不在家的兩星期

Yo yo yo ~~~ 我終於都捨得寫blog啦！

十一月有成兩星期不在家，

因為我十一月尾生日，

男友早已訂機票嚟陪我過生日，

而我又順便帶佢見識下其他亞洲國家啦！

仲有幾餐朋友們的生日飯，

所以都幾忙。

又，因為土地問題，屋企細，

同家人住，仲加上又大又細幾隻貓，

真係幾唔方便，

男友都係訂酒店，我就陪佢住酒店啦。

又要拎香港加泰國要著的衫，

連電腦都無帶去（好重）。


女仔出門一定會準備化妝品護膚品，
我平時用個阿婆罐儲落嘅sample可以大派用場啦！
用完就掉，減輕負擔。

第一間酒店，近我公司，

頭幾日我都仲要返工，

可以一齊食完早餐行返去，

男友有時差，自己補眠兼搵節目，

放工就帶佢飲飲食食，見下朋友仔。
酒店將我地upgraded 左去商務樓層
好大間房同有廳，但就無景。
好搞笑，　有日德國仔送完我返工撘電梯返房時遇到對澳洲夫婦，
同佢呻仍地間房好細。

之後就放一星期假同佢去布吉！ Yeah!!

布吉之旅就遲啲講啦～放住幾張相先啦。