轉眼又到十二月

又有差唔多三個星期無更新，
主要係因為忙同朋友見面。 哈哈！
呢種忙係最開心的。

另外，我manager又返嚟啦！
每次佢出trip前後一星期都係忙到甩碌的。

生日飯同一大班朋友去左食Greyhound Cafe (旺角火車站個間),
食物唔錯喎，但我要跟十一個人搶食，好忙。
佢啲甜品好多，呢個蛋糕係友人悉心揀左嚟同款嚟砌成的。

聽日又有生日飯!! 哈哈~~竟然食到12月。

十一月蟹樂道

十一月一到左農曆十月我就立即吃了大閘蟹,
我知道有部份愛蟹人士一早已吃了大閘蟹,
但我比較喜歡吃公的, 人地話十月的公比較美味嘛!
加上我呢幾年對好多殼類海產有敏感,
不宜多吃, 所以要等到農曆十月。
朋友不斷分享食蟹照片誘惑我時,
我總回應: 放心, 我對於食仔我是很有耐性的。 XD

十月最後一個星期

唔經唔覺又踏入左十一月,
呢一年點解好似好快就過完咁??
我都已物色左新一年o既schedule, 呵呵~~

十月最後一星期,
做左d乜?
咪又係返工囉,
Halloween都無去玩呀!
當日有客人來開會, 派糖俾大家。

另外兩粒已經一早食左, 哈哈~

谷氣

真係唔知點解有d人幾廿歲都咁白痴, 搞到我個人好燥。

是咁的, 我樓上鄰居本來同管理處申請搵師傅去通渠,
我地係樓下, 所以要我地開門俾佢搞,
原定當日晚上八點, 佢亦話okay o既 (因為要等我媽咪都係屋企嘛)。

但條白痴就等唔切, 自己通左佢,
下晝我個妹煮野食就出街,
佢煮煮下我地露台天花板條渠就穿左,
漏水, 漏好多個隻!!

飲飽食醉過後 -- 辟穀

最近兩個星期都係HAPPY FRIDAY~~
點HAPPY?
相信無野Happy得過同朋友行街街有斬獲,
而且仲可以同朋友食飯聚舊啦掛??

上星期五同朋友去了TST食韓燒,
27樓高, 可以見到夜景, 不錯~
服務同食物都好好, 環境舒適, 抽風好, 食完唔會好大陣味! 哈哈~

睇牙的奇遇。。。

早排又去了定期o既牙齒檢查,

主要係去洗牙同睇下牙咁,

今次要去到鬼咁遠, 因為佢搬左。

雖然話可以去第二個到睇,

但我係睇開o個個就睇o個個o既人,

又唔係日日去, 就照入啦!

牙醫伯伯話我d牙無咩野, 淨係洗下就得了!

但睇次牙都俾我大開眼界~~~

話說排我前面個兩姊妹就超騎呢,
仲睇左好耐, 因為佢地我本來早到20分鐘, 都仲要足足等左40分鐘!

重陽假期, 又睇戲 -- About Time

上星期五放工又急急腳同朋友仔睇戲,
今次睇左blog友毛豆講o既 -- About Time,
中文名係《回到最愛的一天》。

就咁睇poster同個名我本來以為係講愛情,
本來唔打算睇, 又驚係d煽情戲, 要帶毛巾入去睇個d。

但睇完之後我同朋友都覺得非常好睇,
加上有有D地方自己有去過, 覺得特別親切。
當然有講愛情啦, 但都有講親情,
而且我今次竟然覺得個中文名都改得貼題。

電影poster實在影到兩人太醜啦, 我決定要放呢張劇照, hehe~

又破財

上星期同友人去左中環加尖沙咀行街街，

同菲律賓人仲有大陸人互動了一整天(!!) 

都有啲斬獲，加上友人有折，所以花費不多。 

正當我諗住今個月應該唔洗再用錢之際，又破財!!

Happy Friday

琴日真係happy friday,
因為我manager出trip兩星期啦又,
大家都唔想OT,
基本上係成個department都係準時走晒人,
Yeah!!!

我就約左朋友去食飯+睇戲,
餐飯呢?? 味道就真係唔錯, 而且個view都好好,
可惜食物份量太細, 我地三個女仔都唔夠食,
本來加左單, 但佢竟然miss左, 仲要問左兩次,
最後趕住睇戲, 就算啦!
埋單六百幾~唔多抵食! 因為餓住睇戲。

阿姆斯特丹 -- Hash Marihuana & Hemp Museum

哈!

早幾日睇電視講荷蘭旅遊,我先醒起我自己未打完冬日遊荷蘭+比利時之旅,


又講返阿姆斯特丹,


一提起荷蘭, 應該都有唔少人係會諗起大麻,


因為個樹食大麻係合法既~~


連大麻都合法, 真係好開放o既地方,


難怪我以前有個荷蘭老闆,


佢成日因為係香港室內地方食煙被人罰款,


所以大鬧香港地係CRAZY!!!


(仲有就係佢成日超速駕駛惹官非)

十一假期 -- 濕平去

國慶我就無咩感覺, 只知道有假放,
訓到成十點先起身,
係屋企上上網, 睇下野就出門口喇!

呢頭出完糧, 個頭就洗錢~~
因為我枝香水用完啦,
要買一枝新o既,
經過我一留尋覓,
最後買左呢枝 -- Marc Jacobs o既DOT,
除左外表可愛吸引之餘,
我無買佢另外兩枝 -- HONEY同DAISY,
係因為我比較喜歡果香系, 甜甜地。
(解說:「資深少女」喜歡懶CUTE!!)

過左去的中秋

(肉兔與玉兔)
本人又慢半拍咁過左一星期先回顧我剛剛過去的中秋節。



中秋做左d乜? 緊係BBQ啦!! 唔知幾時開始中秋總係離不開BB蕉!!正日係同屋企人食飯食月餅。

夏日回顧......

咪以為我又失蹤係去左旅行喎, 鬼咩成個夏天都無去旅行, 連以前年年夏天都會去的船P我都無去呀!!
反而就食左好幾次雞煲(!) 認真撞鬼, 年頭第一次食雞煲仲話第一次食咋好開心呀咁...點知呢三個月都食左兩三次, 連邊爐都打左兩次......

七月, 主要係忙工作, 因為Manager出trip又返o黎, 出trip又返o黎...每次都好大陣仗咁忙足幾日。 再加上我最憎o既哥倫比亞同事來港一個月, 哼! 平時同呢個無理取鬧o既女人已經係e-mail開片; 仲要係公司對佢一個月真想打佢兩巴。好彩有個幾星期佢上左大陸, 仲有都好少搵我, 主要佢會煩住我manager。

私人生活? 都有o既, 就係食朋友慶生飯、家庭聚會、 同埋竟然有一次小學同學聚會。 嘩~~大大話話都有10年以上無聯絡啦, 因為畢業以後都無搵過大家。估唔到有成十幾廿人, 大家外貌都無咩點變 (除左我, 佢地話我個樣變左好多, 唔認得 -- 因為細個係薯嘜...hahaha~), 個whatsapp group仲不停講野, facebook真係偉大, 咁都搵得返。
仲有就係又報左法文班嘛, 停左半年又故操故業 (自作孽?)。

八月, 除左冇左哥倫比亞婆次外, 都係同七月的事務差不多! 仲唱左一次K, 去左朋友婚禮!!

不過無遊船河, 都有去游水, 今年夏天健康左好多呀!

Google Social Media 介紹日

以下係我任職google的朋友介紹~~
因為佢知道我最近終於回心轉意用返google的blogspot, 所以有筍野就介紹左俾我。
呢個係一個google搞的活動, 係有關google soical media的介紹日,
雖然我唔會去 (大佬, 個日要返工, 如果我申請大假o黎參加絕對會被上司鬧死而且大假餘下日數不多, 要慳住用); 不過可以會有其他blogger有興趣呢!!!

活動日期：10/10/2013
時間：15：00

活動內容：
1．基本操作
2．設計
3．增加人流
4．成功Blogger，Youtube ,G+ 的例子分享
5．使用HTML
6．如果使用Blogger,Youtube 增加收入

如果大家有興趣, 可以click以下呢條link, 報名參加喔! : )

Blogspot apps

嘩！我裝左blogspot個apps可以係到打blog.連upload pics都非常方便。
最近忙於返工返學，仲有就係九月有好多人生日呀，加埋中秋，睇怕要十月先重拾寫blog生活。
關於搬blog, 我都怕copy and paste會唔見晒啲相。正在搵緊容易嘅方法搬遷。。。希望最後唔洗愚公移山式搬遷啦！
友人俾左呢條link我，得閒研究下。 https://www.google.com.hk/url?sa=t&source=web&cd=2&ved=0CDEQFjAB&url=http%3A%2F%2Ftw.myblog.yahoo.com%2Fbear-oj%2Farticle%3Fmid%3D2747&ei=10PlUZHgIMzOkwWJhICgDg&usg=AFQjCNFjFcluJr4qSSUFUfeiiSQnOe1xpA
係咁先~~

重新開始 -- 總有出頭天

Blogspot開左幾年,
除左剛開始的半年間歇性地以英文打blog,
得幾個外國blog友咁大把外,
因為係香港不普及,
一直都無再更新。

改用左yahoo blog,
其實覺得yahoo blog都唔係咁好用,
又成日有問題, 但係yahoo blog都有一小班blog友, 就唔想又搬。

殊不知依家yahoo摺埋,
我終於可以用返blogspot啦,
太耐無用, 要摸索一下。

好似有唔少yahoo blog友都轉用blogspot,
真係有「拋頭露面」o既時候啦 (如不明請重溫星爺o既逃學威龍2)。

俾我懶埋個夏天啦,
無咁熱我會update多d ga啦!! 哈哈~

繁忙的五六月

又有一段時間無打Blog,
我的「網絡依存症」已經被繁忙醫好左。

其實都做左幾多野,
工作當然啦,
仲有就係好多戲想睇,
最近睇左兩套~~

首先係《Populaire》, 中文名好SEVEN叫「打字女神夢」(咩料?),
幾可愛的一套法國片, 而且d服飾背景我好鐘意, 我諗會買dvd收藏。

另外係《Now you see me》, 中文名係「非常盜」(好柒的名),
幾好睇喎, 我鐘意, 都會買DVD收藏(小姐有咩你係唔收藏呢??)。
但個日睇戲好慘, 有個白痴女仔坐係我隔離(唔識的),
一入埸 (佢已經遲到), 又話眼痛又係咁講野, (小姐唔舒服你返屋企咪阻住人睇戲啦)
由於係鬥智的戲, 佢唔明, okay, 唔明你睇完先問囉,
點解你一邊睇一邊問問問問?????
正當我想開口叫佢收聲個時, 由於太黑, 我覺得佢個外形有少少似我以前同學, okay, 我吞左佢!!
佢之後都問少左但佢完全係睇唔明套戲呀!!
最難頂係, 佢睇睇下搞自己隻電子錶, 較左鬧鐘唔識整停佢(!!!)
最後個一粒鐘響左成兩次...我頂!!! 點解睇戲不時會遇到呢d人??? 嗚......

西貢半日遊 + 又買野

雖然五月都仲係落雨,
不過個人開心過四月~~
至少上星期有一朝可以駁到個黑雨, 哈哈!!

月初四圍見朋友去玩,
買野同DIY!!

朋友因家事由英國回港,
故去一趟西貢探佢,
本來想食下粥同布拉腸粉,
可惜太晏已收擋, 唯有下次再去......
不過都食左串燒。
幾好味但有D貴囉......咁樣都三舊幾水(!!)

日有所思, 夜有所夢之 -- 咪搞我!!

一日兩篇....

是咁的, 我琴日睇左一個討論區的post係關於曱甴,
睇完之後成日個腦諗坐曱甴,
就係咁, 琴晚我夢見有曱甴,
仲俾佢爬左個口呀痴線!!!
好驚好驚一嚇到我今朝七點八個字就醒左,
發現個口有野.....媽咪呀!!!! 我即刻衝去照鏡,
好彩發現只係有條頭髮痴住左係咀!!

嚇得我!!!

可能呢d就係日有所思夜有所夢!!

又例如我初初入呢家公司,
唔習慣我個經理成日叫住我,
我連發夢都夢見佢不停叫住我, 頂!!!
(即係我唔止現實有OT, 連發夢都OT左俾佢)

最驚曱甴ga啦, 咪鬼搞我呀!!

母親節送禮 + 窮人DIY手作仔

剛剛過去的母親節,
今年得返我一個係屋企,
媽咪話出去食實多人,
加上以前都試過BOOK左位都仲要等,
所以就只係出去飲茶,
晚餐照係屋企食。

繼續為生活加一點糖

 

 

呢個星期都過得幾愉快同輕鬆,
因為我Manager又有兩日出左trip,
而且佢係公司時忙於開會見客,
無佢煩住我,真係暢快~~

咪以為我會無法無天呀,
因為我係做一樣野要好專心同集中先可以完成得快同好的人,
所以無佢係到一日到黑叫住我,
唔洗做做下又停一停,
真係完全唔同feel ga!!
佢星期五放工仲對我 殊起手指公,
平日又mean又唔笑o既佢o黎講,
已經係好o大既讚賞啦!!!

準時放工左,
夜晚可以同朋友去happy hours~~

對住靚靚香港夜景嘆返一杯~~
黃雨o黎講呢個天色唔錯啦下,
好彩落雨個時係室內咋。

再同北京返o黎o既朋友食飯~~
價錢唔值囉我地覺得~~
不過餐飯食得好開心,
又認識左三位北京, 台灣同澳門朋友,
三地文化交流一下。

最搞笑係個北京男士猛問我地點樣可以變年輕一d,
其實佢都只係三十出頭,
但佢話我地香港的人衣著打扮好年輕好好睇,
所以想多多學習。

星期六, 去左坑口搵朋友食lunch + tea,
就係我剛剛返左英國的朋友佢因為家事又o黎左香港,
不過今次佢要成日去醫院陪公公,
所以只能抽4個小時見面。
希望佢公公早日出院啦~~
知道佢幾年未食過sushi, 所以一齊食下啦~~

再請埋佢食tea, 為佢打打氣丫!!!

人愈大, 愈o黎愈多生離死別,
好似前幾年有個中學同學因為癌症過左身,
之後又到我兩個舅父,
仲有不時都會有朋友屋企有白事等等~~

當然, 開心的事都有,
有讀書時的同學結婚生仔等等~~

不過最近我上司的事, 令我覺得人生好多野都好突然.....
好感慨!

真係要活在當下。

另外, 由於復活節個幾日我買左好多野 (主要係衫, 換季丫嘛),
我話過呢個月唔再買野,
但....... 一個月有成30日,
點樣忍手喎???

買左d乜??

 

 

呢幾樣野唔係同一日買o既,
對鞋同個袋係三月底係asos買ga,
上兩個星期先送到o黎,
但落雨落左咁耐,
前兩日先終於著得,
不過夜晚又落雨, 吹漲。

其他個d係拜山個日買o既,
都係d濕碎野....
右下個舊係係乜??

之唔係teabag囉,
我返工就用佢飲茶啦,
之前個舊用左太耐,
係時候要換。
呢個是咪好cute呢???

總之就係o岩我呢d老少女扮下少女啦!!

廢話up完, 係咁。

討厭四月

四月都過左一半有多,
個天都灰灰沉沉,
又成日落雨,
再加上三日唔埋兩日,
就有D不愉快o既新聞,
真係令人覺得好沮喪!!!

公司方面都有唔開心的事發生~
未知我上司依家點, 真係一言難盡,好擔心。

加上早兩個星期manager又出trip,
一個人要做o既事好多,
而且, 一d都唔簡單,
幾次要report俾老細,
好大壓力,
忙係好忙, 但一個人做野都唔錯,
結果都幾好順利,
唔洗煩到manager,
所以有滿足感。
。。。。。。。。。。。。。。。。。。。。。。。。。。。。。。。。。。。。。。。。。
每次唔開心,
我都會拎返"天使愛美麗"出o黎睇,
睇完就會覺得人應該要為生活加一點糖。

做一d令自己開心的事,
保持樂觀, 積極態度~~
例如: 買下花....

聽下歌....

 

去拜山, 又見到B女啦,
佢好似認得我,
一去到就對我笑,
又俾我抱,
我餵佢食飯仔佢仲好合作,
食得好快tim。

 

不過好搞笑, 佢依家叫人淨係識叫男人 -- 爸爸, 公公, 爺爺.....
係都唔識叫媽咪, 婆婆同女麻女麻...
仲識講多左其他野喎, 依家仲可以唔洗扶野行幾步又停下行幾步,
佢依家13個月, 真係好好玩。

另外, 仲有同朋友食飯慶生......

 

更有人千里迢迢係台灣買左一大堆手信,
送埋上門, 買埋早餐俾我妹食, 個日仲要落住大雨.... 佢好慘

 

糖村個隻牛軋糖真係勁好味道ga。
但原來我影個時已經有一盒綠豆糕放左入雪櫃,
仲有, 我好柒咁調轉左糖村個袋糖o既包裝(!!!)

。。。。。。。。。。。。。。。。。。。。。。。。。。。。。。。。。。。。。。
另外, 我個妹已經出發去左日本北海道啦,
又係working holiday,
公主病人依家都要剷牛屎, 餵牛同揸奶(當然係用機),
我就睇到都覺得心涼。

但佢話我先係病得最嚴重o個個囉....哼!!

有返D正能量~~希望五月會更好啦!!!

大澳一日hea遊

落雨落左幾個星期又天陰陰,
成個Easter先得朁有太陽,
趁我個妹未出發去日本,
我地就一齊去下郊遊啦~~

我地兩個都未去過大澳,
所以就去反一反啦!!

由屯門碼頭出發,
撘船去都好快到~~
仲俾我地見到著住粉紅色鬆弛熊tee的一家三口,
早知都同我個妹著到一樣出去啦! (佢實唔制)

 

大澳真係一個好寧靜的地方~~我都好鐘意...
但住呢, 就一日咁大把啦!!

 

 

仲科左廿蚊水去睇海豚, 但睇唔到....嗚.......

 

唯有食下野補數~~

 

 

 

呢個豆腐花唔錯, 雖然我覺得唔及媽咪整個d好食....哈哈~~
但認真, 我覺得絕對好食過遠近馳名的南丫島xx豆腐花多多聲~~

有好多龍舟鼓丫~~

 

去到大澳緊係多呢d野賣啦, 我影俾鬼仔睇, 嚇Q死佢tim呀... 我同佢講食得ga! 佢話"scary looking"

既然係咁, 我地睇下可愛的貓貓~~貓貓tea time!!! 開飯啦喂~~

Hello??? 你做咩係都唔俾我睇你個樣???

仲有呢個小型藝術展覽, 幾多野睇, 幾有趣ga~~

 

 

呢個文化工作室保留左好多大澳歷史價值的野~~

仲有, 我個妹話: 竟然有人癲過你!
幫白雪公主徵婚, 又話請白雪公主~~認真, 真係想去見下工ga!!

 

 

復活節假期

話咁快又清明, 我今日唔洗拜山,
下星期先拜~~
琴晚放工時我個外藉經理仲問"is it chinese halloween tmw?"
我真係被佢笑鬼死!!!!

我聽日返去實會問返佢: Did you dress up as a ghost or chinese vampire yesterday?

我就唔扮鬼又唔拜山啦,
咁剛剛的復活郵假期,
大家又做左D乜呢??

對我呢D唔係教徒的人黎講,
復活節唯一的意義當然就係有幾日紅日啦!!

基於我仲未中六合彩,
所以呢幾日就無去旅行,
雖然我都好想..... T__T,
不過剛剛先去完歐洲,
又去旅行我怕之後有一段日子都要捱麵包。

本想趁假期去郊遊同行山,
可惜, 天意弄人,
最後又因為天雨關係,
只可以屈係室內,
所以我的假期就咁屈屈下,
真係鬱鬱而終(!!!)

屋企無花園, 唔可以好似外國d小朋友咁收埋d朱古力再去尋寶,
當然屋企人亦唔會咁同我癲啦!!!

 

就係咁, 本人應下節,
就買左d復活蛋,
自己食(!)
睇下我幾得閒幫d蛋都影下寫真....

 

 

 

仲有我個妹,
佢依家係開始下一個旅程之前都好得閒,
一得閒就開爐焗野, 密密做阿荗!
就整左呢d復活節曲奇。

Easter有復活餅,
清明洗唔洗整d清明餅呢??
如: 香形, 爉燭形?? (癲左........)

 

另外, 又整左呢d牛油曲奇,
我都帶左唔少返公司俾同事食,
連我個老闆都話very nice! 哈哈~~
要肥一齊肥丫嘛!

 

 

 

除左整餅, 都有同朋友見下面,
因為我個英國朋友來也匆匆, 去也匆匆,
想當年我同朋友第一次去英國玩時,
都曾經住過係呢位朋友屋企,
真係出外靠朋友,
難得連佢家人都好客, 個時簡直就係湊女一樣。
所以每次返o黎我都一定要見下佢,
又或者去英國時我都一定要見下佢.....
仲一齊過左佢的生日!! 好開心~~
希望好快又再見啦。

 

 

減壓。。。。。。

蹤左十幾日,
今次唔關個電腦事,
而且最近其中一個妹返左香港,
俾返個Netbook我,
我本來係可以打到blog的。

我唔係被外星人捉左,
而係去左更恐怖的地方 -- 公司!!!!

工作好繁忙, 因為我個上司開始放產假,
無左上司頂一頂, 咩都要直接同個麻煩外藉經理做野,
真係覺得好煩,
還好我同事話佢依家比以前正常左,
所以佢都無虐待我(!!!)

經過兩個幾星期疲勞的工作之後,
呢幾日終於可以正式放假啦,
呵呵呵~~

我好少話買野來減壓,
因為我通常係寫底要買咩然後以麻甩佬買物方式,
即係好似搶包山咁, 一入去就即搵即買需要的野, 買完即閃。
雖則係咁, 最近都買左唔少野,
例如上網買左我人生第一對Ballet shoes~~
是咪好女仔呢??

 

我以前唔著ga, 因為個腳形著得唔好睇,
但今年想有個新嘗試, 又難到一對咁合眼緣,
上網無得試但我對呢個牌子有信心,
因為前後已經買左三對, 知道咩碼係fit size. 哈哈!!

 

真正的減壓係同朋友仲有屋企人gathering....
上星期, 同英國朋友仲有日本朋友去食雞煲+飲野,

 

打邊爐佢地就食過, 雞煲第一次咁話喎,
仲話好正tim, 連d麻辣湯底都飲埋~~~真係捧場!

 

 

仲有上上星期, 又去左玩BB,
我個妹係上年B女滿月酒時已出發去澳洲,
今次再見到佢已經係一歲的小人兒。
我妹唔係鐘意小朋友個類型,
要乖佢先鐘意,
好彩~小B女係好乖乖!!
食飯食得好快, 又唔易喊~~
今次我又買左兩個花花髮夾俾佢啦!!!

不過佢依家開始學行, 就唔鐘意坐BB食飯檯仔被關住,
一放入去佢就知到無自由,
你睇, 佢有晒眼淚!!!
無見幾個星期就識行啦, 不過仍然係打破唔到我九個月就識行識講野的紀錄,
嘩哈哈哈哈哈!!!

祝大家復活節快樂!!