誰偷走了腦細的passport?

連打兩篇, 因為上星期本來想老老土土回顧一下2014年,
係自己面書睇下睇下今年o既野,
我發現, 踏入7月之後,
依家的法蘭西腦細出現o既頻率好高下。

我以前同香港, 荷蘭, 美國,德國, 蘇格蘭同印度人等等共事過,
但無呢一個法蘭西人娛樂成份咁高,
我真心認為佢值得擁有一個專屬嘅Tag!!!
記錄底佢o既搞笑事, 同大家開心share!




以下呢幾段, 係有關佢出trip唔見passport的事:


記錄日期: 2014年7月7日

腦細一早面如死灰返工,
原來佢於機上唔見了passport(!)

航空公司搵返放係機場LOST & FOUND,

佢仲要鬧人做咩唔送返黎俾佢(!!)

同一日, 佢下午時發現, 原來自己今朝唔見埋條車匙(!!!)

記錄日期: 2014年8月22日

好白痴呀, 腦細又唔見左PASSPORT了(!!)

究竟有邊次出TRIP可以全身而還呢?

記錄日期: 2014年9月24日

柒無止境: 同事話頭先同腦細係電梯,

腦細突然對住電話大叫: STUPID!

同事問佢"Your phone is stupid?",

佢話"No. I lost my passport again!"

最後佢下晝死死地去再搞返本。

白痴到暈, 由我入來呢間公司三個月,

佢已經唔見左3次Passport, 每次出TRIP都有新的, 真威威!!

**更正: 第一次唔見搵得返的。