會議，

係咪好諷刺？

第二日，食完早餐又去做野，

但都係杭州，唔洗頻頻撲撲。

食完lunch 又去見另一間supplier 開會，

完成晒要做嘅野之後，就去西湖睇下風景。

有人係地上用水寫大字。

但，乜五花馬千金裘下一句唔係「呼兒將出換美酒 與爾同消萬古愁」嗎？

紅葉啊

上星期去元朗睇嘅紅葉都無咁紅

吞噬咸蛋黃

任何一個角度睇都好靚嘅西湖

可惜唔夠時間去六和塔，

我中學時期去過，

如果由個度望返落西湖會好靚。

風很大，凍到頭痛，

大家入Starbucks 飲杯咖啡取暖。

之後係附近一個商場行街，

再同一個supplier 食飯。

個老闆好多說話，

佢話佢反國教時都係香港，

佢話自己唔會俾意見，

但鍾意香港年輕人，有思想，

同欣賞我地敢於表達自己。

仲講起貪污，佢讚我地普通香港人都有廉潔既作風。

第三日，我同manager要一早六點半落去食早餐，

搭八點火車去上海見新supplier,

強國式上車方法：明明本來係閘口排隊檢票，

但排排下就會四方八面有人爭先恐後咁湧係你前面，

後面又會有人貼住你背脊推你！

搭車，我同事隔離個男人霸了佢三份一個位，

仲想幫佢較低埋張椅背，因為又想訓埋佢個邊，

而我後面條友un腳到我以為地震，

車上啲強國人又大聲講電話，想補眠都唔得。

俾錢又係，一放低野俾錢，

又無啦啦有幾隻手跨過你個頭，

或隔離左右爭住俾錢，

地方靚就靚啦但啲人嘅行為就十足未進化咁。

杭州同上海車站都見到迪迪尼嘅變種米奇

開完個會又趕兩點火車返杭州會合另一位同事

如果無晒廣告勁似北韓車站

返到杭州就仆返酒店一齊去機場返香港啦，真風塵僕僕⋯⋯